Romanɛ 8:30 - ONUGBÙ NYƐNYÃ VUVƆ

³⁰ Klɛ bagɛ atɛ bala elu, balɛ tsyɛ ekulu; bagɛ ekulu, adanɛ balɛ shu tsyɛ; bagɛ balɛ shu adanɛ, ebhuialɛ shu tsyɛ.

Romanɛ 8:30 ပူးပေါင်းရင်းမြစ်များ

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Romanɛ 8:28

Klɛ bu nyi sɛ nɛ ebui nɛ petee mɛ Kpaya awa kɛxwɛ akɔ bagɛ ba ɖɔ yɛ nɛ tɛpɛ̃pɛ, gɛ be kulu nɛ yɛ kɛgɛ apɛɛ nɛ nu.

Efesoanɛ 1:11

Nɛ yɛ mɛ be klu lɔ tsyɛ, be klu lɔ nɛ ebui bhɛbhɛtɛ nɛ nu gɛ kɛwaɛxwɛ nɛ kɛkanyaka mɛ nɛ yɛ tɛtɛtrɔ nɛabha,

Hebriuanɛ 9:15

Kɛnɛ so gɛ Kristo ayɛkɔ onugbunyɛnya vuvɔ evuboe, sɛ tɛ bagɛ beklu bayɛkɛ ɔfufɔɛ mɛ kɛdɔ nɛ gɛ ba ɖɔ—ɔtsɔnɛ gɛ etsi anasɛ kɛbhɛ bubuya sɛ tɛ ebualɛ nɛ ebuizizi gɛ babhɛtɛ nɛ onugbunyɛnya tɛtɔpu nɛesi.

Efesoanɛ 1:5

eti klu lɔ sɛ bu nu anasɛ yɛ beyi ganɔ Yeesu Kristo abha nɛ yɛ tɛpɛpɛɛ nɛ́ yɛnahwɛ shui mɛ—

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

1 Kɔrintioanɛ 6:11

Kana wunɔ mayɛ teli nɔ za. Pɔ be plu nɔ shu, bakɔ wunɔ shubhui klɛ be bu nɔnu nɔ nɛ Apalete Yesu Kristo nɛ bulɔ Kpaya Ɔfufɔɛ nɛ mɛ.

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

Yohanɛsɛ 17:22

Ɛkɔ alɛ Kabhakpɛkpɛ gɛ ɔkɔ mɛ, sɛ tɛ ba be dzi Terikpo anasɛ gɛ bu nu terikpo:

2 Petro 1:10

Kɛlɛso, madzyalɛ mɔ, nɔ wlãkɛ dɛana tɛ nɔ bhɛtɛ wɔnɔ tɛkuklu nɛ tɛbubu ba pɛɛ̃. Alasɛ onugɛ nɔ bhɛtɛ ebuianɛ, nɔtɛ bɔ dɔ oboe,

1 Kɔrintioanɛ 1:9

Kpaya, gɛ eklu nɔ abhɛtɛ terikpo nɛ ye Yi Yesu Kristo bulɔ Apalete, enu anɔ yɛyɛkɛŋa.

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

1 Kɔrintioanɛ 1:2

Kɔ Kpaya busɔlɛɔha nɛ Kɔrint, kɔ bagɛ balɛ petee ba bhɛtɛ alɛ shu bhui nɛ Kristo Yesu mɛ klɛ be klu tɛ balɛ shu bhui, ɔyɛkɔ plɛnɔ nɛ balɛ petee nɛ ɔkɔnyɔkɔ gɛ be klu aganɔ bulɔ Apalete Yesu Kristo yɛ nyi nɛabha—balɛ Apalete nɛ bulɔ ayɛ nɛ shu bhubhui gɛ be nu yɛ ayɛ anɛ Kristo Yesu, ɔplɛnɔ bagɛ be de ɔkɔnyɔkɔ gɛ be klu Apalete Yesu Kristo yɛ nyi mɛ— balɛ Apalete nɛ bulɔ ayɛ:

2 Timotio 2:11

Kibui tili gɛ la ba yɛkɛ kɛlɛa bha ŋa nɛ nɛɛ sɛ: Onu gɛ butsi plɛnɔ yɛ, bu ba za nɛ ɛkpã plɛnɔ yɛ;

Tɛbubukasɛ 19:9

Ɔkɛlɛ kpayaxwɛdɛ nɛ etsrem asɛ, “Ŋlɔmɛ: ‘Bayula bagɛ balɛ be kulu akɔ Obhoshieyi nɛ adzɛ gbɛgbanɔ owulagoe dɔ ŋɛŋa!’ ” Klɛ aza yɛkɔ ata sɛ, “Anɛ nɛ alɛ nu Kpaya ebuiɖuɖɔ nɛ gɛ enu kɛgba.”

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

Efesoanɛ 4:4

Ishuidzya tirikpo anɛ Ɔfufɔɛ torikpo—anasɛ gɛ beklu nɔ kɔ kidzoenudidi tirikpo gɛ be klu nɔ—

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Efesoanɛ 2:6

Klɛ Kpaya efeke lɔ nɛ Kristo klɛ ayɛkɔ lɔ edzu yɛ ɔbha nɛ owũsiseanɔ nɛ mɛ nɛ Kristo Yesu mɛ,

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 1:6

Klɛ wɔnɔ tsyɛ ɔkpasɛ banɔ nɛ gɛ be kulu sɛ tɛ be dzi Yesu Kristo ayɛ.

Romanɛ 8:21

sɛ kanɔ nɛ nahwɛ ka ba za tibubule mɛ edenɔ kalɛ tɛnyɛnyam vɛnɔ tɛtsutsɔmɔ mɛ klɛ la ba yɛkɔ amɛna Kpaya yɛeyialɛ nɛ ishubhubhui tɛbuboli mɛ.

Romanɛ 11:29

Alasɛ Kpaya kɛdɔkukɔ anɔ anɛ yɛ anɔkuklu nɛ ama gɛ ɔbɔ tsrakɛ.

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Galatianɛ 1:6

Kɛbhɛtɛ mɛ bi sɛ ɔtsɔ̃tsiɔ̃ nɔ tɛ shɛ̃nahwɛ agɛ ye klu nɔ nɛ́ Kristo ɛyamyuyɔ nɛabha klɛ nɔ tsyina tɔ kibui dzyɔgo bhlatɔ—

Galatianɛ 1:15

Pɔ kibe lɛ gɛ Kpaya, agɛ ebu mɛ ɔtɔ elu denɔ mɛ tɛmumɔ mɛ klɛ eklu mɛ ganɔ yɛ ɛyamyuyɔ mɛ, ki ku yɛ awɔ̃

Galatianɛ 5:8

Tɛwuwɔɛ nɛ di kidide agɛ yɛ klu wɔ nɔ kɔ.

Efesoanɛ 3:11

nɛ yɛ tɛtɛtrɔ mabeke gɛ abhɛtɛ elu kibe lɛlɛ gɛ ke lɛ Kristo Yesu bulɔ Apalete nɛ mɛ.