Romanɛ 8:3 - ONUGBÙ NYƐNYÃ VUVƆ

³ Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Romanɛ 8:3 ပူးပေါင်းရင်းမြစ်များ

Marko 15:27

Ba kpla bezi tɛabha teli tsyɛ asɔ aplɛnɔ yɛ, terikpo nɛ yɛ kɛŋa nɛm, teli tsyɛ nɛ yɛ kɛbɛtɛkpɛm.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Yohanɛsɛ 9:24

Bubhla nyɔ na nɛ gɛ be tsodzi eklu anyɛ gɛ yɛ awɔ̃hu nɛ pu, klɛ be tsre yɛ asɛ, “Dɛmɛ trɔ nɛ Kpaya amɛ sɛ ɔbɔɖɔ kibui gbɛagba.” ba ɖɔ sɛ “Bu nyi sɛ anyɛanɛ enu ebuizizi bhɛbhɛtɛ elete.”

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.

Romanɛ 6:6

Alasɛ bunyi sɛ ba tɛ kpla bulɔ ɛkpãkuku nɛ asɔ plɛnɔ yɛ sɛ tɛ buzizi ishuidzya nɛ beke, sɛ tɛ bu taa ba dzi anɔdzidzi kɔ buzizi,

Romanɛ 7:18

Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Romanɛ 9:3

Alasɛ ɛta pɛɛ sɛ mɛnahwɛ ba ta ɖɔɛbui akpɛm tɛ ba pɔ mɛ nɛ Kristo shu akpɛ madzyalɛ nɛ so, gɛ be nu mɛnahwɛ kɛmadim banɔ,

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Galatianɛ 3:21

Ɔshã nɛ, kɛlɛso, lɔlɔɛtiti nɛ Kpaya tɛtrɔlu nɛ shu? Kɛmɛlɛmɛ ana! Alasɛ onugɛ bakɔ ɔshã sɛ tɛ babhɛtɛ ɔlɛabha tɛ ba mɔ ɛkpã, kɛlalɛ kibuidzyɔgo bhɛbhɛtɛ ba ba ganɔ ɔshã nɛabha

Filipianɛ 2:7

pɔ abhɛtɛ shu asɛ edi nu kɛdɔnyɛdɔ, ayɛkɔ axwɛdɛ tɛzɛza lɛlɛ, gɛ ba bhɛtɛ nɛ Anɔdzyrame tɛzɛza mɛ.

Hebriuanɛ 10:12

Pɔ gɛ kpayazakɔanɔ ayɛkɔ kɛdɔ akɔ kibenyɛbe ishutsyitsye tirikpo kɔ buizizi, ada za Kpaya kɛŋahwɛ apɛ nɛ mɛ.

Hebriuanɛ 10:14

alasɛ nɛ ishuyɛyɛkɔtsye tirikpo mɛ abhɛtɛ lɛ kɛna kɔ bagɛ ba bhɛtɛ sɛ tɛ ba lɛ shu bhui ɔvɛnɔ mabeke mabeke.

Hebriuanɛ 2:14

Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.