Tɛbubukasɛ 14:14 - ONUGBÙ NYƐNYÃ VUVƆ

¹⁴ Idi, klɛ nɛ mɛ amɛ ɔmunɔ fufu, klɛ nɛ ɔlɛ mɛ kɛdɔ tili zhidzi “ansɛ anɔdzyrame yɛ eyi” plɛnɔ sɛkadzɛdzã kikusikutu nɛ yɛ ada mɛ klɛ ɔsɔsɔ shɛshɛ toli nɛ yahwɛmɛ.

Tɛbubukasɛ 14:14 ပူးပေါင်းရင်းမြစ်များ

Mateo 13:30

Nɔ kɔ kɛlɛ nɛ tɛwa nɛ petee she ketsu ɔdɔ na nɔ alɛ ɔpɔkɔ. Nɛ kibe lɛ mɛ ɛba tsre baxwɛwa nɛ sɛ: Putɔnɔ no xogo tɛwa tɛ nɔ nya kɛlɛ kɔ tɛ pupɔɛ, klɛ tɛ no xogo amɔ nɛ tsyɛ ɔyɛkɔ bɔ kpɛ mɛ owule nɛ mɛ.’ ”

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Marko 4:29

Kibee lɛ nɛ gɛ kɛdɔyi nɛ she pɛ kɛ kpã ko, ba yɛkɔ kɛpamɛ ko ba da kpa yɛ ayalɛ, alasɛ kɛlɛ kpa be na.”

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

Hebriuanɛ 2:9

Pɔ bu mɔ Yesu, gɛ be zhinɔɛ akpɛ kesi bɔɛdɛ kpayaxwɛdɛ, ɔtsɔ̃ nɛ bekumui nɛ otugbavɛvɛ anɛ kabhakpɛkpɛ alasɛ amɔ butsi, sɛ tɛ Kpaya kɛdɔ tsyitsyeanɔ aga kɛlɛ mɛ amɔ butsi nɛ banɔ petee tɔkpu.

Tɛbubukasɛ 1:13

klɛ nɛ kanɛgbɛsi nɛ shi anɔ teli ansɛ anɔdzyrame yɛ Eyi, akpasɛ awidzidze mɛ gɛ ezhi aba da yɛ butsrukpɔ anɛ sɛkadzɛdzã kɛkulɔ tili gɛ ga yɛ kite nɛ mɛ fla nɛ awi nɛ shu.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Tɛbubukasɛ 10:1

Ɔkɛlɛ mɛ mɔ kpayaxwɛdɛ gbɛgbla gɛ ede owũsise aaba. Enyumu ɔmunɔ, ɔplɛnɔ eniga nɛ yɛ ada nɛ mɛ; yɛ amɛ nɛ mɛ edzi ansɛ kiwi, klɛ yɛ butsrukpɔ nɛ dzi ansɛ kifu buvuisi.

Tɛbubukasɛ 11:17

aaɖɔ sɛ: “Bu hu wɔ ahwɛ, Apalete Kpaya gɛ adɛ, Agɛ yɛ alɛ klɛ aza, alasɛ ɔtɛ yɛkɛ wɔ kemi gbla klɛ ɔtɛ kpɛesi ɔŋɛabha.

Tɛbubukasɛ 19:12

Yɛ anhũ nɛ edzi ansɛ kifu ɔlɛklɛmɛ, klɛ nɛ yɛ ada nɛ mɛ bukusiekutu gelee etsri. Kinyi lɛ yɛahwɛ gɛ ba ŋlɔmɛ at yɛ asɛ anɔnyanɔ eti nyi pɔ yɛnɛahwɛ enyi.

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

Tɛbubukasɛ 6:2

Idi, klɛ nɛ mɛ amɛ ɛsɔ fufu eli! Agɛ etsri yɛabha nɛ evunɔ bunyɔ, klɛ ba kɔ yɛ kikusikutu, klɛ aza ɛsɔ nɛa bha ekoeyinɔ ansɛ anɔ gɛ aŋɛa bha gɛ edi kidzoenu asɛ aba ŋɛabha.