Tɛbubukasɛ 1:4 - ONUGBÙ NYƐNYÃ VUVƆ

⁴ Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Tɛbubukasɛ 1:4 ပူးပေါင်းရင်းမြစ်များ

Yohanɛsɛ 1:1

Nɛ kesikpɛkpɛ Kibui nɛ lɛ, klɛ Kibui nɛ lɛ plɛnɔ Kpaya, klɛ Kibui nɛ kɛlɛ nu Kpaya.

Axwɛwɛwa 19:10

Kɛdɔ kɛkasɛ nɛ vɛ klɛa bha agɔ tabha nyɔɔ, sɛ tɛ Yuɖanɛ anɛ Grikanɛ nɛ gɛ balɛ Asia kɛdɔ nɛ mɛ tsyɛ be nu Apalete nɛ kibui.

Axwɛwɛwa 2:9

Patians, Medis anɛ Elamaɛts, banɔ gɛ alɛ Mesopotemia, Yuɖea anɛ Kapadokɛa, Pɔntus anɛ Asia,

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

1 Kɔrintioanɛ 1:3

Kɛdɔkukɔ anɛ ishuyuyɔ denɔ blɔ Aka Kpaya anɛ Apalete Yesu Kristo ɔkɔ kɔ nɔ.

2 Kɔrintioanɛ 1:2

Kɛdɔkukɔ anɛ ishuyuyɔ denɔ Kpaya bulɔ Aka anɛ̀ Apalete Yesu Kristo akɔ kɔ nɔ.

Hebriuanɛ 13:8

Yesu Kristo terikpo alɛ nɛ ko enu kivu gɛ ba fla anɛ kibenyɛbe.

Yakobo 1:17

Kɛdzyɔgo kanyaka anɛ kɛdɔkukɔ dzyɔgo ki de kabha, ba denɔ owũsise efu Aka nɛ ɔkɔ, gɛ yɛ ete tsyina ansɛ buyi gɛ fla.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Tɛbubukasɛ 1:11

gɛ kaa ɖɔ sɛ, “Ŋlɔmɛ kɛdɔnɔ nɛ gɛ ɔmɔ nɛ ɔtrɔ keplukpa bha tɛ ɔyɛkɔ sɛsɛ basɔlɛha tigene: Efesusɛ, Simina, Pɛgamum, Taɛtira, Saɖisɛ, Filadelfia anɛ Laoɖisea.”

Tɛbubukasɛ 1:17

Gɛ ɛmɔ yɛ, ɛwɔlɔdɔ nɛ yɛ otugba ansɛ butsi mɛ itsi. Kɛlɛ ayɛkɔ yɛ kɛŋa ɔhwɛ nɛ atrɔ mɛa bha klɛ asɛ, “Ti si kifu. Mɛ nu atutɔpu anɛ agɔgɔɛ.

Tɛbubukasɛ 1:20

Awɛ̃wɛ̃ tegene nɛ gɛ ɔmɔ nɛ mɛ kɛŋa ɔhwɛ nɛ mɛ anɛ sɛkadzɛdzã kanɛgbɛsi tigene anɛ kibuikpukpu kɛlɛ nu sɛ: Awɛ̃wɛ̃ tegene alɛ enu kpayaxwɛdɛ kɔ basɔlɛha tigene, klɛ sɛkadzɛdzã kanɛgbɛsi tigene nɛ ɛlɛ nu basɔlɛha tigene.

Tɛbubukasɛ 1:8

Apalete Kpaya nɛ asɛ, “Mɛ nu Kesikpɛkpɛ anɛ Tɛbibeke,” “gɛ alɛ, klɛ aza, klɛ yɛ aba ba, Agɛ yɛa dɛ.”

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 16:5

Ɔkɛlɛ mɛ nu kpayaxwɛdɛ nɛ gɛ yɛ edi beni nɛa bha nɛ aɖɔ sɛ: “Ɔna nɛ bubhui kukulu nɛ mɛ, wɔ gɛ onu klɛ odzi, Anɔ Nɛna, alasɛ oti kulu bubhui nɛ ana;

Tɛbubukasɛ 2:12

“Kɔ kpayaxwɛdɛ nɛ Pɛgamum busɔlɛɔha nɛ mɛ ɔsɛ: Aanɛ nɛ alɛ nu agɛ evunɔ ɛhɛshɛshɛ inugbu-tɛbha nɛ ebuiɖuɖɔ.

Tɛbubukasɛ 2:18

“Kɔ kpayaxwɛdɛ nɛ Taɛtira sɛ: Ebuia nɛ alɛ enu Kpaya yɛ Eyi nɛ kaɖɔɖuɖɔ, gɛ yɛ anhũ nɛ edzi ansɛ kifu tɛtã klɛ yɛ butsrukpɔ nɛ dzi ansɛ ayawa gɛ atã.

Tɛbubukasɛ 2:8

“Kɔ kpayaxwɛdɛ nɛ Smirna busɔlɛɔha nɛ mɛ ɔsɛ: Aanɛ alɛ nu yɛ ebui gɛ yɛ enu Atutɔpu anɛ Agɔgɔɛ, gɛ etsi pɛ etsodzi aba ɛkpã mɛ.

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Tɛbubukasɛ 22:8

Mɛ, Yohanɛsɛ, mɛ nu anɔ nɛ gɛ enu klɛ amɔ ebuia nɛ. Klɛ gɛ ɛnua lɛ klɛ mɛ mɔa lɛ, ɛwɔlɛ dɔ kpayaxwɛdɛ nɛ butsrukpɔ nu sɛ tɛ ɛkpɛ kɛtɔkpuesi kɔ yɛ gɛ ebu ebuia nɛ akasɛ mɛ.

Tɛbubukasɛ 3:1

Kɔ kpayaxwɛdɛ nɛ Saɖis busɔlɛɔha nɛ mɛ sɛ: Ebuia alɛ nu agɛ evunɔ Kpaya ɛfufɔɛ tigene anɛ awɛ̃wɛ̃ tegene nɛ ayɛ. Inyi wɔ ebui bhɛbhɛtɛ, kinyi dzyɔgo lɛ wɔ ahwɛ sɛ ɔlɛ nɛ ɛkpã, pɔ otsi.

Tɛbubukasɛ 3:14

“Kɔ kpayaxwɛdɛ anɛ busɔlɛha nɛ Laodisea: Ebui ɖuɖɔa nɛ alɛ nu Tɛlɛbɛlɛm nɛ ayɛ, tɛyɛyɛkɛŋa anɛ kɛgba ebuimɔɖɔ, agɛ yɛa ŋa Kpaya kɛdɔbhɛbhɛtɛ nɛa bha.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.

Tɛbubukasɛ 4:5

Denɔ kegbu nɛa bha nɛɛ owũsisefu ɛmuɛ tili de, ili mɛ anɛ subhalɛlɛ. Nɛ bukusiegbu nɛ otugba, kanɛgbɛ tiegene dzi aza tã. Balɛ nu Kpaya ɛfufɔɛ tigene.

Tɛbubukasɛ 4:8

Kɛdɔbhɛbhɛtɛ lulu tɛlɛ̃ kanyaka beglebe tiehlo alɛ kɛlɛ klɛ ba yɛkɔ anhũ ada akana kɛlɛ atsya petee, yɛ buglebe nɛesi tsyɛ la lɛ. Kemuze anɛ elishi la dɛ zukɔlɔ ɖɔ sɛ: “Ishubhubhui, ishubhubhui, ishubhubhui ɛlɛ nu Apalete Kpaya nɛ gɛ Adɛ, gɛ aza, klɛ aka lɛ, klɛ yɛ aba tɛ ba.”

Tɛbubukasɛ 5:6

Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.

Tɛbubukasɛ 8:2

Klɛ mɛ mɔ kpayaxwɛdɛ tiegene gɛ be li kititi nɛ Kpaya amɛ, klɛ ba kɔa lɛ buxulɔ̃ɛ tugene.