Tɛbubukasɛ 2:13 - ONUGBÙ NYƐNYÃ VUVƆ

¹³ Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:13 ပူးပေါင်းရင်းမြစ်များ

Mateo 10:23

Kibe lɛ gɛ bakpatɔnɔ nɔ nɛ ɔkɔtoli, no si ɔvɛ ɔkɔ bhlatɔ. Itsre nɔ kɛgba sɛ, nɔ tɛ bɔ ga Izraɛl ɛma nɛ mɛ beke flogo pɛ Anɔdzyrame yɛ Eyi nɛ aba ba.

Mateo 24:9

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so.

Mateo 4:10

Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”

Luka 21:17

Alasɛ mɛ so banɔ petee be gunɔ.

Axwɛwɛwa 22:20

Klɛ nɛ kibe lɛ mɛ gɛ be bu wɔ ebuimɔɖɔ Stefano dzyosu nɛɛ, ɛza ɔklɛ klɛ mɛ za kide kɔ banɔ nɛ gɛ bee yi yɛ klɛ mɛ nyɛna bagɛ bee yi yɛ nɛ bawi nɛ vunɔ kɔa lɛ.’

Axwɛwɛwa 9:14

Klɛ aba ɔkɛ̃ nɛ kabhaŋɛŋa denɔ kpayanɔgbla nɛ ɔkɔ sɛ tɛ ebe vu anɔnyanɔ gɛ eklu wɛ nyi.”

1 Tɛsolonianɛ 5:21

No feke kɛdɔnyɛdɔ odi. Nɔ nyɛna kɛdzyɔgo mɛ ovunɔ.

1 Timotio 5:8

Onu gɛ anɔ teli ataa bhɛtɛ kɛdɔnyɛdɔ akɔ yeletealɛ, klɛ ɔyɛkɔdɛ kɔ yɛ bupamanɛ gɛ be bunɔ yɛ kpɔ̃, enu anɔ gɛ ashɛ̃nahwɛ tɛyɛyɛkɛŋa nɛ shu klɛ atsɔmɔ dɛ anɔ nɛ gɛ adɛ yɛkɛaŋa.

2 Timotio 1:13

Kɛgɛ onu denɔ mɛ ɔkɔ, nyɛna kɛlɛ ovunɔ ansɛ kidzoenu kɔ kɛdɔdzyɔgo kɛkasɛ, nɛ tɛyɛyɛkɛŋa anɛ tɛɖuɖɔ nɛ Yesu Kristo mɛ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Hebriuanɛ 10:23

Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

Yakobo 2:7

Ganɛ balɛ ezi anɔ nɛ gɛ yayɛ no nu nɛ kinyigbla nɛ mɛ?

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Tɛbubukasɛ 11:3

Klɛ ɛba kɔ mɛ bebuimɔɖɔ tɛabha nɛ kemi, klɛ la ba ɖɔ ebui elu ewi 1,260 mɛ, nɛ ɛdɔnyinye apɔtɛ mɛ.”

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 13:2

Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Tɛbubukasɛ 2:2

Inyi wɔ ebuibhɛbhɛtɛ, wɔ kɛxwɛwɛwa gɛganɛɛ anɛ wɔ kanyɛtsitsi. Inyi sɛ ɔtɛ bɔ kɔ atɔkpum gɛganɛelete nɛ amɛ, klɛ ɔtɛ feke bagɛ asɛ be nu banɔkpɛkpɛ pɔ pɛ be di nu nɛ odi, klɛ ɔtɛ mɔ sɛ be nu betroni.

Tɛbubukasɛ 3:11

Ɛɛba kplitaa. Nyɛna kɛ gɛ lɛ wɔahwɛ nɛ mɛ ovunɔ, sɛ tɛ anɔnyanɔ atɛ ba yɛkɛ wɔ bukusikutu.

Tɛbubukasɛ 3:3

Kɛlɛ so, baka, wɔ kɛ gɛ ɔtɛ yɛkɛ klɛ onu, ta kɛlɛ atɔ, tɛ otsyina kitem. Pɔ onu gɛ ɔdɛ nyɛmɛ, ɛba ba ansɛ ezi, klɛ ɔtɛ bo ti kibe nɛ gɛ ɛba ba wɔ bha.