Tɛbubukasɛ 14:7 - ONUGBÙ NYƐNYÃ VUVƆ

⁷ Aɖɔaɖɔ nɛ oli mɛ gɛganɛɛa sɛ, “Si Kpaya tɛ ɔkɔ yɛ kabhakpɛkpɛ, alasɛ yɛ kebhuikuklu ɔɖɔ nɛ mɛ ɔba. Kpɛtɔkpuesi ɔkɔ yɛ gɛ abhɛtɛ owũsise, kesukpa, aƒu anɛ beni nɛ gɛ ba ta de tisi mɛ.”

Tɛbubukasɛ 14:7 ပူးပေါင်းရင်းမြစ်များ

Mateo 25:13

“Kɛlɛ so nɔ za nɛ awɔ̃, alasɛ no tinyi kiwi nɔɔ ɔdɔgɔsɛ ɔɖɔ nɛ mɛ.

Luka 17:18

Ba dɛ mɔ anɔnyanɔ gɛ kɛlɛ sɛ etsodzi aba klɛ tɛ aba kpɛ Kpaya nɛabha ɔyɛkɔ dɛ efua nɛ ko?”

Axwɛwɛwa 14:15

“Banɔ mɔ, kide so pɛ nɔ bhɛtɛ kana? Bulɔ tsyɛ banɔdzyrame ko lɔ nu, ansɛ wɔnɔa na. Bɔɔ mɛna nɔ kibui dzyɔgo, butsre nɔ sɛ no tsyina kede ɔkpɛ ebuia nɛdi gɛ la ma kibuinyɛbuim nɛ tɛbhɛbhɛ vɛnɔ Kpaya lulu nɛ ɔkɔ, gɛ abhɛtɛ owũsise anɛ kesukpa anɛ aƒu anɛ kɛdɔnyɛdɔ gɛ kpasɛ alɛ mɛ.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 11:18

Amadi nɛ apɔɛshum; klɛ wɔ obulo nɛ ɔtɛ ba. Kibe nɛ na sɛ tɛ be kulu kebhui nɛ betsitsi, klɛ tɛ ba buya kɛbhɛ kɔ wɔ baxwɛwa batɔnu anɛ wɔ banɔnɛna anɛ bagɛ ba kpɛ wɔɛ nyi nɛabha, be bhliyi anɛ bagbɛgbla— ganɛ kɔ bagɛ be zi kesukpa nɛ tɛzizi.”

Tɛbubukasɛ 15:4

Ane gɛ eti be si wɔɛ fu, O Apalete, pɛ ata mɛna wɔɛ nyi nɛ kabhakpɛkpɛ? Alasɛ wɔ tite ko shu ɛlɛ bhui. Amadi nɛ petee aba ba klɛ la ba kpɛ kɛtɔkpuesi nɛ wɔa mɛ, alasɛ wɔ tɛnɛnamɛzɛza ebui bhɛbhɛtɛ nɛ eti bu akasɛ.”

Tɛbubukasɛ 16:9

Bukpɛkpɛkpɛ tsutsɔmɔ nɛ vua lɛ klɛ ba ɖɔɛbui akpɛ Kpaya kinyi, gɛ yɛaŋa banyakpã tɛata nɛa bha, pɔ ba dɛ dɛmɛ etsyina kitem akpɛ yɛ nɛa bha.

Tɛbubukasɛ 18:10

Kifu zizi ba kua lɛ nɛ yɛ tɛnyɛnyagbã nɔ nɛ shu, so ba ba za ɔdzɔge klɛ le be bi iyuyo sɛ: “ ‘Butɔ! Butɔ, O ɔmagbla, O Babilɔnɛ, kemi ɔmagbla! Nɛ ɔɖɔ torikpo mɛ wɔ tɛbibeke tɛ ba!’

Tɛbubukasɛ 18:17

Nɛ ɔɖɔ torikpo mɛ kɛnɔmɛdɔɛ nɛ petee zi!’ “Aƒu abha aka kanyaka, anɛ banɔ nɛ petee gɛ ba ga kidzo nɛ keniabha opupu, bagɛ be ge ɔlɛ, anɛ banɔ nɛ petee gɛ ba mɔ balɛ ɛkpã zɛza edenɔ aƒu abha, ba ba lɔ odzidzekɔ.

Tɛbubukasɛ 18:19

Ba ba balɛ osumududu nɛ balɛ ada mɛ, ɔplɛnɔ iyuyo bibi anɛ ishutsitsi ba ba kpɛ ogugu asɛ: “ ‘Butɔ! Butɔ, O ɔmagbla, ɔkɛlɛ gɛ banɔ nɛ petee gɛ ipupu za balɛ ahwɛ nɛ axuia bha alasɛ be dzi behoeyielete ganɔ yɛ kɛnɔmɛdɔa bha! Nɛ ɔɖɔ torikpo mɛ adzɛ nɛ ebe zi yɛ!

Tɛbubukasɛ 19:5

Ɔkɛlɛ oli tilim oyi denɔ bukusiɔŋakɔ, ɔɔɖɔ sɛ: “Nɔ Kpɛ bulɔ Kpaya nɛa bha, wɔnɔ yɛ baxwɛdɛ nɛ petee, wɔnɔa gɛ no si yɛ fu, bebhliyi anɛ bagbɛgbla petee!”

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”

Tɛbubukasɛ 4:9

Kibe lɛ gɛ kɛdɔbhɛbhɛtɛ lulu nɛɛ kɔ ishubhubhui, kabhakpɛkpɛ anɛ ahwɛhuhu kɔ agɛ yɛ ezhidzi bukusiegbu nɛa bha klɛ alɛ ɔyɛkɔ ɔvɛnɔ mabeke mabeke,

Tɛbubukasɛ 8:10

Kpayaxwɛdɛ tramɛ nɛ abɔ yɛa xũlɛ̃, klɛ kɛwũwɔɛ gbla tili, gɛ tã ansɛ ɔbɛya, ɔwɔlɛ denɔ owũsise nɛ ɔbɔ dɔ bunikekpu nɛ petee mɛa pɛ zɛzɛ nɛ bupɛ tuta mɛ nɛ beni nɛ gɛ yi koeyi nɛ tisi mɛ—