Romanɛ 8:6 - ONUGBÙ NYƐNYÃ VUVƆ

⁶ Anɔ gɛ abhɛtɛ buzizi nɛ tɔkpu mɛ nu butsi, pɔ kɛtɔkpu nɔɔ nɛm gɛ Ɔfufɔɛ ɔlɛ ɔŋa kɛlɛa bha nɛ nu ɛkpã nɛ ishuyuyɔ,

Romanɛ 8:6 ပူးပေါင်းရင်းမြစ်များ

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 14:6

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Yohanɛsɛ 17:5

Klɛ ɔtsɔ̃ nɛ̃ nɛɛ, Aka, kpɛ mɛ nɛa bha nɛ wɔ ɔzakɔ anɛ kabhakpɛkpɛ nɛ ga za mɛ ahwɛ plɛnɔ wɔ flogo pɛ kanɔ na kakpɛe si.

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 5:10

Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Romanɛ 6:21

Kide nɔ mɔ denɔ ebui nɛ gɛ alɛ eku wɔnɔ kɛwɛ̃ nɛ ɔtsɔ̃ nɛ mɛ? Ebuia lɛlɛ alɛ ebe dzi butsi!

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 7:11

Alasɛ buzizi, bu mɔ kidzo ganɔ ɔshã nɛa bha, bu wɛɛm, klɛ ganɔ ɔshã nɛ mɛ klɛ bu yim.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 8:13

Alasɛ onu gɛ nɔɔ lɛ nɛ buzizi ɛkpã nɛ nu, no bo tsi, pɔ onu gɛ nɛ Ɔfufɔɛ nɛ nu kɛlɛ alɛ nɔ bɔ yɛkɔ ishuidzyam ebuikpã nɛ ɔkɔ butsi, nɔ bɔ za nɛ ɛkpã,

Romanɛ 8:27

Klɛ agɛ ya nyɔ bulɔ idzyi nɛ mɛ enyi Ɔfufɔɛ nɛ tɔkpum, alasɛ Ɔfufɔɛ nɛ ovuibue nɛ banɔnɛna nɛ tɔkpu nɛ Kpaya tɛpɛpɛ nu.

Romanɛ 8:7

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Galatianɛ 6:8

Anɔ nɛ gɛ aɖa kɛdɔ tɛ kɛku yɛ nahwɛ awɔ̃ nɛ yɛ anɔdzyrame buzizi zɛzamɛmɛ, bulɛ mɛ ebe tsu butsi, anɔ nɛ gɛ aɖa dɔ tɛ kɛku Ɔfufɔɛ awɔ̃, Ɔfufɔɛ lɛ nɛ mɛ ebe tsu ɛkpã mabeke mabeke.