Romanɛ 3:4 - ONUGBÙ NYƐNYÃ VUVƆ

⁴ Kɛma na! Kɔ Kpaya edzi kɛgba, klɛ tɛ anɔnyanɔ edzi etroni. Anasɛ gɛ ba ŋlɔmɛ elu asɛ, “Sɛ tɛ ba trɔ ahwɛ nɛ wɔabha sɛ ɔna onu gɛ ɔɖɔaɖɔ klɛ tɛ wɔɛ bui nɛ ŋa onu gɛ okuluebhui.”

Romanɛ 3:4 ပူးပေါင်းရင်းမြစ်များ

Mateo 11:19

Anɔdzyrame yɛ Eyi nɛ aba nɛ kɛdɔŋɛŋa nɛ kɛdɔwɛ̃wɛ̃, klɛ baa ɖɔ asɛ, ‘Adɔŋagbla anɛ eluwɛ̃ naa, badɔdzyɔ anɛ buziziabhɛtɛ nɛ ɔbhɛa.’ Pɔ kibuinyinyi bu kasɛ nɛ yɛ axwɛwɛwa nɛ mɛ.”

Luka 20:16

Aba ba klɛ abe yi bagɛ bedi buya nɛabha klɛ aba yɛkɔ buya nɛ akɔ ba bhlatɔ.” Gɛ banɔ ne nu kibui nɛ ba ɖɔsɛ, “Kɛnɛ kɛtɛ bɛ lɛ mɛ!”

Yohanɛsɛ 3:33

Anɔ gɛ ayɛkɛ lɛ akasɛ asɛ Kpaya enu kɛgbɛagba.

Romanɛ 11:1

Ibisi alɛ sɛ: Kpaya ashɛ̃nahwɛ yɛanɔalɛ nɛ shu? Kɛma kidzo nyɛdzoa bha na! Mɛnahwɛ inu Izraɛleyi, gɛ ide Abraham oku nɛm, denɔ Bɛndzyamɛnɛ kɛmadi nɛm.

Romanɛ 11:11

Ɛkaa bisi sɛ: ba kpatanɔ kɛdɔ adɔ oboe gɛ ba tɛa naa lɔ? Kɛma ana! Akpɛa sɛ, balɛ buzizi nɛ so, tɛbubu ba kɔ Baga dɛ nu Izraɛlanɛ tɛ kɛbhɛtɛ Izraɛlanɛ sɛ ba kpɛalɛ awɔ̃.

Romanɛ 3:31

Kɛlɛ sɛ tɛ, ɔtsɔ̃, bu tsa odi kpɛ ɔshã nɛm ganɔ tɛyɛyɛkɛŋa nɛ so? Kɛma ana! Nɛ kɛlɛ ɔzakɔ, alɛasɛ tɛ bu nyɛna ɔshã nɛm vunɔ.

Romanɛ 6:15

Kɛlɛso kide ɔtsɔ̃? Bu bhɛtɛ buzizi sɛ bu ma ɔshãesi pɔ eshutukubui didi esi lɔ kpasɛ? Kɛma kidzonyɛdzoa bha na!

Romanɛ 6:2

Kidzonyɛdzo ma na! Bu tɛ tsi kɔ buzizi, klɛ bu zɛ ba za bulɛ mɛ fla vɛnɔ?

Romanɛ 7:13

Kɛdɔnɔ nɛ gɛ bɔ, klɛ zɛ ba dzi butsi kɔ mɛ? Kɛma na nɛ kidzo nyɛdzoa bha! Pɔ sɛ tɛ ba kpɛ buzizi kɛxawũ sɛ bu nu buzizi, bu bhɛtɛ butsi nɛ mɛmɛ ganɔ kɛdɔnɔ nɛ gɛ bɔ nɛ mɛ, sɛ tɛ ganɔ tɛtutrɔkɔ nɛa bha buzizi zɛ ba tsɔmɔ trɔ.

Romanɛ 7:7

Kide lɔ ba ɖɔ ɔtsɔ̃? Buzizi ɔshã nɛ onu? Nɛ kɛgbɛagba mɛ kɛma na! Kɛgbɛagba ɛgɛ ta ti kɛdɔnɔ nɛ gɛ buzizi nu gɛ odi nu sɛ ganɔ ɔshã nɛm. Alasɛ ɛgɛ ta ti kɛdɔnɔ nɛ gɛ kawɔ̃kpɛ ke nu otɔsɛ ɔshã nɛ ɔdɛ ɖɔ sɛ, “Tɛ kpɛ awɔ̃.”

Romanɛ 9:14

Kide lɔ ba ɖɔ ɔtsɔ̃? Kpaya edi anɔa mɛ? Kɛma na!

1 Kɔrintioanɛ 6:15

Nɔ ti nyi sɛ wunɔ ishuidzya Kristo yɛ lɛ nu? Kɛlɛso ɔtsɔ̃nɛ ɛyɛkɔ Kristo ishuidzya klɛ tɛ ɛyɛkɔɛlɛ bhɛtɛ terikpo kɔ aglɔbui? Kɛma!

2 Kɔrintioanɛ 1:18

Pɔ kɛgbɛagba anasɛ gɛ Kpaya tɛyɛyɛkɛŋa lɛ, bulɔ ɔklasɔ kɔ nɔ kɛ dɛ nu sɛ “Ee,” anɛ “Oo.”

Galatianɛ 2:17

“Onugɛ, kibelɛlɛ gɛ bu pɛɛ sɛ tɛ be bu lɔ tsya nɛ Kristo mɛ, kɛ ba dzi kibui gbɛagba sɛ bulɔ nahwɛ bu nu kizizi bhɛbhɛtɛ elete, kɛ nu sɛ Kristo atrɔ ahwɛ nɛ kibui kpã abha? Anɛana kɛ lɛ!

Galatianɛ 2:21

Ɛdɛ yɛkɔ Kpaya kɛdɔkukɔ ɛlu kɛwã, alasɛ onugɛ ba bamɔ tɛ nɛnadzyɔgo ganɔ ɔshã abha, Kristo tɛtsitsi kɛdɛ nu kɛdɔnyɛdɔ!”

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

1 Timotio 3:16

Nɛ ebui bibisi nɛ petee de, kpayamzɛza kibuikpukpu nɛ kitri: Awɛ̃ nɛ ishuidzya mɛ, Ɔfufɔɛ nɛ obu yɛ butsya, kpayaxwɛdɛ nɛ ba mɔɛ, ba ɖɔ yɛ bui nɛ amadi nɛ mɛ, ba yɛkɛ yɛa bha ŋa nɛ kanɔ nɛ mɛ, ba feke yɛ ashɛnɔ nɛ ishubhubhui mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

1 Yohanɛsɛ 5:10

Anɔnyanɔ gɛ ayɛkɛ Kpaya yɛ Yi nɛabhaŋa ayɛkɛ yɛ kaɖɔɖuɖɔ nɛ yɛ idzyi mɛ. Anɔnyanɔ gɛ adɛ yɛkɛ Kpaya bhaŋa ebu eyinɔ asɛ Kpaya enu otro elete, alasɛ adɛ yɛkɛ Kpaya kɛbui ɖɛɖɔ nɛabhaŋa gɛ aɖɔ denɔ ye Yi shu.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Tɛbubukasɛ 3:7

“Kɔ kpayaxwɛdɛ nɛ Filadelfia busɔlɛɔha nɛ mɛ sɛ: Ebui ɖuɖɔa nɛ alɛ nu agɛ yɛ shu bhui kɛlɛ enu kɛgba nɛ ayɛ, gɛ evunɔ Daviti kedunuaɖɛ. Kɛdɔnɔ nɛ gɛ adanɛ anɔnyanɔ atɛ ba naa da, klɛ kɛdɔnɔ nɛ gɛ ada anɔnyanɔ atɛ ba naa danɛ.