Romanɛ 7:18 - ONUGBÙ NYƐNYÃ VUVƆ

¹⁸ Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ.

Romanɛ 7:18 ပူးပေါင်းရင်းမြစ်များ

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Luka 11:13

Kɛlɛalɛ Onugɛ wɔ nɛlɛmɛ, onu anɔ kpã, tii kɛkɔ nɛ gɛ ɔbɔ kɔ wɔeyia lɛ kɛdɔ dzyɔgo, kɛlɛ wɔ Aka nɛ owũsise aba kɔ Ɔfufɔɛ Dzyɔgo bagɛ be bisi yɛ!”

Yohanɛsɛ 3:6

Ishuidzya mɔ ishuidzya, pɔ Ɔfufɔɛ mɔ ɔfufɔɛ.

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

Romanɛ 7:15

Ɛtɛ nu kɛgɛ ɛbhɛtɛ nɛesi. Alasɛ kɛgɛ ɛpɛɛ sɛ tɛ ɛbhɛtɛ ɛtɛɛ bhɛtɛ, pɔ kɛgɛ edɛ pɛɛ kɛlɛ mɛ ɛbhɛtɛ.

Romanɛ 7:19

Alasɛ kɛgɛ ɛbhɛtɛ ganɛ kɛlɛ nu kɛdzyɔgo nɛ gɛ ɛpɛɛ sɛ tɛ ɛbhɛtɛ, ao, kɛtsutsɔmɔ nɛ gɛ ɛtɛɛ pɛɛ sɛ tɛ ɛbhɛtɛ, kɛlɛ tɛbhɛbhɛtɛa bha ko itsri ɛbhɛtɛ.

Romanɛ 7:25

Ahwɛhuhu kɔ Kpaya ganɔ Yesu Kristo bulɔ Apalete nɛa bha! Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.

Filipianɛ 3:12

Gnɛ sɛ ɛtɛ mɔ kɛdɔɛnɛ petee, ɔdɔgɔsɛ ba tɛ bhɛtɛ mɛ mɔmɔ, pɔ itsri liabha fɔɔ̃ sɛ tɛ ɛnyɛna lɛ vunɔ kɔ kana gɛ Kristo Yesu anyɛna mɛ evunɔ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

1 Petro 4:2

Nɛ kɛlɛso, ata za nɛ ɛkpã gugɔɛ nɛ kesukpaɛ abha ɛkpã kɔ anɔdzyrame buzizi tɛpɛpɛɛ, pɔ nɛ kɛlɛ ɔzakɔ yɛkɔ kɔ Kpaya tɛpɛpɛɛ.