Romanɛ 5:8 - ONUGBÙ NYƐNYÃ VUVƆ

⁸ Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 5:8 ပူးပေါင်းရင်းမြစ်များ

Yohanɛsɛ 15:13

Tɛdɛdɛmɛnɔ gbɛgbladɛ nɛ anɔ vama dɛ kɛnɛ, sɛ ayɛkɔ yɛ kpã etsye yɛ ɛbhɛya.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Romanɛ 3:5

Pɔ onu gɛ bulɔ manamana nɛ kɛ bu Kpaya tɛnɛna nɛ kasɛ wee, kide lɔ ba ɖɔ? Sɛ Kpaya adɛ na bhɛtɛ sɛ yɛ obulo nɛ ɔba bulɔa bha? (Anɔdzyrame kibui ɖuɖɔ nu shuixwɛ mɛ ewa.)

Romanɛ 4:25

Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 5:6

Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu.

Romanɛ 5:7

Kɛ dɛ dozi sɛ tɛ anɔ teli etsi nɛ anɔnɛna tɔkpu, kɛ ba nyaa za sɛ anɔ teli ebe di asɛ tɛ etsi nɛ anɔdzyɔgoe tɔkpu.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

Galatianɛ 2:20

Bulɔ anɛ́ Kristo la kplasɔ klɛ ɛva ma nɛ kpã, pɔ Kristo alɛ nɛ ɛkpã nɛ mɛ mɛ. Ɛkpã nɛ gɛ ɛlɛ nɛ ishuidzya mɛ, ɛlɛ nɛ ɛkpã nɛ Kpaya yɛ Eyi tɛyɛyɛkɛŋa abha gɛ adɛmɛ mɛ klɛ ayɛkɔ yɛnahwɛ akɔ nɛ mɛ tɔkpu.

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

1 Timotio 1:16

Pɔ kibui lɛ nɛ shu so pɛ be di mɛ eshutukubui sɛ tɛ nɛ mɛ mɛɛ, ansɛ eziziadɛ nɛ be zizi nɛ shi, tɛ Kristo Yesu ebe bu yɛ tɛdudɔfɔɔ̃ nɛ gɛ obekekɔ ma kɔɛ lɛ nɛ akasɛ ansɛ kibui gɛ bagɛ ba ba yɛkɛ yɛa bha aŋa nɛ be di abhɛtɛ pɛ la ba mɔ ɛkpã mabeke mabeke.

Hebriuanɛ 8:3

Kpayazakɔanɔ ɖɛɖama kanyaka be klu yɛ sɛ tɛ akɔ kɛdɔ tɛbha ɛyɛmɛyuyɔ anɛ kɛdɔ pupɔɛ, klɛ so kɛ ba dzia awɔ̃hu dzɛdza bui kɔ kɛnɛ tsyɛ tɛyɛkɛ kɛdɔtili tɛ apɔɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Yohanɛsɛ 3:16

Kɛnɛ kɛlɛ kɔ sɛ bu nyi kɛdɔnɔ gɛ tɛdɛdɛmɛnɔ nu: Yesu Kristo ayɛkɔ yɛ ɛkpã nɛ etsye nɛ bulɔɛ tɔkpu. Klɛ alasɛ bulɔ tsyɛ bu yɛkɔ bulɔ ɛkpã nɛ tsye nɛ bulɔ adzyalɛ tɔkpu.