Romanɛ 7:6 - ONUGBÙ NYƐNYÃ VUVƆ

⁶ Pɔ ɔtsɔ̃ nɛɛ, gɛ bu ti tsi ɔkpɛ kɛgɛ nya lɔ nɛ so, be ti bule lɔ nɛ ɔshã nɛ mɛ sɛ tɛ bu da wa kɛxwɛ nɛ Ɔfufɔɛ Dzyɔgo nɛ kidzo vuvɔa bha, klɛ ganɛ nɛ kidzo kuku nɛa bha gɛ ɔshã nɛ ɔŋlɔmɛ olu.

Romanɛ 7:6 ပူးပေါင်းရင်းမြစ်များ

Romanɛ 1:9

Kpaya, nɛ gɛ mɛ ɛdɛ kɛxwɛ kɔ nɛ mɛ idzyim petee anɛ Yɛeyi nɛ kibuidzyɔgo nɛ tɛɖuɖɔ mɛ, yɛ enu mɛ ebuimɔɖɔ anɛ kana gɛ ɛbaka wɔnɔɛ bui,

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Romanɛ 6:11

Nɛ kidzoe lɛ nɛ dia bha, nɔ kla wɔnɔ shu sɛ no tsi kɔ buzizi pɔ nɔ lɛ nɛ ɛkpã kɔ Kpaya nɛ Yesu Kristo mɛ.

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

Romanɛ 6:2

Kidzonyɛdzo ma na! Bu tɛ tsi kɔ buzizi, klɛ bu zɛ ba za bulɛ mɛ fla vɛnɔ?

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 6:4

Kɛlɛso ba vubɔ lɔ aplɛnɔ yɛ ganɔ bunikpɛkpɛm akpɛ butsi mɛ sɛ tɛ, ansɛ gɛ be feke Kristo ebu denɔ bekpu mɛ ganɔ Aka nɛ ishubhuibhui mɛ, bulɔ tsyɛ bu ba za nɛ ɛkpã vuvɔ.

Romanɛ 7:1

Badzya mɔ, no ti nyi— alasɛ ɛɖɔ kaɖɔ tsre banɔ nɛ gɛ be nyi ɔshã—sɛ ɔshã nɛɛ lɔ ŋa Anɔdzyrame abha nɛ yɛ kɛ lɛ nɛ gɛ anya lɛ nɛ ɛkpã ko?

Romanɛ 7:2

Ansɛ, nɛ ɔshã nɛ nu adzɛ gɛ bagbanɔ alɛ plɛnɔ yɛenyine nɛ kɛ lɛ nɛ gɛ anyɛ nɛ anya lɛ nɛ ɛkpã ko, pɔ onu gɛ yɛenyine nɛ etsi, eboli nɛ aglɔgbɛgbanɔ ɔshãm.

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

2 Kɔrintioanɛ 5:17

Kɛlɛso, onugɛ anɔ teli alɛ Kristo mɛ, enu kɛdɔ bhɛbhɛtɛ vuvɔ, kɛkuku ba fla, kɛ vuvɔ nɛ ba!

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

Efesoanɛ 4:24

klɛ tɛ nɔ kpɛ ɛkpã vuvɔ, gɛ ba bhɛtɛ tɛ kiyi Kpaya nɛ kɛgbɛagba anɛ ɛkpãdzyɔgo zɛza anɛ ishubhubhui.

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

Koloseanɛ 3:10

klɛ nɔ kpɛ bu vuvɔ pi, gɛ nɔ tsrakɛ nɛ kibuititi mɛ nɛ Adɔbhɛtɛ nɛ tɛ zɛza mɛ.