Tɛbubukasɛ 14:10 - ONUGBÙ NYƐNYÃ VUVƆ

¹⁰ yɛ tsyɛ, aba wɛ̃ Kpaya oblo mɛ bulu, gɛ ba balɛ gɛganɛɛ akpɛ butɔ kantse nɛ mɛ. Ba ba kpɛ yɛ butɔ nɛ kɛklãgbuifu tɛtã mɛ nɛ kpayaxwɛdɛ nɛ gɛ balɛ shu bhui anɛ Obhoshieyi nɛ amɛ.

Tɛbubukasɛ 14:10 ပူးပေါင်းရင်းမြစ်များ

Mateo 20:22

Yesu etsre yɛ asɛ, “Oti nyi kɛdɔnɔ nɛ gɛ oobisi.” “Ɔbɔ na buniatse nɛ gɛ ɛba wɛ̃ nɛ ɔwɛ̃ xãa?” Be bu kɛlɛ nu asɛ, “Buba na.”

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Marko 9:44

[Nɛ ɔklɛ gɛ asɔ̃ eti be tsi edi, klɛ kifu nɛ tsyɛ tɛ ba ni di.]

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

Yuɖa 1:7

Nɛ kidzoe lɛlɛ nɛɛ dia bha, Soɖom anɛ Gomora anɛ ɛma nɛ gɛ kana lɛ na yɛkɔ balɛ shu akɔ azhuzhɔlɛbui anɛ buzizi. Be dzi ansɛ tɛdidibhɛtɛ kɔ bagɛ ba mɔ kifu mabeke mabeke mɛ batɔ tɛtɛtɛta.

Tɛbubukasɛ 15:7

Ɔkɛlɛ kɛdɔbhɛbhɛtɛ lulu tɛlɛ̃ nɛ tili yɛkɔ sɛkadzɛdzã busugba tugene gɛ yuku nɛ Kpaya obulo, nɛ akpɛ ahwɛ kɔ kpayaxwɛdɛ tiegene, Kpaya nɛ gɛ alɛ nɛ ɛkpã vɛnɔ mabeke mabeke mɛ.

Tɛbubukasɛ 16:19

Ɔmagbla ɔma kpɛ bupɛ tɔta, klɛ amadi anɛ ɛmagbla nɛ ɛyɛɛ. Kpaya abaka Babilonia Gbla nɛ bui klɛ akɔ yɛ ɔɖɛantse gɛ keyuu nɛ obulo kanya lu.

Tɛbubukasɛ 18:3

Alasɛ amadi nɛ petee atɛ wɛ̃ adzɛ nɛ azhuzhɔlɛbui obulo bulu. Kesukpa nɛa bha bekusi na tɛ bhɛtɛ aglɔbui nɛ adzɛ, klɛ kesukpa nɛa bha bedziniga nɛ she nɛ ehoeyi mɛ denɔ yɛ aprɔ nɛ mɛ gelee.”

Tɛbubukasɛ 18:6

Tsodzini ɔkɔɛ ansɛ gɛ atɛ kɔ; buya abuya tabha kɔɛ kɔ kɛ gɛ atɛ bhɛtɛ. Kpɛ akpɛ tabha ɔkɔɛ denɔ yɛ nahwɛ ɔɖɛantse nɛ mɛ.

Tɛbubukasɛ 19:15

Denɔ yɛ onugbu nɛ mɛ ɛhɛ shɛshɛ eekoeyi gɛ yɛ aba yɛkɔ ehu amadi nɛe si nɔ. “Aba ŋa balɛa bha nɛ ɔɖa dzyamgbɛ.” Aga Kpaya Gbɛgbladɛ nɛ kanya obulo bulu kizi nɛa bha.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”