Tɛbubukasɛ 22:18 - ONUGBÙ NYƐNYÃ VUVƆ

¹⁸ Itsre nɔ anɔnyanɔ putɔnɔ gɛ enu keplukpɛa nɛm ebui nɛ asɛ: Onu gɛ anɔ teli aya kibui tili ata alɛ, Kpaya tsyɛ aba ya atrɔ batɔ nɛ gɛ balɛ bui la ɖɔ nɛ keplukpɛa nɛ mɛ nɛ akɔ anɔ.

Tɛbubukasɛ 22:18 ပူးပေါင်းရင်းမြစ်များ

Mateo 15:13

Ebui lɛ nu asɛ, “Osi kanyaka gɛ mɛ owũsise Aka nɛ edi dzu ba ba nyɛna ɔlɛ ehe akpa nɛ igu.

Efesoanɛ 4:17

So itsre nɔ kibui nɛ, klɛ ɛkatrɔ kɛlɛabha sɛ nɛ Apalete nɛ mɛ, sɛ nɔ tɔ za nɛkpã anasɛ bagɛ bɛdinu Yuɖanɛ na za, nɛ balɛ kibuiesi manumanu.

1 Tɛsolonianɛ 4:6

klɛ nɛ kibui nɛ mɛ anɔnyanɔ atɛ bhɛtɛ buzizi avɛnɔ yɛadzya ɔkɔ ɔdɔgɔsɛ amɔ kidzo nɛ yɛ shu. Apalete aba tɛta banɔ nɛ petee gɛ ba ba bhɛtɛ ebuizizi alɛlɛ nɛ di nɛ atɔ, ansɛ gɛ bu tɛ tsre nɔ klɛ bu kpɛ nɔ ɔshã.

Tɛbubukasɛ 1:3

Bayula anɔ nɛ gɛ aakla ebui nɛ gɛ ede kibuiɖuɖɔlui nɛ mɛ, klɛ bayula bagɛ balɛ enui lɛ klɛ ba yɛkɔ kɛgɛ ba ŋlɔmɛ nɛ akpɛ balɛ idzyi mɛ, alasɛ kibe nɛ tsobunɔ.

Tɛbubukasɛ 15:1

Ɛzɛ mɔ nɛ owũsise kɛdɔmumɔ gbɛgbla gɛ bhɛtɛ bi tili: kpayaxwɛdɛ tiegene gɛ be vunɔ banya tiegene gɔgɔɛ— be nu bagɔgɔɛ alasɛ ba lɛ plɛnɔ pɛ Kpaya obulo gɛganɛ nɛ ɔna.

Tɛbubukasɛ 15:6

Denɔ busɔlɛvu nɛ mɛ kpayaxwɛdɛ tiegene ɔplɛnɔ banyagbla tigene nɛ ekoeyi. Be nyumu kɛdɔ gɛ kɛlɛ shu bhui, apɔtɛ gɛ atã klɛ la yɛkɔ sɛkadzɛdzã ɛdzadi anya etem.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 22:10

Ɔkɛlɛ etsrem asɛ, “Tɛ da ebui nɛ dɔ nɛ ebuiɖuɖɔlu keplukpɛa nɛm, alasɛ kibe nɛ tsuu ba.

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 22:7

“Di, ɛba kpataa! Bayula anɔ nɛ gɛ anyɛna ebui nɛ gɛ ba ɖɔelu nɛ keplukpɛa nɛm.”

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.