Romanɛ 8:1 - ONUGBÙ NYƐNYÃ VUVƆ

¹ Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 8:1 ပူးပေါင်းရင်းမြစ်များ

Yohanɛsɛ 14:20

Nɛ kiwui lɛlɛ nɛabha nɔ bɔ nu lɛesi sɛ ɛlɛ mɛ Aka mɛ, klɛ nɔ lɛ mɛ́ mɛ klɛ ɛlɛ nɔ mɛ.

Yohanɛsɛ 15:4

Nɔ za mɛ́ mɛ, klɛ ɛba za wɔnɔ mɛ. Ɔshɛ̃ kanyaka ɔtɛ bɔ na yu nɛ ɔlɛ nahwɛ shuahwɛ; alasɛ tɛ lɔ ta vãyɛ̃ nɛ shu. Kanake no ti bo yu eyuyu odinu ɔkpasɛ mɛ́ mɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Romanɛ 16:3

Sɛnɔ Prislla anɛ Akuila, be nu mɛɔhayɛalɛ baxwɛwa nɛ Kristo Yesu mɛ.

Romanɛ 16:7

Ɛsɛnɔ Andronikusɛ anɛ Yuniasɛ, meshopoalɛ nɛ gɛ baza buvu aplɛnɔ mɛ. Balɛ ba vɛ otugba nɛ banɔkpɛkpɛ nɛɛ shi, klɛ ba za Kristo mɛ flogo pɛ ɛba tsoku.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 5:16

Ɔyɛkɔ plɛnɔ, Kpaya kɛdɔkukɔ nɛ ti dzi ansɛ kɛgɛ de koeyi nɛ anɔ terikpoa lɛ nɛ buzizi mɛ: Kebhuikuklu aba nɛ buzizi turikpoe de klɛ bu mɛna kɛpɔbubu, pɔ kɛdɔkukɔ nɛ ba nɛ buzizi gelee de klɛ kɛ mɛna ishudɛdanɛ.

Romanɛ 7:17

Anasɛ gɛ kɛ lɛɛ, kɛ dɛ kanu sɛ mɛnahwɛ mɛ bhɛtɛ lɛ, pɔ buzizi nɛ gɛ kpasɛ mɛmɛ.

Romanɛ 7:20

Ɔtsɔ̃ nɛɛ, onu gɛ ɛbhɛtɛ kɛgɛ ɛdɛ pɛɛ sɛ tɛ ɛbhɛtɛ, ganɛ mɛ kaa bhɛtɛ lɛ, pɔ buzizi nɛ gɛ lɛ mɛ́mɛ bulɛ bhɛtɛ lɛ.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

Romanɛ 8:14

alasɛ bagɛ Kpaya Ɔfufɔɛ nɛ ɔɔgbanɔ be nu Kpaya yeyialɛ.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

Romanɛ 8:4

sɛ tɛ ɔshã nɛ tɛzɛzam dzyɔgo nɛ gɛ lo bisi nɛɛ, ba mɔɛ lɛ nɛ bulɔ mɛ, bulɔa gɛ bu ma nɛ ɛkpã nɛ buzizi mɛ tɛzɛza kidzoa bha, pɔ bu lɛ nɛ ɛkpã nɛ Ɔfufɔɛ nɛ kidzoa bha.

Romanɛ 8:9

Wɔnɔ, pɔ nɛɛ, tɛzɛzamkpã nɛ tɛ ŋa nɔa bha, Ɔfufɔɛ nɛ ɔlɛ ɔŋa nɔa bha, onu gɛ Kpaya Ɔfufɔɛ nɛ ɔlɛ wɔnɔ mɛ. Klɛ onu gɛ anɔ teli Kristo Ɔfufɔɛ nɛ ɔma yɛ mɛ, edi nu Kristoa yɛ.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

1 Kɔrintioanɛ 15:22

Alasɛ anasɛ nɛ Aɖam mɛ banɔ petee bɛ tsi, kanake nɛ Kristo mɛ banɔ petee ba ba bhɛtɛ alɛ ba mɔ ɛkpã

2 Kɔrintioanɛ 12:2

Inyi anɔ teli gɛ alɛ Kristo mɛ gɛ nɛ agɔ lɔfɔntalɛ̃ gɛ aba fla mɛ ede tsoku owũsise ɔtramɛ nɛ mɛ. Tɛ aza ishuidzya mɛ ɔdɔgɔsɛ ekoeyi ishuidzya mɛ o iti nyi--Kpaya yɛ enyi.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Galatianɛ 5:16

Kɛlɛso ɛɖɔ sɛ, za nɛkpã ganɔ Ɔfufɔɛ nɛabha, klɛ ɔtɛ bɔ kpɛ kanɔɛmɛ ebui kpã pɛpɛɛ same.

Galatianɛ 5:25

Gɛ Ɔfufɔɛ nɔ kɔ sɛ bulɛ nɛkpã, nɔ kɔ lɔ bu ɔtsrɛ plɛnɔ Ɔfufɔɛ.

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.