Tɛbubukasɛ 13:11 - ONUGBÙ NYƐNYÃ VUVƆ

¹¹ Ɔkɛlɛ mɛ ɛmɔ agavuga bhlatɔ, gɛ ekoeyi denɔ kesukpa nɛ mɛ. Ashã tabha alɛ yɛ ansɛ obhoshieyi, pɔ aɖɔ kaɖɔ ansɛ eblidzyagbla.

Tɛbubukasɛ 13:11 ပူးပေါင်းရင်းမြစ်များ

Mateo 7:15

“No lu awɔ̃ nɛ itro batɔnu. Baa ba wɔnɔ amɛ nɛ ibhoshi buplukpa kɛdɔnyunyumu mɛ, pɔ nɛ kɛmɛ, be nu ayakpam bukudzɔgɛ tsutsɔmɔ.

Romanɛ 16:18

Alasɛ banɔa lɛ nɛɛ di na taa dɛ kɛxwɛ kɔ bulɔ Apalete Kristo, pɔ kɔ balɛ nahwɛ ahali mɛ. Ganɔ onugbum zɛzandzyɛ anɛ bugã kpɛkpɛanɔ mɛ ba yɛkɔ awɛɛ bagɛ be ti nyi kibuinyɛbui.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 13:1

Klɛ eblidzyagbla nɛ alɔɛ titi nɛ axui nutɔ. Klɛ mɛ ɛmɔ agavuga teli gɛ ede aƒu nɛ mɛ ekoeyi. Ashã lɔfɔ nɛ atɔkpu tegene ala lɛ yɛ, anɛ bukusiekutu lɔfɔ nɛ yɛ ashã nɛa bha, klɛ nɛ kɛtɔkpu kanykɛa bha kibusobuinyi tsri.

Tɛbubukasɛ 13:17

sɛ tɛ anɔnyanɔ eti dzi kɛdɔ ɔdɔgɔsɛ adɛ kɛdɔ gɛ odi nu sɛ kibi lɛ yɛ shu, gɛ kɛ nu agavuga nɛ kinyi ɔdɔgɔsɛ yɛ nyi nɛ kɛdɔkɛkla mɛ.

Tɛbubukasɛ 13:4

Banɔ ba kpɛ kɛtɔkpuesi kɔ eblidzyagbla alasɛ atɛ kɔ agavuga nɛ kabhaŋɛŋa, klɛ balɛ tsyɛ ba kpɛ kɛtɔkpuesi kɔ agavuga klɛ bee bisi asɛ, “Ane gɛ edzi ansɛ agavuga? Anee gɛ aba na keyu ta nɛ yɛ?”

Tɛbubukasɛ 16:13

Ɔkɛlɛ mɛ ɛmɔ ɛfufɔɛ kpã tɛta gɛ dzi ansɛ agbɔkɔ; le koeyi edenɔ eblidzyagbla nɛ onugbu mɛ, agavuga nɛ onugbu mɛ anɛ otro atɔnu nɛ onugbu mɛ.

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.