Tɛbubukasɛ 12:7 - ONUGBÙ NYƐNYÃ VUVƆ

⁷ Klɛ keyu akpa nɛ owũsise. Maɛkɛl anɛ yɛ kpayaxwɛdɛ nɛ ba ta keyu nɛ eblidzyagbla, klɛ eblidzyagbla nɛ yɛ baxwɛdɛ nɛ tsyɛ ba gɔnɛ na lɛ.

Tɛbubukasɛ 12:7 ပူးပေါင်းရင်းမြစ်များ

Mateo 13:41

Anɔdzyrame yɛ Eyi nɛ aba kpɛ yɛ baxwɛdɛ nɛ asɛsɛ, klɛ le be bu kizizi kanyaka nɛ yɛ bukusiɔŋakɔ nɛ mɛ gɛ kɔ buzizi nɛ bagɛ ba bhɛtɛ butsutsɔmɔ.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Mateo 26:53

Nɔɔ bhɛtɛ kɛtɔkpum sɛ ɛtɛ ba na Maka nɛ owũsise kulu pɛ aba sɛsɛ mɛ yɛ kpayaxwɛdɛ ivulo akpã lɔfɔntabha pɛ ba ba ta keyu nɛ banɔa?

2 Kɔrintioanɛ 12:7

Tɛ be bu mɛ edenɔ bugbɛgbla nɛ mɛ alasɛ ebui bubukasɛ gbɛgbla gɛ ɛmɔ, ɔkɛlɛ la kɔ mɛ ewui nɛ mɛ shuidzya mɛ, Satana axwɛdɛ tɛ etu mɛ.

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

Hebriuanɛ 2:10

Nɛ banɔ gelee mɛmɛna nɛ yɛshu bhubhui mɛ, kɛpɛ̃ kɔ Kpaya sɛ, kɔ agɛ anɛ ganɔ agɛ yɛabha ba bhɛtɛ kɛdɔnyɛdɔ, kɛkɔsɛ Kristo edzi tɛyɛyɛkɛ dzyɔgo ganɔ butɔ mumɔe mɛ.

2 Petro 2:4

Alasɛ onugɛ Kpaya adɛ yɛkɔ etsye yɛ baxwɛdɛ gɛ ba bhɛtɛ ebuikpã, pɔ asɛsɛ alɛ nɛ kifu mɛ, akpɛ alɛ buɖɛ nɛ otumu ozi mɛ tɛ ba be klu kebhui nɛ alɛ,

Yuɖa 1:9

Pɔ kpayaxwɛdɛgbla Mayɛkɛl tsyɛ, gɛ aza wũlankɛ bui nɛ ɔfufɔɛkpã denɔ Mose ishupi nɛ shu, adɛ bhɛtɛ edi asɛ ayɛkɔ ishuzizi kititilulɔ nɛ yɛ shu, pɔ aɖɔ asɛ, “Apalete nɛ etsrenɛ wɔ!”

Tɛbubukasɛ 12:8

Pɔ adɛ gɛganɛ mɔ, klɛ balɛ ɔzakɔ nɛ owũsise nɛ okoeyi nɛ balɛ ahwɛ.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Tɛbubukasɛ 13:7

Ba kɔ yɛ kemi sɛ tɛ ata keyu nɛ banɔnɛna tɛ aŋa balɛa bha. Klɛ ba kɔ yɛ kabhaŋɛŋa nɛ kɛmadi, banɔ, bunuhu anɛ amadigbla nɛ peteea bha.

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.