Romanɛ 4:17 - ONUGBÙ NYƐNYÃ VUVƆ

¹⁷ Anasɛ gɛ ba ŋlɔmɛ elu sɛ: “Ɛbhɛtɛ wɔ aka kɔ amadi gelee.” Yɛ enu bulɔ aka nɛ Kpaya amɛ, gɛ yɛa bha ayɛkɛaŋa— Kpaya nɛ gɛ aakɔ betsitsi nɛ ɛkpã klɛ eeklu kɛdɔ nɛ gɛ ma nɛ asɛ kɛ lɛ.

Romanɛ 4:17 ပူးပေါင်းရင်းမြစ်များ

Mateo 3:9

Klɛ nɔ tɛ bhɛtɛ kɛtɔkpum sɛ nɔ bɔ na wɔnɔ shu ɖɔ tsre sɛ, ‘Abraham alɛ bulɔ ahwɛ ansɛ aka.’ Itsre wɔnɔ sɛ denɔ aklãgbua nɛ mɛ Kpaya aba na beyi bu kɔ Abraham.

Yohanɛsɛ 5:21

Kana gɛ Aka anyɛmɛ banɔ tsitsi klɛ àkɔ alɛ ɛkpã, kanake Eyianyɛ àkɔ ɛkpã bagɛ adɛmɛ sɛ tɛ akɔ.

Yohanɛsɛ 5:25

Itsre nɔ kɛgbɛagba sɛ, kibe ba klɛ kɛtɛ ba kuratsyɛ gɛ be tsitsi ba be nu Kpaya Eyianyɛ nɛ olimɛ klɛ bagɛ be nu ba baza nɛ kpã.

Yohanɛsɛ 6:63

Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Axwɛwɛwa 15:18

gɛ la lɛ tɛtitim kibe gelee.

Romanɛ 3:29

Kpaya Yuɖanɛ Kpaya tite ko enu? Gnɛ yɛ ko yɛ enu bagɛ ba dɛ yɛkɛaŋa nɛ tsyɛ ayɛ? Ee, enu kɔ balɛ tsyɛ,

Romanɛ 4:18

Nɛ kidzoenudidi maza mɛ tsyɛ, Abraham nɛ kidzoenu didi mɛ ayɛkɛaŋa, kɛlɛso ebe dzi aka kɔ amadi gelee, anasɛ gɛ baɖɔ etsre yɛ asɛ, “Kana wɔ ɛyam beyimumɔ nɛ be kpe.”

Romanɛ 4:2

Onu, nɛ kɛgba mɛ, ba danɛ Abraham shu nɛ yɛ axwɛwɛwa mɛ, kɛdɔ tili za yɛahwɛ gɛ ebe feke shu akɔ— pɔ ganɛ nɛ Kpaya amɛ.

Romanɛ 8:11

Klɛ onu gɛ agɛ ebu Yesu edenɔ bekpu mɛ nɛ Ɔfufɔɛ ɔlɛ lɛ wɔnɔ mɛ, klɛ agɛ ebu Kristo edenɔ bekpu mɛ tsyɛ aba kɔ wɔnɔ ishuidzya nɛ ɛkpã ganɔ yɛ Ɔfufɔɛ nɛ gɛ ɔlɛ nɔ mɛ.

Romanɛ 9:11

Pɔ, flogo tɛ la ba mɔ tɛabhaeyi ɔdɔgɔsɛ ba bhɛtɛ kibui dzyɔgo ɔdɔgɔsɛ kɛkpã tili, sɛ tɛ kɛdɔnɔ nɛ so pɛ Kpaya akasɛ wɔɛ nɛ ba za:

Romanɛ 9:26

klɛ, “Kɛba ba kɛlɛ mɛ nɛ ɔkɛlɛ gɛ ba ɖɔɛ lɛ etsrea lɛ, ‘Wɔnɔ no di nu mɛ banɔ,’ be be kulua lɛ asɛ ‘Kpaya gɛ alɛ nɛ ɛkpã yɛeyianyɛalɛ.’ ”

1 Kɔrintioanɛ 1:28

Ebuidɔ zhizhiesi nɛ́ kanɔ nɛ mɛ anɛ agɛ la ma kibuinyɛbui mɛ—anɛ́ agɛ la ma—tɛ le zi ebui nɛ gɛ alɛ,

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

1 Timotio 6:13

Nɛ Kpaya amɛ, gɛ akɔ kɛdɔnyɛdɔ ɛkpã, klɛ nɛ Kristo Yesu shu, yɛ nɛ kibe lɛ mɛ gɛ ebu ishu nu nɛ Pɔntio Pilatio amɛ pɛ abhɛtɛ ishum dɛdanɛ dzyɔgo, ɛyɛkɔ lu wɔnɔa mɛ sɛ

Hebriuanɛ 11:12

Kɛlɛso denɔ anyɛ terikpoa nɛabha, gɛ avɛ otsi kɔ beke, nɛ mɛ yɛ beshui ne bekpe anasɛ awɔ̃ɛwɔɛ̃ nɛ owũsise nɛ balɛ maklamakla anasɛ aƒu anyɛ̃sɛ̃.

Hebriuanɛ 11:3

Tɛyɛyɛkɛŋa nɛabha bu nulɛesi sɛ kanɔ na ba nɛ sɛ Kpaya yɛ buiɖɛɖɔ nu, kɛlɛso kɛdɔ nɛ gɛ bu mɔ kɛ dɛ de kɛgɛ kɛ wɔɛ nɛ bulɔa mɛ.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

1 Petro 2:10

Kibe tili bafla nɔ di dzi anɔ, pɔ ɔtsɔnɛ nɔ nu Kpaya banɔ, kibe bafla nɔ dɛ yɛkɛ eshutukubuididi, pɔ ɔtsɔnɛ nɔ yɛkɛ eshutukubuididi.

2 Petro 3:8

Pɔ nɔ tɛdzɛkɛ kibui tirikpoe nɛ, ɛbhɛyalɛ mumɔa: Nɛ Apalete nɛ amɛ kiwui tirikpo kidzi anasɛ agɔ kɛkpãtrikpo, klɛ agɔ kɛkpãtrikpo kidzi anasɛ kiwui tirikpo.