Romanɛ 8:4 - ONUGBÙ NYƐNYÃ VUVƆ

⁴ sɛ tɛ ɔshã nɛ tɛzɛzam dzyɔgo nɛ gɛ lo bisi nɛɛ, ba mɔɛ lɛ nɛ bulɔ mɛ, bulɔa gɛ bu ma nɛ ɛkpã nɛ buzizi mɛ tɛzɛza kidzoa bha, pɔ bu lɛ nɛ ɛkpã nɛ Ɔfufɔɛ nɛ kidzoa bha.

Romanɛ 8:4 ပူးပေါင်းရင်းမြစ်များ

Luka 1:6

Banɔ edi tabha nɛ dzi banɔ dzyɔgo nɛ Kpaya amɛ, ba bhɛtɛ atrɔ Apalete nɛ ɛshã nɛ tɛtɛtrɔ nɛabha amɛ makamaka.

Romanɛ 2:26

Onu gɛ bagɛ edɛ bhui bunyɛnyɛ nɛ anyɛna kɛdɔnɔ nɛ gɛ ɔshã obisi nɛm evunɔ, be te di alɛ anasɛ banɔ gɛ bhui bunyɛnyɛ?

Romanɛ 3:31

Kɛlɛ sɛ tɛ, ɔtsɔ̃, bu tsa odi kpɛ ɔshã nɛm ganɔ tɛyɛyɛkɛŋa nɛ so? Kɛma ana! Nɛ kɛlɛ ɔzakɔ, alɛasɛ tɛ bu nyɛna ɔshã nɛm vunɔ.

2 Kɔrintioanɛ 10:2

Ɛkpɛtɔkpuesi kɔ nɔ kɛbenɔ gɛ ɛbá, ɛtɛ ba za gɛganɛ anasɛ gɛ ɛpɛɛ sɛ tɛ ɛza nɛ banɔ teli shu gɛ ba yɛkɔ sɛ bɔ lɛ nɛ ɛkpã nɛ́ kanɔa nɛ tɛzɛza mɛ nu.

2 Kɔrintioanɛ 10:3

Alasɛ kɛlɛlɛmɛ sɛ bu lɛ nɛ kanɔ nɛ mɛ, bu dɛ bu keyu anasɛ gɛ kanɔ nɛ abhɛtɛ.

Galatianɛ 5:16

Kɛlɛso ɛɖɔ sɛ, za nɛkpã ganɔ Ɔfufɔɛ nɛabha, klɛ ɔtɛ bɔ kpɛ kanɔɛmɛ ebui kpã pɛpɛɛ same.

Koloseanɛ 1:22

Pɔ ɔtsɔ̃nɛ abhɛtɛ terikpo nɛ nɔ nɛ́ Kristo ishuidzya nahwɛ ɔganɔ butsi tɛ akɔ nɔ shu bhui nɛ yɛ amɛ, kɛpɔ mabumabu klɛ tɛ batɛ mɔ kizizi nɛ wɔnɔ shu—

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Tɛbubukasɛ 14:5

Ba dɛ mɔ otro kanyaka nɛ balɛ inugbu mɛ; kɛpɔ kanyaka ma balɛ shu.