Tɛbubukasɛ 13:16 - ONUGBÙ NYƐNYÃ VUVƆ

¹⁶ Etui lɛ akpɛ anɔnyanɔa nu, ebhliyi anɛ agbɛgbla, ehoeyielete anɛ etsyutsyuini, anɔdzidzi anɛ agɛ le di dzi, sɛ tɛ ayɛkɛ kibi nɛ yɛ kɛŋahwɛ ɔdɔgɔsɛ yɛ ketukpo,

Tɛbubukasɛ 13:16 ပူးပေါင်းရင်းမြစ်များ

Axwɛwɛwa 26:22

Pɔ nɛ ɛtɛ mɔ Kpaya tɛpɛplɛnɔ ɔbɔ nanɔ obo kiwi, klɛ so nɛ ili ɔkɛ̃ klɛ mɛ danɛ be bhliyi anɛ ba gbɛgbla petee shu. Ɛtɛ ɖɔ kibui ɔkɔ dɛ kɛgɛ batɔnu anɛ Mose ba ɖɔ sɛ la ba ba klɛ mɛ—

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Galatianɛ 6:17

Gugɔɛ, anɔnyanɔ atɛ kpɛ mɛ butɔ, alasɛ kibi nɛ gɛ kɛlɛ mɛ shu kɛ nu Yesu yɛ.

Efesoanɛ 6:8

alasɛ nɔ nyi sɛ Apalete ebe hu anɔnyanɔ ahwɛ kɔ kɛdɔ dzyɔgo gɛ abhɛtɛ, onu anɔdzidzi ɔdɔgɔsɛ alɛ ishuahwɛ.

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

2 Timotio 3:8

Anasɛ gɛ Yanɛsɛ anɛ Yambrɛsɛ ba lɔ kititi nɛ Mose shu, kana tsyɛ banɔa nɛ balɔ kititi nɛ kɛgba nɛ shu—be nu banɔ gɛ atɔkpu mɛ adɛ na kɔa lɛ, gɛ, nɛ tɛyɛyɛkɛŋa nɛ nu, be ti bua lɛ atɛ̃.

Tɛbubukasɛ 11:18

Amadi nɛ apɔɛshum; klɛ wɔ obulo nɛ ɔtɛ ba. Kibe nɛ na sɛ tɛ be kulu kebhui nɛ betsitsi, klɛ tɛ ba buya kɛbhɛ kɔ wɔ baxwɛwa batɔnu anɛ wɔ banɔnɛna anɛ bagɛ ba kpɛ wɔɛ nyi nɛabha, be bhliyi anɛ bagbɛgbla— ganɛ kɔ bagɛ be zi kesukpa nɛ tɛzizi.”

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 19:18

sɛ tɛ nɔ bɔ tã bekusi nɛ dzya, buyuaka, anɛ banɔgbla, basɔ anɛ bagɛ etsri alɛa bha, anɛ banɔ nɛ petee adzya, banɔdzidzi anɛ bagɛ be di dzi, be bhliyi anɛ bagbɛgbla.”

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 19:5

Ɔkɛlɛ oli tilim oyi denɔ bukusiɔŋakɔ, ɔɔɖɔ sɛ: “Nɔ Kpɛ bulɔ Kpaya nɛa bha, wɔnɔ yɛ baxwɛdɛ nɛ petee, wɔnɔa gɛ no si yɛ fu, bebhliyi anɛ bagbɛgbla petee!”

Tɛbubukasɛ 20:12

Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 6:15

Ɔkɛlɛ kesukpɛabha bekusi, bekusieyi, keyutugbaniaka, be hueielete, banɔ gbɛgbla, anɛ anɔdzidzi kanyaka anɛ bagɛ kibui kanyaka dɛ kpaka gɛ be kpu nɛ betuzi mɛ anɛ betu mɛ aklãgbugbla kishi.

Tɛbubukasɛ 7:3

“Tɛ zi kɛdɔ nɛ kesukpa, aƒu, ɔdɔgɔsɛ besi nɛ shu ɔdɔnanɔ kibe lɛ gɛ bu kɔ kɛdɔ da bulɔ Kpaya baxwɛwa nɛ butukpo.”