Tɛbubukasɛ 13:14 - ONUGBÙ NYƐNYÃ VUVƆ

¹⁴ Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.

Tɛbubukasɛ 13:14 ပူးပေါင်းရင်းမြစ်များ

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:1

Klɛ eblidzyagbla nɛ alɔɛ titi nɛ axui nutɔ. Klɛ mɛ ɛmɔ agavuga teli gɛ ede aƒu nɛ mɛ ekoeyi. Ashã lɔfɔ nɛ atɔkpu tegene ala lɛ yɛ, anɛ bukusiekutu lɔfɔ nɛ yɛ ashã nɛa bha, klɛ nɛ kɛtɔkpu kanykɛa bha kibusobuinyi tsri.

Tɛbubukasɛ 13:15

Ba kɔ yɛ kemi sɛ tɛ afɔɛ kpɛ kɛdɔbhubhɔ nɛ mɛ, sɛ tɛ ana kaɖɔ ɖɔ, tɛ akɔ sɛ banɔ nɛ petee gɛ ba dɛ dɛmɛ asɛ tɛ ba kpɛ kɛtɔkpuesi akɔ kɛdɔbhubhɔ, tɛ be yi alɛ.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Tɛbubukasɛ 14:11

Klɛ balɛ butɔ ɔnyɔ̃ nɛ ɔbɔ lɔ ɔyɛkɔ vɛnɔ mabeke mabeke mɛ. Bumuene kemuze ɔdɔgɔsɛ elishi mɛ ama kɔ bagɛ bakpɛ kɛtɔkpuesi kɔ ayakpamaga anɛ balɛ abhubhɔ, ɔdɔgɔsɛ anɔnyanɔ gɛ ayɛkɛ yɛ kinyi nɛ kibi.”

Tɛbubukasɛ 14:9

Kpayaxwɛdɛ tramɛ tsyɛ aba nɛ balɛe de klɛ aɖɔ nɛ oli mɛ gɛganɛɛ asɛ: “Onu gɛ anɔ teli aakpɛ kɛtɔkpuesi kɔ ayakpamaga anɛ yɛ abhubhɔ klɛ aayɛkɛ yɛ kibi nɛ ketukpo ɔdɔgɔsɛ nɛ yɛ ɔhwɛ,

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 16:2

Kpayaxwɛdɛ tutɔpu nɛ avɛ ede tsyina yɛ obulo kesugba nɛ abalɛ kesukpa, klɛ apɔ kpã nɛ gɛ edi yiubite gɛ eeve anɔ nɛ adanɛ abalɛ banɔ nɛ gɛ balɛ shu agavuga kibi nɛ tsri klɛ baa kpɛ kɛtɔkpuesi kɔ yɛ abhubhɔ.

Tɛbubukasɛ 18:23

Kanɛgbɛ kifu kɛɛ tɛa fla tã nɛ wɔ mɛ. Adzɛenyine anɛ adzɛ oli mɛ be tie fle nu nɛ wɔ mɛ. Wɔ bedziniga balɛ dzi kanɔ nɛ mɛ banɔgbɛgbla. Ganɔ wɔ bawa mɛ ɔgbanɔ amadi nɛ ɔlɛla.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.