Tɛbubukasɛ 11:15 - ONUGBÙ NYƐNYÃ VUVƆ

¹⁵ Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 11:15 ပူးပေါင်းရင်းမြစ်များ

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

Luka 1:33

klɛ aba ŋa bukusi nɛ Yakobo bupa nɛabha vɛnɔ mabeke mabeke mɛ, yɛ bukusiɔŋakɔ nɛ ɔtɛ bo beke di. ”

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Luka 15:6

klɛ aba vɛ kepi. Kɛlɛede ebe klu yɛ ɛbhɛyalɛ, nɛ yɛ ɔhaɛalɛ exogo klɛ aba ɖɔ sɛ ‘Nɔ mɔ same nɛ mɛ, ɛmɔ mɛ obhoshi lɛla.’

Axwɛwɛwa 4:26

Kesukpɛa bha bekusi nɛ ayɛkɔ balɛ ɛzakɔ klɛ baga ŋɛabha ne xogo alɔ kititi nɛ Apalete nɛ shu nɛ Agɛ ba srabɔa kɔ.’

Hebriuanɛ 1:8

Pɔ denɔ yɛ Yi nɛ shu aɖɔ sɛ, “Wɔ bukusiɔŋakɔ, O Kpaya, bu ba za mabeke nɛ mabeke, klɛ kɛdzyɔgo bhɛbhɛtɛ ba dzi osivuvu nɛ wɔ bukusiɔŋakɔ.

Tɛbubukasɛ 10:7

Pɔ nɛ ewi nɛ mɛ gɛ kpayaxwɛdɛ tiegene nɛ aba bɔ yɛa xũlɛ̃ nɛɛ, Kpaya ebuikpukpu nɛ aba bɛ lɛ mɛ beke, ansɛ gɛ ebu aɖɔ etsre yɛ batɔnu.”

Tɛbubukasɛ 12:10

Ɔkɛlɛ mɛ nu oli toli mɛ dɔ wee nɛ owũsise gɛ ɔɖɔ sɛ: “Ɔtsɔ̃ nɛɛ tɛyɛyɛkɔ anɛ kemi anɛ bulɔ Kpaya bukusiɔŋakɔ nɛ ɔba, anɛ yɛ Kristo kabhaŋɛŋa. Alasɛ agɛ ayɛkɔɛbui nɛ bulɔ adzyalɛ, gɛ aapɛ bui kɔa lɛ nɛ bulɔ Kpaya nɛ amɛ kemuze anɛ elishi, be hu yɛesi.

Tɛbubukasɛ 15:4

Ane gɛ eti be si wɔɛ fu, O Apalete, pɛ ata mɛna wɔɛ nyi nɛ kabhakpɛkpɛ? Alasɛ wɔ tite ko shu ɛlɛ bhui. Amadi nɛ petee aba ba klɛ la ba kpɛ kɛtɔkpuesi nɛ wɔa mɛ, alasɛ wɔ tɛnɛnamɛzɛza ebui bhɛbhɛtɛ nɛ eti bu akasɛ.”

Tɛbubukasɛ 16:17

Kpayaxwɛdɛ gigenemi nɛ ebu yɛ kesugba nɛ abalɛ akpɛ kɛlɛɛ mɛ, klɛ nɛ busɔlɛvu nɛ mɛ olim gɛganɛɛ toli oyi denɔ bukusiegbu nɛ ɔkɔ, lɔɔ ɖɔ sɛ, “Kɛ bhɛtɛ beke!”

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 19:1

Kɛɛ nɛ nɛe de inu kɛdɔ tili dɔ ansɛ banɔɛha gbla kɛlɛ kpɛ ogugu nɛ owũsise sɛ: “Haleluya! Tɛbubu anɛ kabhakpɛkpɛ anɛ kemi ke nu bulɔ Kpaya nɛa yɛ,

Tɛbubukasɛ 19:6

Ɔkɛlɛ mɛ nu kɛdɔ tili dɔ gɛ yi ansɛ banɔɛzagbla, ansɛ buni kpɛkpɛ gɛɛ tɔkɔ klɛ bu yi gɛganɛɛ ansɛ subhalɛlɛ, ogugu sɛ: “Haleluya! Alasɛ bulɛ Apalete Kpaya Agɛadɛ yɛ aŋɛabha.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 8:12

Kpayaxwɛdɛ lɛ̃lɛ̃mɛ nɛ abɔ yɛa xũlɛ̃, klɛ kiwi nɛ kapɛ zɛzɛ kadzya nɛ bupɛ tuta mɛ, wele nɛa pɛ nɛ tuta mɛ, awɛ̃wɛ̃ nɛ kapɛ nɛ bupɛ tuta mɛ, so tierikpo nɛ bupɛ tuta nɛ mɛ ketsyina dzi otumu. Keli zɛza nɛ kapɛ zɛzɛ nɛ bupɛ tuta mɛ na za otumu mɛ, klɛ kana elishi nɛ kapɛ zɛzɛ nɛ tuta mɛ nɛ tsyɛ aza.

Tɛbubukasɛ 9:1

Kpayaxwɛdɛ trimi nɛ abɔ yɛa xũlɛ̃, klɛ mɛ mɔ kɛwũwɔɛ gɛ wɔlɛ de owũsise ba dɔ kesukpa. Ba yɛkɔ ozi gɛ ɔwɔkɔ ɔma lɛ nɛ kedunuaɖɛ nɛ akpɛ ahwɛ akɔ kɛwũwɔɛ lɛ.

Tɛbubukasɛ 9:13

Kpayaxwɛdɛ hlomi nɛ abɔ yɛa xũlɛ̃, klɛ mɛ nu oli toli mɛ gɛ ɔba denɔ sɛkadzɛdzã busɔlɛvu mɛ kɛdɔpɔɛkɔ ashã nɛ mɛ gɛ ɔlɛ Kpaya amɛ.