Romanɛ 2:9 - ONUGBÙ NYƐNYÃ VUVƆ

⁹ Butɔ nɛ ebui tutrɔ anɔabha alɛ aba za kɔ anɔdzyrame kanyaka gɛ abhɛtɛ kibui tsutsɔmɔ: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ;

Romanɛ 2:9 ပူးပေါင်းရင်းမြစ်များ

Mateo 16:26

Kibui dzyɔgo ɖueɖu kɛ ba dzi kɔ anɔ sɛ tɛ kanɔ nɛ petee kedzi yɛa yɛ, tɛ yɛ ɔfufɔɛ nɛ ɔdɔ lɛla? Ɔdɔgɔsɛ kidee anɔ aba naa yɛkɔ atsrakɛ yɛ kɛtɔwi nɛ nɔ?

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Axwɛwɛwa 13:26

“Badzya mɔ, Abraham yɛeyia lɛ mɔ, ganɛ wɔnɔa gɛ odinu Yuɖanɛ pɛ no si Kpaya kifu, blɔ so pɛ ba sɛsɛ anɔbubu kibui.

Axwɛwɛwa 20:21

Ɛtɛ bu ɖɔ tsre Yuɖanɛ anɛ Grikianɛ sɛ betsyina amɛ atɔnɔ Kpaya anɛ kitem tsyitsyina nɛ tɛ ba mɔ kabhayɛyɛkɛŋa nɛ bulɔ Apalete Yesu mɛ.

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Axwɛwɛwa 28:17

Nɛ ewi tata kede nɛɛ eklu Yuɖanɛ otugba banɔ nɛ petee exogo. Gɛ be xogo beke, Paolo etsrea lɛ asɛ: “Madzya Izraɛlanɛ mɔ, kɛ lɛ klɛm sɛ ɛdɛ bhɛtɛ buzizi kanyaka vɛnɔ anɔnyanɔ kɔ ɔdɔgɔsɛ ɛda trɔ bulɔa kalɛ nɛ begu kanyakaɛ bha, tsyɛ be vum nɛ Yerusalɛm klɛ la da yɛkɔ mɛ ada kpɛ ahwɛ kɔ Romanɛ.

Axwɛwɛwa 28:28

“Kɛlɛ shu so nɛɛ ɛpɛ sɛ tɛ no ti sɛ Kpaya anɔbubu nɛ atɛ vɛ kɔ bagɛ be di nu Yuɖanɛ, klɛ balɛ ba ba ta atɔ!”

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 10:12

Alasɛ ɔtɔgɛga ɔma Yuɖaeyi anɛ bagɛ ba dɛ yɛkɛaŋa nɛ Apalete lɛlɛ yɛ ko yɛ enu Apalete kɔ anɔnyanɔ klɛ ayula bagɛ balɛ petee balɛ aba yɛ ɔkɔ nɛ gelee,

Romanɛ 2:10

pɔ ishubhubhui, kabhakpɛkpɛ anɛ ishuyuyɔ kɔ anɔnyanɔ gɛ aabhɛtɛ kɛdzyɔgo: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ.

Romanɛ 8:35

Anee gɛ aba pɔɛ lɔ ehle nɛ Kristo tɛɖuɖɔ kɔ lɔ nɛ shu? Bunuhu pɛnɔɔ, ɔdɔgɔsɛ kanɔmgɛganɛ ɔdɔgɔsɛ tɛkpɛkpatɔnɔ ɔdɔgɔsɛ bubhɛ ɔdɔgɔsɛ alagba ɔdɔgɔsɛ ɔtsrekpã ɔdɔgɔsɛ kɛpamɛ?

Romanɛ 9:24

bulɔ krua, gɛ eklu nɛ tsyɛ, ganɛ denɔ Yuɖanɛ nɛm tite pɔ denɔ bagɛ di nu Yuɖanɛ nɛ tsyɛ mɛ?

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

2 Tɛsolonianɛ 1:6

Kpaya ana: Aba buya butɔɛbhɛ akɔ bagɛ ba kpɛ nɔ tɔ

1 Petro 4:17

Alasɛ kibe na kɔ kebhuikuklu tɛ kakpɛesi nɛ Kpaya yɛ beshopo nɛabha, klɛ onugɛ kɛkpɛesi nɛ́ bulɔ abha, kide lɛ ba dzi kɔ ba gɛ ba dɛ tatɔ nɛ̀ Kpaya kibui dzyɔgo?