Romanɛ 9:3 - ONUGBÙ NYƐNYÃ VUVƆ

³ Alasɛ ɛta pɛɛ sɛ mɛnahwɛ ba ta ɖɔɛbui akpɛm tɛ ba pɔ mɛ nɛ Kristo shu akpɛ madzyalɛ nɛ so, gɛ be nu mɛnahwɛ kɛmadim banɔ,

Romanɛ 9:3 ပူးပေါင်းရင်းမြစ်များ

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 22:5

anasɛ gɛ kpayanɔgbla anɛ Beshisheha nɛ petee tsyɛ ba ba mɔɛlɛ aɖɔ. Mɛ ɛyɛkɛ klɛ shu buplukpa denɔ balɛ ahwɛ ɛyɛkɔ vɛnɔ balɛ dzyalɛ nɛ Damaskosɛ, klɛ mɛ tɔnɔ vɛ ɛda gbanɔ banɔa nɛ ɛmɛna anasɛ bevuza nɛ Yerusalɛm kɔ butɔtɛtɛta.

Axwɛwɛwa 28:21

Banɔ nɛ be bu kɛlɛ nu asɛ, “Buka yɛkɛ buplukpa ŋuŋlɔmɛ kanyaka denɔ Yuɖea nɛ wɔ shu, klɛ badzya nɛ gɛ ede ɔkɛlɛ aba nɛ kanyaka aka ɖɔa ɖɔ pɛ ɔdɔgɔsɛ ba ɖɔ kibui kpã kanyaka edenɔ wɔ shu.

Romanɛ 1:3

denɔ Yɛeyi nɛ shu, gɛ nɛ yɛ anɔdzyrame kapɛ mɛ ede Daviti okum,

Romanɛ 11:1

Ibisi alɛ sɛ: Kpaya ashɛ̃nahwɛ yɛanɔalɛ nɛ shu? Kɛma kidzo nyɛdzoa bha na! Mɛnahwɛ inu Izraɛleyi, gɛ ide Abraham oku nɛm, denɔ Bɛndzyamɛnɛ kɛmadi nɛm.

Romanɛ 11:14

nɛ kidzoenu didi mɛ sɛ ɛba nyɛmɛ mɛnahwɛ manɔalɛ sɛ tɛ kɛ dza awɔ̃ sɛ tɛ ibu balɛ beteli.

Romanɛ 16:11

Ɛsɛnɔ Heroɖiɔnɛ, mɛ eshopo. Ɛsɛnɔ Nasissusɛ bupamɛanɛ gɛ akpasɛ Apalete nɛ mɛ.

Romanɛ 16:21

Timotio, mɔhayɛ axwɛwa, asɛnɛ nɔ asɛsɛ, ansɛ gɛ Lusiusɛ, Yasɔnɛ anɛ Sosipata gɛ nu meshopoalɛ nɛ tsyɛa bhɛtɛ.

Romanɛ 16:7

Ɛsɛnɔ Andronikusɛ anɛ Yuniasɛ, meshopoalɛ nɛ gɛ baza buvu aplɛnɔ mɛ. Balɛ ba vɛ otugba nɛ banɔkpɛkpɛ nɛɛ shi, klɛ ba za Kristo mɛ flogo pɛ ɛba tsoku.

Romanɛ 9:2

Same mamɔmamɔ gbla anɛ butɔ vɛa bha nɛ mɛ idzyim.

1 Kɔrintioanɛ 12:3

Kɛlɛ so itsre nɔ sɛ anɔnyanɔ ama gɛ aɖɔaɖɔ ganɔ Kpaya Ɔfufɔɛ abha gɛ aba ɖɔ asɛ, “ba ɖɔɛ bui akpɛ Yesu” klɛ anɔnyanɔ atɛ ba na ɖɔ sɛ, “Yesu enu Apalete, gɛ odu nu sɛ ganɔ Ɔfufɔɛ nɛa bha.”

1 Kɔrintioanɛ 16:22

Onugɛ anɔteli adɛ dɛmɛnɛ Apalete—ba ba ɖɔɛbui akpɛ yɛ. Ba, O Apalete!

2 Kɔrintioanɛ 12:15

So same be kumɛ mɔmɔ sɛ ɛba tɛkɔ kɛdɔnyɛdɔ gɛ kɛlɛ mahwɛ klɛ nɛ kɛgɛ mɛ nahwɛ wa lɛ shuixwɛ. Onugɛ ɛdɛmɛ wunɔ bui mɔmɔ, nɔ bɔ dɛmɛ mɛbui bhliyi?

Galatianɛ 1:8

Pɔ edzi bulɔ tsyɛ ɔdɔgɔsɛ kpayaxwɛdɛ ede owũsise aɖɔ kibui dzyɔgo bhlatɔ dɛ kɛgɛ bu ɖɔ tsre nɔ, kɔ le bu yɛ kɛpɔ mabeke mabeke!

Galatianɛ 1:9

Anasɛ gɛ bu tɛ ɖɔ, kɛlɛso ɔtsɔnɛ ɛkaɖɔ: Onugɛ anɔ teli aɖɔ kibui dzyɔgo bhlatɔ ɔdɛ kɛgɛ nɔ yɛkɛ, kɔ le bui yɛ pɔ mabeke mabekemɛ!

Galatianɛ 3:10

Banɔ petee gɛ ba nyɛna ɔshã nɛ mɛ evunɔ ba kpasɛ kibuiɖɛɖɔ kpɛ anɔesi, alasɛ ba ŋlɔmɛ elu asɛ: “Baɖɔɛ buikpɛ anɔnyanɔ gɛ ata bhɛtɛ ebui petee gɛ ba ŋlɔmɛ akpɛ Ɔshã Keplukpa nɛ mɛ.”

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Efesoanɛ 6:5

Banɔdzidzi, nɔ tatɔ nɛ wunɔ kesukpɛabha bapalete anɛ̀ kɛtɔkpuesi kpɛkpɛ anɛ kifu, anɛ idzyimɛ gbɛagba bui, anasɛ gɛ ɔbɔ ta tɔ nɛ Kristo.