Romanɛ 7:24 - ONUGBÙ NYƐNYÃ VUVƆ

²⁴ Anyɛ gɛ ama kibuinyɛbuim ɖueɖuidi mɛ ɛba dzi ana! Anee gɛ ebe bu mɛ edenɔ ishuidzya butsi nɛ mɛ?

Romanɛ 7:24 ပူးပေါင်းရင်းမြစ်များ

Mateo 5:4

Ba yula bagɛ balɛ akpasɛ awɔ̃hũdzɛdza mɛ, alasɛ balɛ kite le be vu idzyi akpɛ.

Mateo 5:6

Ba yula bagɛ bubhɛ anɛ oniwɛ ɔɔta nɛ tɛzɛzam dzyɔgo shu so, alasɛ balɛ ebe xui.

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Romanɛ 6:6

Alasɛ bunyi sɛ ba tɛ kpla bulɔ ɛkpãkuku nɛ asɔ plɛnɔ yɛ sɛ tɛ buzizi ishuidzya nɛ beke, sɛ tɛ bu taa ba dzi anɔdzidzi kɔ buzizi,

Romanɛ 8:13

Alasɛ onu gɛ nɔɔ lɛ nɛ buzizi ɛkpã nɛ nu, no bo tsi, pɔ onu gɛ nɛ Ɔfufɔɛ nɛ nu kɛlɛ alɛ nɔ bɔ yɛkɔ ishuidzyam ebuikpã nɛ ɔkɔ butsi, nɔ bɔ za nɛ ɛkpã,

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

Romanɛ 8:26

Kidzoe lɛ nɛa bha ke, Ɔfufɔɛ nɛ ɔga pɛ lɔ plɛnɔ lɔ nɛ kibe lɛ gɛ budɛ gɛganɛ nɛm. Bu ti nyi kɛdɔnɔ nɛ gɛ kɛlɛ alasɛ bu kulukpaya kɔ, pɔ Ɔfufɔɛ nɛ nahwɛ ovuibue nɛ lɔ nu nɛ tininimi nɛ gɛ atɔnu tɛ ba naa bu kasɛ.

Koloseanɛ 2:11

Nɛ yɛ mɛ wɔnɔ tsyɛ be bhui bunyɛnyɛ kɔ nɔ, nɛ sɛ tɛ be bu buzizi bhɛbhɛtɛ nɛ atɛ̃, anɛ bunyɛnyɛ bhubhui nɛ banɔ ahwɛ pɔ nɛ bunyɛnyɛ̃ bhubhui gɛ Kristo abhɛtɛ,

2 Timotio 4:18

Apalete nɛ ebe bu mɛ nɛ kititilulɔ tsutsɔmɔ kanyakaɛ di mɛ klɛ aba gbanɔ mɛ amɛna fuflɔ̃fuflɔ̃ aba kpɛ yɛ owũsise bukusɔŋakɔ nɛ mɛ. Ishubhubhui lɛ kɔ yɛ denɔ ɔtsɔ nɛ ɔyɛkɔ vɛnɔ. Tɛlɛbɛlɛm.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

Hebriuanɛ 2:15

klɛ aba shɛnahwɛ bagɛ nu bedzidzi anɛ balɛ ɛkpã petee shu denɔ balɛ kifusisi kɔ butsi.

Tɛbubukasɛ 21:4

Ebe tsru ɔwɔ̃mɛ nyɔ wɔ̃mɛ nɛ balɛ anhũm. Butsi tɛaza ɔdɔgɔsɛ ishutsitsi pɛ iyuyobibi ɔdɔgɔsɛ tɛpupɔɛ, alasɛ ebui kuku nɛ tɛzɛza nɛm atɛ ba fla.”