Romanɛ 6:3 - ONUGBÙ NYƐNYÃ VUVƆ

³ Ɔdɔgɔsɛ no tinyi ɔsɛ bulɔa gɛ ba kpɛ buni akɔ petee nɛ Yesu Kristo mɛ ba kpɛ buni akɔ lɔ nɛ yɛ butsi mɛ?

Romanɛ 6:3 ပူးပေါင်းရင်းမြစ်များ

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Axwɛwɛwa 19:5

Gɛ be nu kana nɛ, ba kɔ la kpɛ buni nɛ akɔa lɛ nɛ Apalete Yesu kinyim.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Axwɛwɛwa 8:16

alasɛ Ɔfufɔɛ Dzyɔgo nɔ kɔ ba balɛ ɔmayɛ kanyakɛa bha, buni tite ko la tɛ kpɛ kɔ balɛ nɛ Yesu Apalete nɛ kinyim.

Romanɛ 6:16

No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

Romanɛ 6:8

Ɔtsɔ̃ onu gɛ buu tsi nɛ Kristo, bu yɛkɛŋa sɛ bu ba za nɛ ɛkpã tsyɛ nɛ yɛ.

Romanɛ 7:1

Badzya mɔ, no ti nyi— alasɛ ɛɖɔ kaɖɔ tsre banɔ nɛ gɛ be nyi ɔshã—sɛ ɔshã nɛɛ lɔ ŋa Anɔdzyrame abha nɛ yɛ kɛ lɛ nɛ gɛ anya lɛ nɛ ɛkpã ko?

1 Kɔrintioanɛ 10:2

Ba kpɛ buni kɔ balɛ petee nɛ Mose mɛ nɛ ɔmunɔ nɛesi klɛ nɛ̀ aƒu nɛ mɛ.

1 Kɔrintioanɛ 12:13

Alasɛ bulɔ petee ba kpɛ bini kɔ lɔ ganɔ Ɔfufɔɛ torikpo abha ɔkpɛ ishuidzya terikpo—kɛba kɛlɛmɛ sɛ onu Yuɖiaeyi, ɔdɔgɔsɛ Grikieyi, anɔdzidzi ɔdɔgɔsɛ ɔlɛ ishuahwɛ--klɛ ba kɔ bulɔ petee Ɔfufɔɛ torikpo ɔlɛ nɛ bu wɔɛ.

1 Kɔrintioanɛ 15:29

Ɔtsɔnɛ onugɛ tɛnyɛnyɛmɛ denɔ bekpuimɛ ma, kide ba lɛlɛ nɛ ba babhɛtɛ be tsitsi gɛ bakpɛ buni kɔ? Onugɛ ba dɛ nyɛmɛ be tsitsi nɛ kura, kideso gɛ ba kpɛ buni kɔ alɛ?

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 5:6

Wunɔ ishufifeke nɛ mɛtã. Nɔ tɛ nyi sɛ bunayekedɔ bhliyi ba kpɛ nɛ ko bakpɛ nɛ mawɛ gelee mɛ?

1 Kɔrintioanɛ 6:19

Nɔ ti nyi sɛ wunɔ shuidzya nɛ nu busɔlɛvu kɔ Ɔfufɔɛ Dzyɔgo, gɛ lɔ lɛ wunɔ mɛ, gɛ nɔ yɛkɛ de Kpaya kɔ? Nɔ ma wunɔ ishuahwɛ,

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

1 Kɔrintioanɛ 9:13

Nɔ ti nyi sɛ bagɛ ba wɛxwɛ nɛ kpayavu bala ayɛkɛ alɛ dɔ ŋɛŋa denɔ kpayavu mɛ, klɛ bagɛ bawɛxwɛ nɛ basɔlɛvumokpo nɛabha balɛ ayɛkɛ kɛdɔ nɛ gɛ ba kɔ nɛ basɔlɛvumokpo nɛabha?

1 Kɔrintioanɛ 9:24

Nɔ ti nyi sɛ nɛ ɛtsrɛmɛ obukɔ banɔ nɛ petee gɛ be be si nɛ ba kpɛsi, pɔ anɔ terikpo ko yɛ aŋa kabha? No bu tɛtsrɛmɛ nɛ kidzo tili lɛabha sɛ tɛ nɔ yɛkɛ kabha ŋɛŋa.

2 Kɔrintioanɛ 13:5

Nɔ vɛ wunɔnahwɛ shui mɛ odi sɛ kɛlɛlɛ mɛ sɛ nɔ lɛ tɛyɛyɛkɛŋa mɛ, wunɔnahwɛ nɔ di lɛ mɛ. Nɔ dɛ mɔ lɛ sɛ Kristo Yesu alɛ wunɔɛ mɛ—kɛlɛmaza, kɛlɛlɛmɛ, nɔ dɛna tɛbibisi nɛesi bu?

Galatianɛ 3:27

alasɛ wɔnɔ petee gɛ ba kpɛ buni kɔ nɛ Kristo mɛ wɔnɔ nahwɛ nɔ nyumu Kristo.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,