Romanɛ 7:4 - ONUGBÙ NYƐNYÃ VUVƆ

⁴ So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

Romanɛ 7:4 ပူးပေါင်းရင်းမြစ်များ

Mateo 26:26

Gɛ bedzi aŋa kɛdɔ nɛɛ, Yesu ayɛkɔ gbɛgbɛvu, ehu ahwɛ klɛ aya yɛmɛ, klɛ ayɛkɔ kɔ yɛ badɔkpasɛ, klɛ aɖɔ asɛ, “Nɔ yɛkɛ tɛ nɔ tã, mɛ shuidzya nɛɛ lɛ.”

Marko 4:20

Ba ga sɔnɔ eyi nɛ gɛ adɔ kesukpa dzyɔgo nɛa bha, balɛ benu Kpayɛbui klɛ bayɛkɛ kɛlɛ klɛ kɛ yu gelee nɛ, afata, afɛtehlo, ɔyɛkɔ nanɔ kɛfɔɛfɔ nɛ balɛ mɛ ansɛ kana gɛ bahwɛ alɛ.”

Yohanɛsɛ 15:8

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Yohanɛsɛ 3:29

Anyɛedzini enu adzɛnyine nɛ́ ayɛ. Ɔbhɛya nɛ gɛ alɛ adzɛnyine nɛ shu epo klɛ atatɔ nɛ yɛ klɛ eyuku nɛ same kɛbelɛlɛ gɛ enu adzɛnyinɛ nɛ kaɖɔɖuɖɔ. Same alɛlɛ enu mayɛ, klɛ ɔtsɔ̃nɛ kɛna.

Yohanɛsɛ 6:51

Mɛ nu ɛkpã gbɛ̃gbɛ̃vu gɛ ede owũsise aba. Onugɛ anɔ teli atã gbɛ̃gbɛvui nɛ, aba za nɛ ɛkpã ɔvɛnɔ mabekemabeke. Gbɛ̃gbɛ̃vui nɛ kɛlɛ nu mɛ ishuidzya, gɛ ɛba yɛkɔ lu kɔ ɛkpã kɔ kanɔ.”

Romanɛ 6:11

Nɛ kidzoe lɛ nɛ dia bha, nɔ kla wɔnɔ shu sɛ no tsi kɔ buzizi pɔ nɔ lɛ nɛ ɛkpã kɔ Kpaya nɛ Yesu Kristo mɛ.

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

Romanɛ 6:2

Kidzonyɛdzo ma na! Bu tɛ tsi kɔ buzizi, klɛ bu zɛ ba za bulɛ mɛ fla vɛnɔ?

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 7:3

So onu gɛ, aza da zanɔ anyɛ bhlatɔ nɛ kibelɛ gɛ yɛenyine nɛ aka lɛ nɛ ɛkpã, be be klua sɛ adzɛ gɛ adɛ ɔma mɛ. Pɔ onu gɛ yɛenyine eetsi, ɔshã ɔdɔɔ nya yɛ klɛ edi nu ɔmamɛ adɛdɛ, kii dzi sɛ aza da zanɔ anyɛ bhlatɔ tsyɛ.

Romanɛ 7:6

Pɔ ɔtsɔ̃ nɛɛ, gɛ bu ti tsi ɔkpɛ kɛgɛ nya lɔ nɛ so, be ti bule lɔ nɛ ɔshã nɛ mɛ sɛ tɛ bu da wa kɛxwɛ nɛ Ɔfufɔɛ Dzyɔgo nɛ kidzo vuvɔa bha, klɛ ganɛ nɛ kidzo kuku nɛa bha gɛ ɔshã nɛ ɔŋlɔmɛ olu.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

1 Kɔrintioanɛ 10:16

Ganɛ ahwɛhuhu kãntse gɛ bu yɛkɔ hu ahwɛ kibenɔ gɛ bu wɔɛ̃ Kristo dzyosu? Klɛ ganɛ gbɛ̃gbɛvu nɛ gɛ bu ya gɛ bu tã Kristo ishuidzya?

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Galatianɛ 5:18

Pɔ onugɛ Ɔfufɔɛ nɛ lɔ gbanɛ nɔ, nɔ ma ɔshã nɛesi.

Efesoanɛ 2:15

ayɛkɔ yɛ ishuidzya ebu ɛshã ɛlɛ tɛkpɛkpɛ anɛ ɛlɛabha bhɛbhɛtɛ. Yɛ tɛtɛtrɔ kɛlɛ dzi sɛ tɛ abhɛtɛ nɛ yɛnahwɛ mɛ anɔ vuvɔ terikpo denɔ balɛ tɛabha mɛ, sɛ abhɛtɛ ishuyuyɔ,

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Koloseanɛ 1:22

Pɔ ɔtsɔ̃nɛ abhɛtɛ terikpo nɛ nɔ nɛ́ Kristo ishuidzya nahwɛ ɔganɔ butsi tɛ akɔ nɔ shu bhui nɛ yɛ amɛ, kɛpɔ mabumabu klɛ tɛ batɛ mɔ kizizi nɛ wɔnɔ shu—

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Koloseanɛ 2:14

gɛ atɛ tsa odi akpɛ kɛdɔ ŋuŋlɔmɛ ɔshã, anɛ́ ɛlɛ abha tɛtɛtrɔ, gɛ kɛlɔɛ titi nɛ bulɔ shu klɛ kɛ dɛ za lɔ li, ayɛkɔɛ lɛ ashɛnɔ, ada kpla lɛ nɛ butsiosi shu.

Koloseanɛ 2:20

Kɛbelɛlɛ gɛ otsi nɛ Kristo kɔ kanɔɛmɛ dɔ bhɛbhɛtɛ, kideso, anasɛ kɛlɛlɛmɛ sɛ nɔ kɔ nu ka lɛ ayɛ, ɔyɛkɔ wɔ shu kpɛ ɔlɛ ɛshã nɛesi:

Hebriuanɛ 10:10

Klɛ nɛ kɛtɛtrɔɛ lɛlɛ nɛabha, bakɔ lɔ shu bhui ɔganɔ Yesu Kristo yɛ shu tysitsye trukpo ko abha.

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

Tɛbubukasɛ 19:7

Nɔ kɔ lɔ wɔ tɛ bu mɔ same klɛ tɛ bu kpɛ yɛ nɛa bha! Alasɛ Obhoshieyi nɛ gbanɔwi nɛ tɛ ba, klɛ yɛedzini nɛ atɛ bala yɛ shu elu.

Tɛbubukasɛ 21:9

Kpayaxwɛdɛ tɛegene nɛ ɔmɛayɛ teli gɛ evunɔ busugba tugene nɛ gɛ yuku nɛ batɔ tiegene nɛ aba klɛ aɖɔ etsrem asɛ, “Ba, ɛba kasɛ wɔ adzɛ nɛ gɛ bakpɛ bunuwã, gɛ enu Obhoshieyi nɛ yɛedzini.”