Tɛbubukasɛ 12:11 - ONUGBÙ NYƐNYÃ VUVƆ

¹¹ Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 12:11 ပူးပေါင်းရင်းမြစ်များ

Luka 14:26

Onugɛ anɔ teli aba mɛ ɔkɔ klɛ adɛ shɛnahwɛ yɛ aka nɛ ye ni, yɛedzini nɛ yɛeyialɛ, yɛadzyalɛ nɛ ya adalɛ—ee, yɛnahwɛ tsyɛ kpã—atɛ bana mɛ adɔkpasɛ edzi.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Axwɛwɛwa 20:24

Pɔ, ɛmɔ mɛ ɛkpã nɛ sɛ kedziŋɛŋa kanyaka ma lɛ akɔm, onu gɛ ɛba na odu nɛ bu si beke klɛ mɛ ba beke kɛxwɛ nɛ gɛ Apalete Yesu akɔ mɛ—kɛxwɛ nɛ gɛ ba bu Kpaya ɛyamyuyɔ kibui dzyɔgo nɛ kasɛ.

Axwɛwɛwa 21:13

Ɔkɛlɛ Paolo ebu klɛ nu asɛ, “Kide so pɛ no bi klɛ nɔ yɛɛ mɛ idzyi kana? Ganɛ tɛnyɛnya tite ko mɛ ɛlɛ kɔ, pɔ ɛlɛ kɔ tɛtsitsi nɛ Yerusalɛm tsyɛ ɔkpɛ Apalete Yesu kinyi nɛ so.”

Romanɛ 16:20

Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.

1 Kɔrintioanɛ 15:57

Pɔ ahwɛhuhu alɛ nu Kpaya ayɛ! Yɛ akɔ lɔ kabhaŋɛŋa aganɔ bulɔ Apalete Yesu Kristo abha.

1 Yohanɛsɛ 4:4

Wunɔ, banuvɔ mumɔa, nɔ de Kpaya kɔ klɛ nɔ ŋa ɛlɛabha, alasɛ agɛ alɛ wunɔɛ mɛ etri adɛ ɔgɛ lɔ lɛ kanɔ nɛ mɛ.

1 Yohanɛsɛ 5:5

Ane yɛ abana kanɔ nɛabha ŋa? Anɔ nɛ ko gɛ ayɛkɛŋa sɛ Yesu enu Kpaya yɛ Eyi.

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.

Tɛbubukasɛ 12:17

Ɔkɛlɛ eblidzyagbla nɛ amɔ obulo nɛ adzɛ klɛ ashɛ avɛ asɛ tɛ ada ta keyu anɛ yeyialɛ gɔgɔɛ—bagɛ bata batɔ nɛ Kpaya ɛshã klɛ la nyɛna yɛ Yesu kibuimumɔɖɔ nɛ mɛ evunɔ.

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 2:17

Aanɔ gɛ batɔ alɛ yɛ, kɔ yɛ enu kɛ gɛ Ɔfufɔɛ nɛ otsre basɔlɛha. Agɛ yɛ aŋɛabha, ɛba kɔ yɛ mɛ tɛkpukpu mɛ ofomɛŋɛŋa. Ɛba kɔ yɛ tsyɛ kɛklãgbu fufu nɛ gɛ ba ŋlɔmɛ kinyi vuvɔ atrɔ kɛlɛa bha, gɛ agɛ yɛ ayɛkɛ lɛ nɛ ko yɛ enyi lɛ.

Tɛbubukasɛ 2:26

Aanɔ nɛ gɛ aŋa ishua bha klɛ abhɛtɛ mɛ tɛpɛpɛ ɔdɔnanɔ obekekɔ, ɛba kɔ sɛ yɛ aŋa amadi nɛa bha—

Tɛbubukasɛ 2:7

Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 3:12

Agɛ yɛa ŋɛabha ɛba bhɛtɛ yɛ kidriosi nɛ mɛ Kpaya busɔlɛvu nɛ mɛ. Kɛlɛ atɛa shɛ̃nahwɛ kɛlɛ shu. Ɛba ŋlɔmɛ mɛ Kpaya nɛ nyi trɔ yɛa bha, anɛ mɛ Kpaya ɔmagbla nɛ nyi nɛ trɔ yɛa bha, gɛ onu Yerusalɛm vuvɔ, gɛ ezhi edenɔ owũsise nɛ mɛ Kpaya ɔkɔ nɛ aaba, klɛ ɛba ŋlɔmɛ mɛ kinyi vuvɔ nɛ tsyɛ ta yɛ.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.