Romanɛ 5:10 - ONUGBÙ NYƐNYÃ VUVƆ

¹⁰ Alasɛ onu gɛ, kibe lɛ gɛ bu nu banɔ gɛ bu dɛ pɛɛ Kpaya, ba kpɛ bulɔ ɛhwɛetsu ganɔ Yɛeyi nɛ titsitsi mɛ, kɛlɛ kɛ taa za sɛ, gɛ ba tɛ kpɛ lɔ ɛhwɛetsu, be tee bu lɔ ganɔ yɛ ɛkpã nɛ mɛ!

Romanɛ 5:10 ပူးပေါင်းရင်းမြစ်များ

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Yohanɛsɛ 5:26

Alasɛ anasɛ gɛ ɛkpã lɛ Aka yɛnahwɛ mɛ, kanake akɔ Eyianyɛ ɛkpã sɛ lɛza yɛnahwɛ mɛ.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Yohanɛsɛ 6:57

Anasɛ gɛ ɛkpã Aka akpɛ mɛ klɛ ɛlɛ alasɛ Aka nɛ so, anɔ nɛ gɛ aŋã dɔ nɛ mɛabha aba za nɛ ɛkpã alasɛ mɛ so.

Romanɛ 11:28

Nɛ kibuidzyɔgo nɛa pɛ mɛ, be nu banɔ gɛ ba dɛ pɛɛ anɔ nɛ wɔnɔa pɛm; pɔ nɛ Kpaya anɔ kuklua pɛ mɛ, ba ɖɔa lɛ nɛ balɛ akalɛ nɛa pɛm,

Romanɛ 5:11

Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.

Romanɛ 5:6

Ɔmɔ nɛɛ, nɛ kibe dzyɔgo nɛ mɛ, gɛ bu ka za kemi maza anɔ ahwɛ mɛ, Kristo etsi nɛ bagɛ adɛ za kpayatiti mɛ nɛ tɔkpu.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Romanɛ 8:34

Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

Romanɛ 8:7

Anɔ gɛ abhɛtɛ buzizi nɛ tɔkpu mɛ nu kititilulɔ nɛ Kpaya shu. Kɛ tɛɛ kpɛ kɛtɔkpuesi kɔ Kpaya ɔshã, ɔdɔgɔsɛ kɛ ba naa bhɛtɛ ana.

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Efesoanɛ 2:16

klɛ nɛ ishuidzya tirikpoe nɛ mɛ abhɛtɛ balɛ tɛabha terikpo kɔ Kpaya ɔganɔ butsi nɛ butsiosi shu, nɛ kɛlɛmɛ eyi balɛ ebla pɛpɛɛ.

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

1 Yohanɛsɛ 2:1

Me yialɛ mumɔa, ɛŋlɔmɛ kɛnɛ sɛsɛ nɔ sɛ tɛ nɔ tɛ bhɛtɛ kibuikpã. Pɔ onugɛ anɔ teli abhɛtɛ kibuikpã, anɔ terikpo alɛ bulɔ ahwɛ gɛ aɖɔaɖɔ kɔ Aka gɛ awlãkɛ bulɔɛ tɔkpu—Yesu Kristo, Adzyɔgo Terikpo.

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.