Tɛbubukasɛ 22:10 - ONUGBÙ NYƐNYÃ VUVƆ

¹⁰ Ɔkɛlɛ etsrem asɛ, “Tɛ da ebui nɛ dɔ nɛ ebuiɖuɖɔlu keplukpɛa nɛm, alasɛ kibe nɛ tsuu ba.

Tɛbubukasɛ 22:10 ပူးပေါင်းရင်းမြစ်များ

Mateo 10:27

Kɛgɛ itsre nɔ nɛ otumu mɛ, nɔ ɖɔɛ lɛ nɛ kelizɛzam, kɛgɛ bee tsre nɔ hunihuni, nɔ kpɛ lɛ igugu nɛ buvu aɖam.

Romanɛ 13:11

Klɛ bhɛtɛ kɛɛnɛ sɛ no nu kibee nɛ mɛ so. Ɔɖɔ nɛ mɛ ɔna sɛ tɛ nɔ nyɛmɛ denɔ wɔnɔ tra nɛ mɛ, alasɛ bulɔ tɛyɛyɛkɛkɔ nɛ tsobunɔ lɔ ɔtsɔ̃ nɛ dɛ kana gɛ bu yɛkɛŋa putɔnɔ.

Romanɛ 13:12

Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

2 Tɛsolonianɛ 2:3

Nɔ tɛ kɔ anɔnyanɔ awɛ nɔ nɛ kidzonyɛdzoa bha, alasɛ kiwi lɛlɛ nɛ tɛ baa ba odi nu sɛ kititilulɔ bɛ lɛ mɛ klɛ be bu anɔ gɛ ama ɔshã kanyaka mɛ nɛ akasɛ, anɔ nɛ gɛ atɛ wɔlɛ eku butsyrɔ mɛ.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:3

Bayula anɔ nɛ gɛ aakla ebui nɛ gɛ ede kibuiɖuɖɔlui nɛ mɛ, klɛ bayula bagɛ balɛ enui lɛ klɛ ba yɛkɔ kɛgɛ ba ŋlɔmɛ nɛ akpɛ balɛ idzyi mɛ, alasɛ kibe nɛ tsobunɔ.

Tɛbubukasɛ 10:4

Klɛ gɛ subhalɛlɛ tiegene nɛ aɖɔaɖɔ nɛɛ, ɛbhɛtɛ sɛ tɛ ɛŋlɔ̃mɛ dɔ; pɔ inu olim toli dɔ denɔ owũsise gɛ ɔɔɖɔ sɛ, “Da kibui nɔ nɛ gɛ subhalɛlɛ tiegene na ɖɔ nɛ dɔ tɛ ɔtɛ ŋlɔmɛ lɛ olu.”

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 22:18

Itsre nɔ anɔnyanɔ putɔnɔ gɛ enu keplukpɛa nɛm ebui nɛ asɛ: Onu gɛ anɔ teli aya kibui tili ata alɛ, Kpaya tsyɛ aba ya atrɔ batɔ nɛ gɛ balɛ bui la ɖɔ nɛ keplukpɛa nɛ mɛ nɛ akɔ anɔ.

Tɛbubukasɛ 22:20

Anɔ nɛ gɛ amɔaɖɔ nɛ ebuia nɛ shu nɛ aɖɔ sɛ, “Ee, Ɛba kpataa.” Tɛlɛbɛlɛm. Ba Apalete Yesu.

Tɛbubukasɛ 22:7

“Di, ɛba kpataa! Bayula anɔ nɛ gɛ anyɛna ebui nɛ gɛ ba ɖɔelu nɛ keplukpɛa nɛm.”

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”

Tɛbubukasɛ 5:1

Ɔkɛlɛ mɛ mɔ agɛ edzi bukusiegbu nɛa bha nɛ kɛŋa ɔhwɛ nɛ mɛ anɛ kazaplukpa nɛ kɛdɔŋuŋlɔmɛ trɔ kalɛ bupɛ tubha nɛa bha klɛ ba da kalɛ nɛ badɛda tiegene.