Tɛbubukasɛ 12:17 - ONUGBÙ NYƐNYÃ VUVƆ

¹⁷ Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 12:17 ပူးပေါင်းရင်းမြစ်များ

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

1 Kɔrintioanɛ 2:1

Gɛ ɛba wunɔ kɔ, badzya mɔ, Ɛdɛ ba nɔ kɔ nɛ onugbu mɛ tsyɛmɛtsyɛmɛ ɔdɔgɔsɛ kibuinyinyi gbɛgbla anasɛ gɛ ɛɖɔ tɛmumɔɖɔ denɔ Kpaya shu tsre nɔ.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

1 Yohanɛsɛ 5:10

Anɔnyanɔ gɛ ayɛkɛ Kpaya yɛ Yi nɛabhaŋa ayɛkɛ yɛ kaɖɔɖuɖɔ nɛ yɛ idzyi mɛ. Anɔnyanɔ gɛ adɛ yɛkɛ Kpaya bhaŋa ebu eyinɔ asɛ Kpaya enu otro elete, alasɛ adɛ yɛkɛ Kpaya kɛbui ɖɛɖɔ nɛabhaŋa gɛ aɖɔ denɔ ye Yi shu.

1 Yohanɛsɛ 5:2

Kɛnɛ kɛlɛmɛ bu nyi sɛ bu dɛmɛnɔ Kpaya yɛ yialɛ: ganɔ Kpaya tɛdɛdɛmɛnɔ anɛ̀ yɛ ɛshã abha bhɛbhɛtɛ.

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.

Tɛbubukasɛ 12:16

Pɔ kesukpa nɛ kaplɛnɔ adzɛ ganɔ kalɛ onugbu dɛdanɛ mɛ gɛ ka munɔ keni nɛ gɛ eblidzyagbla nɛ epi abalɛ denɔ yɛ onugbu nɛ mɛ.

Tɛbubukasɛ 13:7

Ba kɔ yɛ kemi sɛ tɛ ata keyu nɛ banɔnɛna tɛ aŋa balɛa bha. Klɛ ba kɔ yɛ kabhaŋɛŋa nɛ kɛmadi, banɔ, bunuhu anɛ amadigbla nɛ peteea bha.

Tɛbubukasɛ 14:12

Kɛɛ nɛ kɛ kulu tɛdudɔfɔ̃ tɛzɛza gɛganɛ anɛ banɔnɛna nɛ kapɛ mɛ gɛ ba ta batɔ nɛ Kpaya ɛshã klɛ ba wɔ tɛyɛyɛkɛŋa mɛ kɔ Yesu.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Tɛbubukasɛ 18:20

Mɔ same nɛ yɛ tɔkpu, O owũsise! Nɔ mɔ same, wɔnɔ banɔnɛna anɛ banɔkpɛkpɛ anɛ batɔnu! Kpaya eti kulu kebhui nɛ adzɛ kana gɛ ayɛkɔ aganɛ wɔnɔ.’ ”

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 19:19

Ɔkɛlɛ mɛ mɔ agavuga anɛ kesukpa bha bekusi anɛ balɛ behudugbani gɛ be xogo sɛ tɛ ba ta keyu nɛ agɛ etsri sɔ nɛa bha anɛ yɛ behudugbani.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.