Romanɛ 7:7 - ONUGBÙ NYƐNYÃ VUVƆ

⁷ Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.”

Romanɛ 7:7 ပူးပေါင်းရင်းမြစ်များ

Mateo 5:28

Pɔ itsre wɔnɔ sɛ anɔnyanɔ gɛ ebe di adzɛ teli wɔ̃mɛ atɛ pɛɛ yɛ nɛ yɛ idzyi mɛ.

Luka 12:15

Kɛlɛ aɖɔ tsre alɛ sɛ, “Nɔ di mɔ! Nɔ zanawɔ̃ nɛ kɛdɔ gbɛgbla pɛpɛɛ shu, anɔdzyrame ɛkpã anɛ kɛdɔ gelee zɛza anɔahwɛ mɛ kɛlɛ.”

Luka 20:16

Aba ba klɛ abe yi bagɛ bedi buya nɛabha klɛ aba yɛkɔ buya nɛ akɔ ba bhlatɔ.” Gɛ banɔ ne nu kibui nɛ ba ɖɔsɛ, “Kɛnɛ kɛtɛ bɛ lɛ mɛ!”

Axwɛwɛwa 20:33

Ɛka yɛkɛ anɔnyanɔ sɛkafufu, sɛkadzɛdzã ɔdɔgɔsɛ kɛpɔtɛ.

Romanɛ 13:9

Ɛshã nɛ sɛ, “Tɛ dɛ ɔmam,” “Ti yi anɔ,” “Ti zuru,” “Tɛ nya nɛ ɔhayɛ shu,” klɛ ɛshã kanyaka gɛ ɔzɔ bɔ za, ba yɛkɔ ɛlɛ akpɛ torikpo aɖɔ asɛ: “Ɖɔ wɔhayɛ anasɛ wɔnahwɛ shu.”

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.

Romanɛ 3:5

Pɔ onu gɛ bulɔ manamana nɛ kɛ bu Kpaya tɛnɛna nɛ kasɛ wee, kide lɔ ba ɖɔ? Sɛ Kpaya adɛ na bhɛtɛ sɛ yɛ obulo nɛ ɔba bulɔa bha? (Anɔdzyrame kibui ɖuɖɔ nu shuixwɛ mɛ ewa.)

Romanɛ 4:1

Kɛlɛ kide lɔ ba ɖɔ sɛ Abraham, bulɔ akashishe, nɛ shu sɛ, emunɔ nɛ kibui nɛ mɛ?

Romanɛ 4:15

alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 6:15

Kɛlɛso kide ɔtsɔ̃? Bu bhɛtɛ buzizi sɛ bu ma ɔshãesi pɔ eshutukubui didi esi lɔ kpasɛ? Kɛma kidzonyɛdzoa bha na!

Romanɛ 7:11

Alasɛ buzizi, bu mɔ kidzo ganɔ ɔshã nɛa bha, bu wɛɛm, klɛ ganɔ ɔshã nɛ mɛ klɛ bu yim.

Romanɛ 7:13

Kɛdɔnɔ nɛ gɛ bɔ, klɛ zɛ ba dzi butsi kɔ mɛ? Kɛma na nɛ kidzo nyɛdzoa bha! Pɔ sɛ tɛ ba kpɛ buzizi kɛxawũ sɛ bu nu buzizi, bu bhɛtɛ butsi nɛ mɛmɛ ganɔ kɛdɔnɔ nɛ gɛ bɔ nɛ mɛ, sɛ tɛ ganɔ tɛtutrɔkɔ nɛa bha buzizi zɛ ba tsɔmɔ trɔ.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 7:8

Pɔ buzizi, bu nyɛna kidzo nɛ gɛ ɔshã nɛ ɔkɔ lɛ nɛm ovunɔ, bu bhɛtɛ kpɛ mɛmɛ kawɔ̃kpɛ tɛpɛpɛɛ kanyakɛdi. Alasɛ nɛ ɔshã nɛede, buzizi nu kɛdɔtsitsi.

1 Kɔrintioanɛ 15:56

Butsi ɔtato nɛ nu kizizi, klɛ bupu kɔ kizizi nu ɔshã.

Efesoanɛ 5:3

Pɔ nɛ wɔnɔmɛ nɔ tɛ kɔ lɛ nu aglɔbui bhɛbhɛtɛ kuratsyɛ nɛ wɔnɔ shu, ɔdɔgɔsɛ ɛkpãzizi dinyɛdi, ɔdɔgɔsɛ kɛdɔ gbɛgbla pɛpɛɛ, alasɛ anɛ le nu kɛdɔ kpã kɔ Kpaya yɛ shubhubhui banɔ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Tɛsolonianɛ 4:5

ganɛ azhuzhɔlɛbui pɛpɛ mɛ ansɛ bagɛ ba dɛ sɔlɛ, pɛ be ti nyi Kpaya,

Hebriuanɛ 7:19

(kɛlɛ ɔshã nɔdɔ bɔza kibuinyɛbui mɛ), klɛ ba bakasɛ kidyo dzyɔgo tili, gɛ kɛkɔ lotsobunɔ Kpaya.