Romanɛ 7:23 - ONUGBÙ NYƐNYÃ VUVƆ

²³ pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Romanɛ 7:23 ပူးပေါင်းရင်းမြစ်များ

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

Romanɛ 7:14

Bu nyi sɛ ɔshã nɛ onu ɔfufɔɛ; pɔ mɛ ɛma ɔfufɔɛ mɛ, ba dɛ mɛ ansɛ anɔdzidzi kɔ buzizi.

Romanɛ 7:21

So ɛmɔ ɔshã nɛ lɔ wa kɛxwɛ: Kibe nɔɔ gɛ ɛsɛ bhɛtɛ kɛdzyɔgo, butsutsɔmɔ li ɔkɛlɛ plɛnɔ mɛ.

Romanɛ 7:25

Ahwɛhuhu kɔ Kpaya ganɔ Yesu Kristo bulɔ Apalete nɛa bha! Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

Hebriuanɛ 12:4

Nɛ wɔnɔ keyu tɛta sɛ tɛ nɔ tɛ tsoku kizizi mɛ, nɔ kɔ wlãnkɛ shu ɔtɔnɔ kibe gɛ ba beyi nɔ.

Yakobo 3:2

Bulɔ petee bu kpatanɔ kɛdɔ nɛ edzo geleea bha. Onu gɛ anɔnyanɔ aka bhɛtɛ kito nɛ yɛ kibui nɛ gɛ aɖɔ nɛ mɛɛ, enu anɔ gɛ ana, aba na yɛ ishu nɛ peteea bha di.

Yakobo 4:1

Kide gɛ mɛna ekpli anɛ ebla pɛpɛɛ nɛ wɔnɔɛ shi? Ganɛ wɔnɔ kɛdɔpɛpɛɛ nɛ gɛ ta keyu nɛ wɔnɔ mɛ nɛ kii de?

1 Petro 2:11

Ɛbhɛya mumɔa, ɛpɛɛ denɔ wũnɔ kɔ anasɛ befu nɛ ɛma bhlatɔɛ mɛ elete nɛ kanɔ nɛ mɛ, tɛ nɔ zukɔlɔ ebuikpã bhɛbhɛtɛ, gɛ la ta keyu nɛ wɔnɔ atɔwui.