Tɛbubukasɛ 3:14 - ONUGBÙ NYƐNYÃ VUVƆ

¹⁴ “Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.

Tɛbubukasɛ 3:14 ပူးပေါင်းရင်းမြစ်များ

Yohanɛsɛ 1:3

Ganɔ yɛ abha ba bhɛtɛ kɛdɔnyɛdɔ, yɛ mazɛlɛmɛ ba gɛ ta bhɛtɛ kɛdɔnyɛdɔ gɛ ba bhɛtɛ.

Yohanɛsɛ 8:14

Yesu ebu ishu nu asɛ, “Onugɛ ɛɖɔaɖɔ nɛ mɛnahwɛ shu tsyɛ, mɛ ebuimɔɖɔ nɛ aŋa, alasɛ inyi ɔkɛlɛ gɛ ede nɛ ɔkɛlɛ gɛ ɛvɛ. Pɔ kɛma wunɔ tɔkpuimɛ ɔkɛlɛ gɛ ede nɛ ɔkɛlɛ gɛ ɛvɛ.

2 Kɔrintioanɛ 1:20

Alasɛ kɛbuinyɛbui dɛ ba dzi ebui tɛtrɔ gelee gɛ Kpaya abhɛtɛ, lɛ nu “Ee” nɛ Kristo mɛ. Kɛlɛ so ganɔ yɛa bha “Tɛkɛbɛlɛm” bu ɖɔ yɛ kɔ Kpaya nɛ tɛkpɛkpɛ nɛa bha.

Koloseanɛ 1:15

Kristo yɛ tɛzɛzamɛ nu Kpaya gɛ ba ta mɔ, eyi tɛtɔpu kɔ kɛdɔ bhɛbhɛtɛ kanyaka.

Koloseanɛ 1:18

Klɛ yɛ nu kɛtɔkpu kɔ ishuidzya, busɔlɛɔha, yɛ nu kesikpɛkpɛ anɛ̀ eyi tɛtɔpu gɛ akpasɛ denɔ bekpu mɛ, sɛ tɛ nɛ kɛkanyaka mɛ aba yɛkɛ agbɛgbladɛ.

Koloseanɛ 2:1

Ɛpɛɛ sɛ tɛ nɔ ti kana gɛ ɛwlãkɛ kɔ nɔ klɛ nɛ̀ bagɛ ba lɛ Laodikɛa, anɛ̀ kɔ bagɛ ba ka tsyanɛ mɛnahwɛ edi.

Koloseanɛ 4:16

Keplukpa anɛ tɛkɛklae de kɔ nɔ, no di lɛ ɔkɔ sɛ ba kla kalɛ tsyɛ nɛ Laodikeanɛ busɔlɛɔha nɛ mɛ klɛ tɛ nɔ dɔ tsodzi ɔkla denɔ Laodikea nɛ nɔ kɔ.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 19:11

Ɛmɔ owũsise gɛ ɔdanɛ oli klɛ nɛ mɛ amɛ ɛsɔ fufu eli, gɛ agɛ etsri yɛa bha be kulua sɛ Tɛyɛyɛkɛŋa anɛ Kɛgba. Plɛnɔ tɛnɛna mɛ ekluebhui klɛ ata keyu.

Tɛbubukasɛ 2:1

“Kɔ kpayaxwɛdɛ nɛ Efesusɛ busɔlɛɔha nɛ mɛ ɔsɛ: Ebui ɖuɖɔa nɛ alɛ nu agɛ evunɔ awɛ̃wɛ̃ tegene nɛ yɛ kɛŋa ɔhwɔɛ nɛ mɛ klɛ aaga fla nɛ sɛkadzɛdzã kanɛgbɛsi tigene nɛ shi sɛ:

Tɛbubukasɛ 21:6

Aɖɔ etsrem asɛ: “Kɛ tɛ bhɛtɛ beke. Mɛ nu Alfa anɛ Omega, Kesikpɛkpɛ anɛ Obekekɔ. Aanɔ nɛ gɛ oniwɛ̃ ɔɔta yɛ ɛba kɔ yɛ awɛ̃ buni edenɔ ɛkpãni nɛ gɛ de tisi mɛ kɛbhɛ mabuya mabuya.

Tɛbubukasɛ 22:13

Mɛ nu Alfa anɛ Omega, Atutɔpu anɛ Agɔgɔɛ, Kesikpɛkpɛ anɛ Tɛbibeke.

Tɛbubukasɛ 22:6

Kpayaxwɛdɛ nɛ etsrem asɛ, “Ebuia nɛ alɛ gɛ ba ba yɛkɛ alɛa bha aŋa klɛ le nu kɛgba. Apalete, batɔnu nɛ ɛfufɔɛ nɛ Kpaya, asɛsɛ yɛ kpayaxwɛdɛ sɛ tɛ akasɛ yɛ baxwɛwa nɛ ebui nɛ gɛ alasɛ tɛ la ba alɛ ɔzakɔ kpataa.”

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.