Romanɛ 6:12 - ONUGBÙ NYƐNYÃ VUVƆ

¹² Kɛlɛso, nɔ tɛ kɔ sɛ buzizi ŋa wɔnɔa bha nɛ ishuidzyam sɛ tɛ nɔ bɔ ta batɔ nɛ ɛlɛ tɛpɛpɛɛ tsutsɔmɔ.

Romanɛ 6:12 ပူးပေါင်းရင်းမြစ်များ

Galatianɛ 5:16

Kɛlɛso ɛɖɔ sɛ, za nɛkpã ganɔ Ɔfufɔɛ nɛabha, klɛ ɔtɛ bɔ kpɛ kanɔɛmɛ ebui kpã pɛpɛɛ same.

Romanɛ 6:16

No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

Romanɛ 8:13

Alasɛ onu gɛ nɔɔ lɛ nɛ buzizi ɛkpã nɛ nu, no bo tsi, pɔ onu gɛ nɛ Ɔfufɔɛ nɛ nu kɛlɛ alɛ nɔ bɔ yɛkɔ ishuidzyam ebuikpã nɛ ɔkɔ butsi, nɔ bɔ za nɛ ɛkpã,

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

2 Kɔrintioanɛ 4:11

Alasɛ bulɔ gɛ bu lɛ nɛ ɛkpã kibenyɛbe bayɛkɔ lɔ akɔ butsi nɛ́ Yesu tɔkpu, sɛ tɛ yɛ kpã ba bukasɛ nɛ bulɔ ishuidzya tsitsi nɛ mɛ.

2 Timotio 2:22

Siɔlɔ buyansɔ̃ mɛ zɛza kɛdɔ tɛpɛpɛ, tɛ ɔkpatɔnɔ tɛzɛzam dzyɔgo, tɛyɛyɛkɛŋa, tɛɖuɖɔ anɛ ishuyuyɔ, ɔyɛkɔ plɛnɔ bagɛ be tsobunɔ Apalete denɔ idzyi dzyɔgo mɛ.

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Romanɛ 2:8

Pɔ kɔ banɔ nɛ gɛ ba pɛɛ ishuiyɛ ko, klɛ ba shɛnahwɛ kɛgba nɛ shu, pɛ ba lɛ butsutsɔmɔe de, batɔtɛtɛta anɛ oblo obɔ za kɔa lɛ.

1 Petro 2:11

Ɛbhɛya mumɔa, ɛpɛɛ denɔ wũnɔ kɔ anasɛ befu nɛ ɛma bhlatɔɛ mɛ elete nɛ kanɔ nɛ mɛ, tɛ nɔ zukɔlɔ ebuikpã bhɛbhɛtɛ, gɛ la ta keyu nɛ wɔnɔ atɔwui.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Yuɖa 1:18

Be tsre nɔ asɛ, “Nɛ ebe gɔgɔɛ nɛ mɛ bagɛ ba kpɛ anɔ tsɔ ba ba za balɛ nahwɛ kpayamɛ mazamaza kɛdɔ tɛpɛpɛɛe de.”

1 Petro 1:14

Anasɛ banuvɔ gɛ ba tatɔ, nɔ tɛ kɔ ebuizizi pɛpɛɛ laza wũnɔ ahwɛ kibelɛlɛ nɛ gɛ nɔ za matimati mɛ.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

1 Tɛsolonianɛ 4:5

ganɛ azhuzhɔlɛbui pɛpɛ mɛ ansɛ bagɛ ba dɛ sɔlɛ, pɛ be ti nyi Kpaya,

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Yuɖa 1:16

Banɔa be nu banɔ gɛ bee tsi ishu klɛ bee bu buzizi akɔa nɔ; ba lɛ balɛnahwɛ butsutsɔmɔ pɛpɛ nɛede; bee feke ishu klɛ baa kpɛ banɔ bhlatɔ nɛ bugã, kɔ balɛ nahwɛ kɛdzyɔgo mumɔ.

2 Kɔrintioanɛ 5:4

Kɛlɛso kibelɛlɛ gɛ bulɛ kagba nɛ mɛ, bu ɖɔ huũ klɛ buhwa nɛ idzyi mɛ, alasɛ bu dɛ pɛɛ sɛ tɛ kɛpɔtɛ bule nɛ bulɔ shu pɔ tɛ ba bu da kɛpɔtɛ nɛ́ bulɔ ɔzakɔ nɛ owũsise, sɛ tɛ ɛkpã ba munɔ kɛdɔ gɛ kinu ishuidzya tsitsi.