Romanɛ 3:5 - ONUGBÙ NYƐNYÃ VUVƆ

⁵ Pɔ onu gɛ bulɔ manamana nɛ kɛ bu Kpaya tɛnɛna nɛ kasɛ wee, kide lɔ ba ɖɔ? Sɛ Kpaya adɛ na bhɛtɛ sɛ yɛ obulo nɛ ɔba bulɔa bha? (Anɔdzyrame kibui ɖuɖɔ nu shuixwɛ mɛ ewa.)

Romanɛ 3:5 ပူးပေါင်းရင်းမြစ်များ

Romanɛ 12:19

Nɔ tɛ bhɛtɛ kibui ɔkpɛ kibui nu, mɛ ɔbhɛalɛ mɔ, pɔ nɔ bala kɔ Kpaya obulo, alasɛ kɛ ŋlɔmɛ li sɛ: “Mɛyɛ kɛlɛ nu buwule bibisi; Apalete na sɛ ɛba buya kɛbhɛ kɔ anɔnyanɔ,”

Romanɛ 2:5

Pɔ akpɛ wɔ batɔ matamata nɛ wɔ kitem matsyina matsyina idzyi nɛ so, oxogo batɔtɛtɛta kɔ ishu kɔ Kpaya batɔtɛtɛta wi, nɛ gɛ be be bu yɛ kebhui kuklu dzyɔgo nɛ akasɛ.

Romanɛ 3:19

Ɔtsɔ̃ bu nyi sɛ kibuinyɛbui gɛ ɔshã nɛ ɔɔɖɔ, lɔɔ ɖɔ tsre bagɛ ba kpasɛ ɔlɛesi, sɛ tɛ onugbu kanyaka ba da ɔlɛ klɛ kanɔ nɛ petee ke be bu ishunu nɛ Kpaya amɛ.

Romanɛ 3:7

Anɔteli yɛ aba ɖɔ asɛ, “Onu gɛ mɛ otrohuhu ɔbɔ kpɛ Kpaya kɛgbam zɛza nɛ otugba, pɛ kɛ ba kpɛ yɛ ishubhubhui nɛ otugba, kide so pɛ be ze be bu nɔɛ pɔ ansɛ anɔ gɛ abhɛtɛ buzizi?”

Romanɛ 4:1

Kɛlɛ kide lɔ ba ɖɔ sɛ Abraham, bulɔ akashishe, nɛ shu sɛ, emunɔ nɛ kibui nɛ mɛ?

Romanɛ 5:8

Pɔ Kpaya ebu yɛnahwɛ tɛɖuɖɔ nɛ gɛ aɖɔ lɔ nɛ akasɛ nɛ kidzoe nɛa bha sɛ: Nɛ kibe lɛ gɛ bu ka nu buziziabhɛtɛ, Kristo etsi nɛ bulɔɛ tɔkpu!

Romanɛ 6:1

Kide lɔ ba ɖɔ ɔtsɔ̃? Buzizi nɛa bha ko lɔ ba za sɛ tɛ eshutukubuididi nɛ eze wuabha?

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

Romanɛ 7:7

Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.”

Romanɛ 8:31

Kɛlɛ, kide, lɔ ba ɖɔ yɛkɔ bu kibui nɛ nu? Onu gɛ Kpaya enu bulɔa yɛ, anee gɛ aba na kititi lɔ nɛ bulɔ shu?

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

1 Kɔrintioanɛ 15:32

Onugɛ ɛgɔnɛ nɛ agavuga nɛ Efeso nɛ anɔdzyrame kibui nu so, kide mɛ mɔ nɛ kɛlɛ mɛ? Onugɛ ba dɛ nyɛmɛ be tsitsi, “Nɔ kɔlɔ ŋa tɛ bu wɔɛ̃ dɔ, alasɛ kivu bu ba tsi.”

1 Kɔrintioanɛ 9:8

Bu ɖɔ mɛ ɖɔ kibui nɛ denɔ Anɔdzyrame dɔ mumɔ tite ko? Anɛ kibui lɛ nɛ ko Ɔshã nɛ ɔɖɔ?

2 Kɔrintioanɛ 6:4

Kɛlɛmaza, anasɛ Kpaya axwɛdɛ bu kpɛ bulɔnahwɛ nɛ otugba nɛ kidzonyɛdzo abha, nɛ butɔɛxwɛwuwa gbɛgbla, nɛ kibuipɛpɛɛ, bugɛganɛ mɛ kpãzɛza anɛ kibuitɛtrɔ anɔabha,

2 Kɔrintioanɛ 7:11

Nɔ di kana gɛ kpayamɛ obulo mɛna nɛ wunɔɛ mɛ, Kide awɔ̃lulu, kide dɔ bhɛbhɛtɛ kɛlɛ ba xule wunɔnahwɛ shu, kide oblo mumɔ, kide kifu sisi, kide mɛ mɔ, kide kɛlɛ mɛnɛ wɔ, kide tɛ bɛbala sɛ tɛ ba kɔ kibuimɛ tɛbhubhui. Nɛ kidzonyɛdzo abha nɔ kasɛ wunɔshu sɛ nɔ tinyi kibuinyɛbui nɛ kibui nɛ shu.

Galatianɛ 2:18

Onugɛ ɛtsodzibhɔ kɛgɛ ɛyɛɛ, kɛkasɛ sɛ inu anɔ gɛ ata ɔshãesi.

Galatianɛ 3:15

Badzya mɔ, nɔ kɔmɛ yɛkɔ kibui bhɛbhɛtɛ kasɛ denɔ kiwuinyɛwui ɛkpã zɛza mɛ. Anasɛ gɛ anɔnyanɔ atɛ ba yɛkɔ elu yɛ wã pɛnɔ aplɛnɔ Anɔdzyrame onugbunyɛnya gɛ batrɔ lu nɛ shu, so kana lɛ lɛ nɛ kɛnɛ nɛ shu.

Tɛbubukasɛ 15:3

klɛ ba zha Mose kpayaxwɛwa nɛ ɔdzɛ anɛ Obhoshieyi nɛ ɔdzɛ na sɛ: “Wɔ ebui nɛ agbɛgbla klɛ la bhɛtɛ bi, Apalete Kpaya gɛ Agbɛgbladɛ. Wɔ edzo nɛ ana klɛ le nu kɛgba, Kibe nɛ Ekusi.

Tɛbubukasɛ 18:20

Mɔ same nɛ yɛ tɔkpu, O owũsise! Nɔ mɔ same, wɔnɔ banɔnɛna anɛ banɔkpɛkpɛ anɛ batɔnu! Kpaya eti kulu kebhui nɛ adzɛ kana gɛ ayɛkɔ aganɛ wɔnɔ.’ ”