Tɛbubukasɛ 5:11 - ONUGBÙ NYƐNYÃ VUVƆ

¹¹ Ɔkɛlɛ mɛ idi klɛ mɛ nu kpayaxwɛdɛ gelee ili mɛ, gɛ balɛ tɛkɛkla mɛ na akpã ɔyɛkɔ trɔ akpã bha, nɛ akpã lɔfɔ yɛ ɛzakɔ lɔfɔ. Ba kana bukusiegbu anɛ kɛdɔbhɛbhɛtɛ lulu anɛ banɔ shishe nɛ atsya.

Tɛbubukasɛ 5:11 ပူးပေါင်းရင်းမြစ်များ

Hebriuanɛ 12:22

Pɔ nɔ ba Zayɔnɛ Butu nɛabha, nɛ owũsise Yerusalɛm, ɛkpã Kpaya ɔma gbɛgbla nɛ mɛ. Nɔ bo ku kpayaxwɛdɛ akpã akɛpã gɛ bexogo nɛ́ same,

Yuɖa 1:14

Ɛnɔkɛ, egigenemi denɔ Aɖamu abha, aɖɔɛbuielu denɔ banɔa nɛ shu asɛ: “Di, Apalete nɛ aaba nɛ yɛ banɔ nɛ gɛ balɛ shu bhui nɛ akpã akpã mɛ

Tɛbubukasɛ 19:6

Ɔkɛlɛ mɛ nu kɛdɔ tili dɔ gɛ yi ansɛ banɔɛzagbla, ansɛ buni kpɛkpɛ gɛɛ tɔkɔ klɛ bu yi gɛganɛɛ ansɛ subhalɛlɛ, ogugu sɛ: “Haleluya! Alasɛ bulɛ Apalete Kpaya Agɛadɛ yɛ aŋɛabha.

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 5:14

Kɛdɔbhɛbhɛtɛ lulu tɛlɛ̃ nɛ sɛ, “Tɛkɛbɛlɛm,” klɛ beshishe nɛ be zhiadɔ klɛ ba kpɛ kɛtɔkpuesi.

Tɛbubukasɛ 5:6

Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.

Tɛbubukasɛ 5:8

Klɛ gɛ ayɛkɛa lɛ beke, kɛdɔbhɛbhɛtɛ lulu tɛlɛ̃ anɛ banɔshishe afɛtabha anɛ tɛalɛ̃ nɛ bezhiakpla nɛ obhoshieyi nɛ ete mɛ. Akanyaka evunɔ ohui sangu klɛ be vunɔ sɛkadzɛdzã busugba gɛ buyuku nɛ kedɔhuhu, gɛ kɛ nu kpayanɔ nɛ kpayakuklu.

Tɛbubukasɛ 7:11

Kpayaxwɛdɛ nɛ petee be li kititi akana bukusiegbu anɛ bakashishe anɛ kɛdɔbhɛbhɛtɛ lulu tɛlɛ̃. Ba wɔlɛadɔ akpɛ amɛesi nɛ bukusiegbu nɛ amɛ klɛ ba kpɛ kɛtɔkpuesi kɔ Kpaya,

Tɛbubukasɛ 9:16

Beyuta nɛ gɛ be bu nɛ tɛkɛkla mɛ za akpã tabha kɛfɔɛfɔ nɛ ovulo nɛ mɛ. Inu balɛ tɛkɛkla nɛ mɛ.