Tɛbubukasɛ 14:4 - ONUGBÙ NYƐNYÃ VUVƆ

⁴ Balɛ enu banɔ nɛ gɛ be di zi ishu nɛ badzɛ, alɛasɛ balɛ ba nyɛna shu klɛ balɛ shu bhui. Ba za Obhoshieyi nɛede nɛ ɔkɔnyɔkɔ gɛ lɔ vɛ. Be dzi balɛ ebu denɔ banɔ mɛ klɛ ba yɛkɔa lɛ akɔ ansɛ isieyuyu tutɔpu kɔ Kpaya anɛ Obhoshieyi.

Tɛbubukasɛ 14:4 ပူးပေါင်းရင်းမြစ်များ

Mateo 19:12

Alasɛ banɔ teli ba ma anyɛmɛ ba mɔa lɛ ana; be teli banɔ ba la bhɛtɛ alɛ ana; klɛ be teli ba dɛ pɛɛ adzɛ tɛgbɛgbanɔ akpɛ owũsise bukusiɔŋakɔ nɛ so. Aanɔ nɛ gɛ aba yɛkɛ kibui nɛɛ tɛ ayɛkɛ lɛ.”

Mateo 25:1

“Nɛ kibe lɛ nɛ mɛ owũsise bukusiɔŋakɔ nɔ bɔ za ansɛ badzɛ lɔfɔ gɛ ba yɛkɔ balɛ bakanɛgbɛ pɛ be koeyi avɛ sɛ tɛ ba da tsyanɔ adzɛenyine.

Mateo 8:19

Klɛ ɛshãdɔkasɛ teli aba ebe tsre yɛ asɛ, “Adɔkasɛ, ɛba za wɔe de vɛ ɔkɔnyɔkɔ gɛ ɔɔvɛ.”

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 13:37

Petro ebisi asɛ, “Apalete, kɛdeso gɛ ɛtɛ ba za wɔede ɔtsɔ nɛ? Ɛba yɛkɔ mɛ kpã kɔ nɛ wɔɛ tɔkpu.”

Yohanɛsɛ 8:12

Gɛ Yesu aza ɖɔaɖɔ etsre banɔ nɛ, aɖɔsɛ, “Mɛ nu kifu kɔ kanɔ. Anɔ gɛ aza mɛede atɛ ba ga otumui mɛ, pɔ kifu ɛkpã ba za yɛ ahwɛ.”

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.

1 Kɔrintioanɛ 16:15

Nɔ nyi sɛ Stefanas nɛ yɛ bupa balɛ dzi banɔ tɛtɔpu gɛ be tsyinaɛtemɛ nɛ Akaya, klɛ ba yɛkɔ balɛshu akɔ gɛ ba wa axwɛ kɔ kpayabanɔ. Ɛpɛɛ denɔ wunɔ ahwɛmɛ, badzya mɔ,

1 Kɔrintioanɛ 6:20

kedzi gbɛgbla ba yɛ kɔ dzi nɔ. Kɛlɛso nɔ kpɛ Kpaya yɛ nyi nɛabha nɛ wunɔ shuidzya.

1 Kɔrintioanɛ 7:28

Pɔ onugɛ ɔgbanɔ adzɛ, ɔdɛ bhɛtɛ kibui zizi, klɛ adzɛ gɛ eti nyi anyɛ azanɔ anyɛ, adɛ bhɛtɛ kibui zizi. Pɔ bagɛ ba gbanɛ aglɔ ba ba tsyanɛ butɔ gelee nɛ ɛkpã ɛnɛ mɛ, klɛ ɛba pɛɛ sɛ tɛ ɛbu nɔ nɛ kɛnɛ nɛ mɛ.

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

Efesoanɛ 1:14

gɛ lɔ nu ahwɛ tɛtrɔ tɛbɛbala kededɔŋɛŋa kɔ lɔ ɔdɔtɔnɔ tɛbhubhuiyɛkɛ kɔ bagɛ balɛ nu Kpaya ayɛ—tɛ ba kpɛ yɛ kabhaŋɛŋa nɛ kabha.

Efesoanɛ 5:27

klɛ tɛ ayɛkɔ yɛ akɔ yɛnahwɛ anasɛ busɔlɛɔha gɛ ɔpudi, gɛ kibo ɔdɔgɔsɛ tɛlɛlayɛ ɔdɔgɔsɛ kɛpɔ bubu kɔ anɔ bhlatɔ kanyaka shu, pɔ ishubhui anɛ kɛpɔ maŋa maŋa.

1 Timotio 4:3

Be xe kidzo kɔ banɔ sɛ ba tɛ gbanɔ aglɔ klɛ la kpɛ ɔshã sɛ ba shɛ̃nahwɛ kɛdɔŋɛŋa tili di shu, gɛ Kpaya ebu sɛ bagɛ ba yɛkɛaŋa pɛ be nyi kɛgba nɛ ba yɛkɛ lɛ nɛ ahwɛhuhu.

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 21:22

Ɛdɛ mɔ busɔlɛvu kanyaka nɛ ɔmagbla nɛm, alasɛ Apalete Kpaya Agɛadɛ anɛ Obhoshieyi balɛ enu ɔlɛ busɔlɛvu.

Tɛbubukasɛ 21:23

Ɔmagbla nɛ ɔma kɔ kiwi odɔgɔsɛ wele atã nɛ ɔlɛm, alasɛ Kpaya ishu bhubhui nɛ ɛɛtã kɔlɛ, klɛ Obhoshieyi nɛ onu ɔlɛ kanɛgbɛ.

Tɛbubukasɛ 3:4

Pɔ banɔ tɛashɛ aka lɛ wɔ ahwɛ nɛ Saɖisɛ gɛ be ke tutru balɛ kɛdɔnyunyumu. Balɛ ba ba ga plɛnɔ mɛ, aza kɛdɔ fufu mɛ, alasɛ balɛ kedziŋɛŋa lɛ alɛ.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.