Romanɛ 8:10 - ONUGBÙ NYƐNYÃ VUVƆ

¹⁰ Pɔ onu gɛ Kristo akpasɛ wɔ mɛ, wɔ shuidzya nɛ tsi akpɛasɛ buzizi so, pɔ wɔ ɔfufɔɛ nɛ ɔlɛ nɛ ɛkpã akpɛ tɛzɛzam dzyɔgo so.

Romanɛ 8:10 ပူးပေါင်းရင်းမြစ်များ

Yohanɛsɛ 14:23

Yesu ebuilɛnu asɛ, “Onugɛ anɔ teli adɛmɛnɔ nɛ mɛ, aba bhɛtɛ atrɔ mɛ kɛdɔkɛkasɛ nɛabha. Mɛ Aka aba dɛmɛnɔ nɛ yɛ, klɛ bu ba ba yɛ ɔkɔ klɛ bu ba yɛ kɔ ɔkɛlɛ bhɛtɛ bulɔ kepi.

Yohanɛsɛ 15:5

“Mɛ nu vãyɛ̃, wɔnɔ nu ɛshɛ̃. Onugɛ anɔ teli alɛ mɛ́ mɛ klɛ ɛlɛ yɛ mɛ, ebe yu eyuyu gelee, nɛ mɛede nɔ tɛ bɔ na kɛdɛnyɛdɔ bhɛtɛ.

Yohanɛsɛ 17:23

Ɛlɛ ba lɛ mɛ klɛ wɔ ɔlɛ mɛ mɛ. Ba ba mɛna alɛ tɛ ba bhɛtɛ tɛɖikpo nahwɛ tɛ kɛ kɔ kanɔ ne ti sɛ wɔ kpɛ mɛ klɛ ɔdɛmɛnɔ nɛ alɛ anasɛ gɛ ɔdɛmɛnɔ nɛ mɛ.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 6:54

Anɔ nɛ gɛ atã mɛ ishuidzya klɛ awɔɛ̃ mɛ dzyosu ɛkpã mabekemabeke lɛ yɛ ahwɛ, klɛ ɛba nyɛmɛ yɛ nɛ kiwui gugɔɛ nɛabha.

Yohanɛsɛ 6:56

Anɔ nɛ gɛ atã mɛ ishuidzya klɛ awɔɛ̃ mɛ dzyosu awɔ mɛ mɛ klɛ mɛ ɛlɛ yɛ mɛ.

Romanɛ 5:12

Kɛlɛso, ansɛ gɛ buzizi tsoku kanɔ nɛ mɛ ganɔ anɔ terikpoa bha, klɛ butsi ba ganɔ buzizi mɛ, klɛ ganɔ kidzoe nɛa bha pɛ butsi ba kɔ anɔnyanɔ, alasɛ anɔnyanɔ abhɛtɛ buzizi so—

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

2 Kɔrintioanɛ 13:5

Nɔ vɛ wunɔnahwɛ shui mɛ odi sɛ kɛlɛlɛ mɛ sɛ nɔ lɛ tɛyɛyɛkɛŋa mɛ, wunɔnahwɛ nɔ di lɛ mɛ. Nɔ dɛ mɔ lɛ sɛ Kristo Yesu alɛ wunɔɛ mɛ—kɛlɛmaza, kɛlɛlɛmɛ, nɔ dɛna tɛbibisi nɛesi bu?

2 Kɔrintioanɛ 4:11

Alasɛ bulɔ gɛ bu lɛ nɛ ɛkpã kibenyɛbe bayɛkɔ lɔ akɔ butsi nɛ́ Yesu tɔkpu, sɛ tɛ yɛ kpã ba bukasɛ nɛ bulɔ ishuidzya tsitsi nɛ mɛ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Filipianɛ 1:23

Ɛwɔ kɛdɔ tɛbha nɛ shi: Ɛpɛɛ sɛ tɛ ɛshɛ klɛ tɛ ɛvɛ da za Kristo ɔbha, gɛ kɛlɛ lɛ nɛ pɛ̃ kɔ mɛ dɛ;

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

1 Tɛsolonianɛ 4:16

Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.

Hebriuanɛ 12:23

kɔ beyi tɛtɔpu busɔlɛɔha, gɛ balɛ enyi ba ŋlɔmɛ lu owũsise. Nɔ ba Kpaya kɔ, gɛ enu ebhuiklu kɔ banɔ petee, kɔ banɔ dzyɔgo nɛ ɔfufɔɛ gɛ bana,

Hebriuanɛ 9:27

Anasɛ gɛ babhɛtɛ lɛ sɛ anɔdzyrame bu tɛ trukpo ko etsi, nɛ kɛlɛede beklu kebhui nɛ yɛ,

Tɛbubukasɛ 14:13

Ɔkɛlɛ mɛ nu ogugu denɔ owũsise gɛ ɔɖɔ sɛ, “Ŋlɔmɛ: Ba yula betsitsi anɛ bagɛ be tsi nɛ Apalete nɛ mɛ denɔ ɔtsɔ̃ nɛ ɔvɛnɔ.” Ɔfufɔɛ nɛ ɔɔɖɔ sɛ, “Ee,” “be be muene denɔ balɛ axwɛ nɛ mɛ, alasɛ balɛ ebui bhɛbhɛtɛ nɛ aba za balɛe de.”