Tɛbubukasɛ 20:6 - ONUGBÙ NYƐNYÃ VUVƆ

⁶ Bagɛ ba za tɛlɛlɔ tutɔpui nɛ mɛ nɛ nu banɔ yuyula klɛ balɛ shu bhui. Butsi bhla nɛ dɛ mɔ kemi nɛ balɛa bha, pɔ be be dzi kpayanɔ kɔ Kpaya anɛ Kristo klɛ ba ba ŋɛa bha plɛnɔ yɛ agɔ kɛkpã zɛzɛ.

Tɛbubukasɛ 20:6 ပူးပေါင်းရင်းမြစ်များ

Luka 14:15

Gɛ bagɛ balɛ nɛ Yesu aŋaɛ dɔ nɛ teli enu kibui nɛ, aɖɔ etsre Yesu asɛ, “Bayula anɔ nɛ gɛ aba ŋaɛdɔ nɛ kiwui ŋɛŋa nɛ Kpaya bukusŋakɔ nɛ mɛ.”

Romanɛ 12:1

Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

1 Petro 2:5

wũnɔ tsyɛ anasɛ ɛkpã aklaŋgbu, ba yɛ kɔ nɔ edzu akpɛ ɔfufɔɛ buvu sɛ tɛ bu dzi kpayazakɔanɔ kɛxwɛwɛwa, ɔfufɔɛmɛ dɔ gɛ bakɔ kɔ bugu gɛ kɛku Kpaya aŋɔ ɔganɔ Yesu Kristo abha.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

Tɛbubukasɛ 1:6

klɛ abhɛtɛ lɔ sɛ tɛ bu dzi bukusiɔŋakɔ anɛ kpayabanɔ tɛ bu kpɛ kɛtɔkpuesi kɔ yɛ Kpaya anɛ Aka—yɛ ishubhuibhui anɛ kemi ka lɛ ɔyɛkɔ vɛnɔ mabeke mabeke mɛ! Tɛlɛbɛlɛm.

Tɛbubukasɛ 14:13

Ɔkɛlɛ mɛ nu ogugu denɔ owũsise gɛ ɔɖɔ sɛ, “Ŋlɔmɛ: Ba yula betsitsi anɛ bagɛ be tsi nɛ Apalete nɛ mɛ denɔ ɔtsɔ̃ nɛ ɔvɛnɔ.” Ɔfufɔɛ nɛ ɔɔɖɔ sɛ, “Ee,” “be be muene denɔ balɛ axwɛ nɛ mɛ, alasɛ balɛ ebui bhɛbhɛtɛ nɛ aba za balɛe de.”

Tɛbubukasɛ 2:11

Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

Tɛbubukasɛ 22:7

“Di, ɛba kpataa! Bayula anɔ nɛ gɛ anyɛna ebui nɛ gɛ ba ɖɔelu nɛ keplukpɛa nɛm.”

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 5:10

Ɔbhɛtɛ balɛ sɛ tɛ be dzi bukusiɔŋakɔ nɛ kpayanɔ sɛ tɛ ba dɛ kɛxwɛ kɔ bulɔ Kpaya, klɛ la ba ŋa bukusi nɛ kesukpa nɛa bha.”