Tɛbubukasɛ 2:3 - ONUGBÙ NYƐNYÃ VUVƆ

³ Oti tsianyɛ klɛ ɔtɛ za ebuigɛganɛ nɛ nu ɔkpɛ mɛ kinyi nɛ so, klɛ oko si kifu.

Tɛbubukasɛ 2:3 ပူးပေါင်းရင်းမြစ်များ

Marko 15:21

Anyɛ teli gɛ ede Sirene, Simɔnɛ, gɛ enu Alɛksanda anɛ Rufusɛ alɛ aka, abaa fla denɔ yɛ dzogɛga bha ebe tsoku ɔma nɛ mɛ, klɛ banɔ nɛ ba trɔ yɛa bha sɛ ayɛkɛ butsiosi nɛ etuku.

Luka 14:27

Klɛ anɔnyanɔ gɛ edi tuku yɛ butsiosi klɛ atɔnɛ mɛ atɛ bana mɛ adɔkpasɛ dzi.

Luka 18:1

Ɔkɛlɛ Yesu akpɛ kɛkpalɛ akɔ badɔkpasɛ na sɛ tɛ baza kpayakuklu abha kibenyɛbe klɛ tɛ ba tɛ kɔɛ tɔkpu.

Luka 21:19

Tɛzɛza mɔmɔ ba kɔ wɔ za nɛ kpã.

Luka 5:5

Simɔn ebushunu asɛ, “Apalete, buwaxwɛ gɛganɛ nɛ elishi petee mɛ klɛ bɔ dɛ bu kɛdɔnyɛdɔ. Pɔ alasɛ wɔ ɖɔ so, ɛba kpɛ dzikle.”

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Yohanɛsɛ 15:21

Ba bakpɛ nɔ butɔ nɛ kidzoe nɛabha alasɛ nɛ mɛ nyi nɛ so, alasɛ be tinyi Anɔ nɛ gɛ yɛ akpɛ mɛ.

Romanɛ 12:12

Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 16:12

Ɛsɛnɔ Traɛfena anɛ Traɛfosa, badzɛ alɛ nɛ gɛ awa kɛxwɛ gɛganɛɛ nɛ Apalete nɛ mɛ. Ɛsɛnɔ mɔbhɛa dzyɔgo Pɛsisɛ, enu adzɛ teli tsyɛ gɛ awa kɛxwɛ gɛganɛɛ nɛ Apalete nɛ mɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 8:25

Pɔ onu gɛ bu di kidzoenu kɔ kɛgɛ ka za lɔ ahwɛ, bu poe lɛ nɛ tɛdudɔfɔ̃ mɛ.

1 Kɔrintioanɛ 13:7

Akpɛ buka akpɛ lɔ kibenyɛbe, tɛyɛyɛkɛŋa kibenyɛbe, kidzoenudidi kibenyɛbe, anyɛna lɔ evunɔ kibenyɛbe.

1 Kɔrintioanɛ 16:16

tɛ nɔ zhi nɔ shu kɔ ebui anɛ di klɛ kɔ anɔnyanɔ gɛ eku wunɔɛ shi nɛ kɛxwɛ nɛ mɛ, klɛ tɛ awaɛlɛ.

2 Kɔrintioanɛ 10:15

Ɔdɔgɔsɛ bu ga dɔflaɛdzo kɛ lɛ gɛ kɛ lɛ nɛ ishufifeke kɔ kɛxwɛ gɛ bhlatɔ bawa. Bulɔ kidzoenudidi kɛlɛ nu sɛ, anasɛ gɛ wunɔ tɛyɛyɛkɛŋa vɛlɛabha gɛ kɛ she, bulɔ axwɛwɛwa nɛ wɔnɔ mɛ laba nɛ atrɔ gelee,

2 Kɔrintioanɛ 11:23

Kristo baxwɛdɛ lɛ nu? (Ɛmamɔ sɛ tɛ ɛɖɔ kaɖɔa nɛ di.) Ɛdɛ́ alɛ. Ɛtɛ waɛxwɛ gɛganɛ dɛ, ɛza vu gelee ziazia, be tu mɛ ebe gelee, klɛ be tii mɛ akpɛ butsi mɛ etsodzi etii akpɛ.

2 Kɔrintioanɛ 4:1

Kɛlɛso ganɔ Kpaya eshutukubui didi belɛlɛ kɛxwɛwɛwa lɛlɛ nɛ lɛ bulɔ ahwɛ, idzyi edi koeyi nɛ bulɔɛ temɛ.

2 Kɔrintioanɛ 4:16

Kɛlɛso bu tɛ bakɔ idzyi ekoeyi nɛ bulɔɛ te. Kɛlɛlɛmɛ sɛ ɔtɔ nɛ bu tsɔmɔ koeyi, pɔ nɛ́ kɛmɛnɛmɛ ba bhɛtɛ lɔ avuvɔ kiwui nyɛ wui.

2 Kɔrintioanɛ 5:9

So bu yɛkɔ trɔ bulɔ shu sɛ bu babhɛtɛ tɛ kiku yɛ awɔ̃, kɛbɛlɛmɛ sɛ kepi lɔ lɛ nɛ ishuidzya mɛ pɛnɔ bu koeyi nɛ lɛ mɛ.

2 Kɔrintioanɛ 6:5

nɛ tɛtutuɛ mɛ, buvuzɛza anɛ kɛdɔziziogugu kpɛkpɛ, kɛxwɛ gɛganɛ wuwa, elishi tramadɔmadɔ anɛ̀ bubhɛdɛdɔ,

Galatianɛ 6:2

Tuku ɔhaglɔ kituku, klɛ nɛ kidzoɛ nɛabha ɔbɔ bhɛtɛ ɔtrɔ Kristo ɔshã nɛabha.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Filipianɛ 2:16

anasɛ gɛ nɔ nyɛna ɛkpã bui nɛ ovunɔ—sɛ tɛ ɛba fekeshu nɛ Kristo kiwi nɛabha sɛ ɛdɛ ga ɔdɔgɔsɛ ɛwa kɛlɛɛ mɛ kɛxwɛ

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

1 Tɛsolonianɛ 2:9

Badzya mɔ, ɛyɛkɛŋa sɛ nɔɔ baka, bulɔ baatɔ nɛ ebuigɛganɛ nɛ mɛ; bu wa kɛxwɛ elishi anɛ kemuze sɛ tɛ bu tɛ dzi kituku kɔ nɔ nɛ kibe lɛ gɛ bu ɖɔ Kpaya kibuidzyɔgo nɛ tsre nɔ.

1 Tɛsolonianɛ 5:12

Ɔtsɔ̃, badzya mɔ, bu bisi denɔ wɔnɔ kɔ sɛ nɔ tatɔ nɛ bagɛ ba wa kɛxwɛ gɛganɛɛ nɛ wɔnɔɛ shi, gɛ balɛ kabha kɔ nɔ nɛ Apalete nɛ mɛ pɛ ba kasɛ nɔ ɔtsrɛ odzukɔ.

2 Tɛsolonianɛ 3:13

Klɛ wɔnɔ xũ, badzya mɔ, nɔ tɛ tɔ nɛ kibui dzyɔgo bhɛbhɛtɛ mɛ.

2 Tɛsolonianɛ 3:5

Kɔ Akagbla nɛ etsyina wɔnɔ idzyi nɛ akpɛ Kpaya anɔ ɖuɖɔ anɛ Kristo kanyɛtsitsi mɛ.

2 Tɛsolonianɛ 3:8

ɔdɔgɔsɛ bu ŋa anɔ teli dɔ gɛ bu dɛ buya kɛlɛ bhɛ. Nɛ ɔtɔgɛga mɛɛ, bu wa kɛxwɛ elishi anɛ kemuze, bu za kɛxwɛwɛwa bha klɛ butɔ sɛ tɛ bu tɛ dzi kituku kɔ wɔnɔ mɛayɛ kanyaka.

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

1 Timotio 5:17

Ɔha Mɛ banɔshishe nɛ ga gbanɔ ɔha nɛ mɔmɔ ba na sɛ tɛ ba trɔ balɛ ɔkɔ didi nɛa bha, ɔyɛkɔdɛ bagɛ balɛ kɛxwɛ nɛ nu kaɖɔ ɖuɖɔ anɛ kɛdɔkɛkasɛ.

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

2 Petro 1:6

klɛ kɔ kibuititi, ɛshu nyɛnyɛna, klɛ kɔ ishu-nyɛnyɛna, kɛxwɛwɛwa, nɛ̀ kɔ kɛxwɛwɛwa, kpayamɛzɛza,

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.