Tɛbubukasɛ 20:12 - ONUGBÙ NYƐNYÃ VUVƆ

¹² Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.

Tɛbubukasɛ 20:12 ပူးပေါင်းရင်းမြစ်များ

Mateo 11:22

Pɔ itsre nɔ sɛ, kɛ ba za bubɔɛbɔɛ kɔ Taɛre anɛ Sidɔn nɛ kebhuiwi nɛa bha dɛ wɔnɔ.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

Romanɛ 2:6

Kpaya, “aba kɔ anɔnyanɔ nɛ yɛ kɛxwɛ nɛ gɛ awa nɛ nu.”

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Tɛbubukasɛ 11:18

Amadi nɛ apɔɛshum; klɛ wɔ obulo nɛ ɔtɛ ba. Kibe nɛ na sɛ tɛ be kulu kebhui nɛ betsitsi, klɛ tɛ ba buya kɛbhɛ kɔ wɔ baxwɛwa batɔnu anɛ wɔ banɔnɛna anɛ bagɛ ba kpɛ wɔɛ nyi nɛabha, be bhliyi anɛ bagbɛgbla— ganɛ kɔ bagɛ be zi kesukpa nɛ tɛzizi.”

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Tɛbubukasɛ 19:5

Ɔkɛlɛ oli tilim oyi denɔ bukusiɔŋakɔ, ɔɔɖɔ sɛ: “Nɔ Kpɛ bulɔ Kpaya nɛa bha, wɔnɔ yɛ baxwɛdɛ nɛ petee, wɔnɔa gɛ no si yɛ fu, bebhliyi anɛ bagbɛgbla petee!”

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

Tɛbubukasɛ 20:13

Aƒu nɛ ebu betsitsi nɛ gɛ ba kpasɛ yɛ mɛ nɛ elu, klɛ butsi nɛ Bekpum ashɛnahwɛ bagɛ etsi akpasɛ balɛ mɛ nɛ elu, klɛ be kulu kebhui nɛ anɔnyanɔ nɛ ebui nɛ gɛ abhɛtɛ nɛ nu.

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Tɛbubukasɛ 22:12

“Di, ɛba kpataa! Mɛ kɛbhɛbubuya nɛ lɛ mɛahwɛ, klɛ ɛba kɔ anɔnyanɔ nɛ kɛbhɛtɛ nɛ gɛ abhɛtɛ nɛ nu.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.