Romanɛ 5:1 - ONUGBÙ NYƐNYÃ VUVƆ

¹ Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 5:1 ပူးပေါင်းရင်းမြစ်များ

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Luka 19:42

klɛ aɖɔ sɛ, “Ɔtɔ sɛ nonyi tsyɛ sɛ, kɛ gɛ ba mɛna nɔ ishuyuyɔ ba mɛna nɔ obowui nɛa bha. Pɔ ɔtsɔnɛ kikpu kɔ nɔ awɔ̃hu.

Luka 2:14

“Ishubhubhui kɔ Kpaya nɛ kabha, klɛ nɛ kesukpa ishuyɛyɔ kɔ banɔ nɛ gɛ yɛ tɛpɛplɛnɔ lɛ kɔ.”

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Yohanɛsɛ 20:31

Pɔ ba ŋlɔmɛ anɛ sɛ tɛ nɔ zɔ yɛkɛŋa sɛ Yesu yɛenu Kristo, Kpaya yɛ Yi, klɛ nɛ yɛabha yɛyɛkɛŋa nɔbɔ mɔ ɛkpã nɛ yɛ nyi mɛ.

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Axwɛwɛwa 10:36

Sɛ no nyi igbe nɛ gɛ Kpaya asɛsɛ Izraɛlanɛ, gɛ ba ɖɔ ishuyuyɔ kibui dzyɔgo nɛ aganɔ Yesu Kristoa bha, gɛ enu Apalete nɛ akɔ anɔnyanɔ.

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Romanɛ 10:10

Alasɛ wɔ idzyi nɛ ɔyɛkɛ ɔŋa nɔ klɛ la yɛkɔ danɛ wɔ shu nɔ, klɛ wɔ onugbu nɛ ɔyɛkɔ danɛ wɔ shu nɔ pɛ be bu wɔ.

Romanɛ 10:15

Klɛ kɛlɛ la ba ɖɔ yɛ shui bui onu gɛ baa ka kpɛ alɛ? Ansɛ gɛ ba ŋlɔmɛ kɛlɛ elu sɛ, “Kɛlɛ bagɛ ba mɛna kibui dzyɔgo nɛ butsrukpɔ ba pudi!”

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 15:33

Ishuyuyɔ Kpaya aza plɛnɔ wɔnɔ petee. Tɛkɛbɛlɛm.

Romanɛ 3:22

Tɛnɛna nɛɛ di denɔ Kpaya ɔkɔ kɛɛ ba ganɔ tɛyɛyɛkɛŋa nɛ Yesu Kristom kɔ bagɛ ba yɛkɛaŋa nɛ petee. Ɔtɔgɛga ɔma,

Romanɛ 3:30

nɛ kiwili gɛ Kpaya terikpo ko yɛalɛ, gɛ yɛ aba danɛ bagɛ be bhui bunyɛnyɛ nɛ shu ganɔ tɛyɛyɛkɛŋɛa bha anɛ bagɛ edi bhui bunyɛnyɛ ganɔ tɛyɛyɛkɛŋa tirikpoe lɛlɛ nɛa bha.

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

Romanɛ 5:11

Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.

Romanɛ 5:18

Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 3:25

Ɔtsɔ̃nɛ gɛ tɛyɛyɛkɛŋa ba, bu va ma ɔshã gbɛgbanɔ nɛesi.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Efesoanɛ 2:7

sɛ tɛ nɛ agɔ nɛ gɛ la ba nɛ mɛ tɛ ebe bu kɛsɔnɔ nɛ gɛ adɛsɔnɔ anɔnyanɔ akasɛ asɛ tɛmumɔ gɛ kɛ baa aba kasɛ kedziŋɛŋa gɛ kadɛ sɔnɔ yɛ dɔkukɔ, ebukasɛ nɛ yɛ ɛyɛmɛyɛyɔ kɔ lɔ nɛ Kristo Yesu mɛ.

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Koloseanɛ 1:20

klɛ ɔganɔ yɛabha tɛ abhɛtɛ terikpo nɛ kɛdɔnyɛdɔ kɔ yɛnahwɛ, kinu kesukpa abha dɔ pɛnɔ kɛdɔ nɛ́ owũsise, gɛ kɛ bhɛtɛ ishuyuyɔ ganɔ yɛ dzyosu abha, gɛ abalɛesi nɛ́ butsiosi nɛ shu.

Koloseanɛ 3:15

Nɔ kɔ Kristo ishuyuyɔ ŋa kabha nɛ wɔnɔ idzyi mɛ, nɛ kibelɛlɛ alasɛ gɛ nɔ nu ɔha nɛ ishuidzya tirikpo, be klu nɔ kɔ ishuyuyɔ. Klɛ nɔ dzi ahwɛhuhu elete.

1 Tɛsolonianɛ 5:23

Kɔ Kpaya nahwɛ, ishuyuyɔ Kpaya, adanɛ nɔ shu avɛnɔ etsodzini avɛnɔ. Kɔ wɔnɔ ɔfuɔɛ nɛ petee, kɛtɔwi anɛ ishuidzya nɛ za kɛpɔ maŋa maŋa mɛ nɛ bulɔ Apalete Yesu Kristo tɛbɛba mɛ.

2 Tɛsolonianɛ 3:16

Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.

Hebriuanɛ 13:20

Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,