Romanɛ 2:6 - ONUGBÙ NYƐNYÃ VUVƆ

⁶ Kpaya, “aba kɔ anɔnyanɔ nɛ yɛ kɛxwɛ nɛ gɛ awa nɛ nu.”

Romanɛ 2:6 ပူးပေါင်းရင်းမြစ်များ

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Romanɛ 14:22

So, kɛdɔnyɛdɔɛ dia bha gɛ ɔyɛkɛ ɔŋa nɛ ebuia nɛ shu nɔ nyɛna kɛlɛ ovunɔ nɛ aglɔɛshi anɛ Kpaya. Ba yula anɔ nɛ gɛ eti bu ishuipɔ ganɔ kɛgɛ kɛlɛa bha atrɔ ahwɛ.

1 Kɔrintioanɛ 3:8

Anɔ nɛ gɛ aɖa klɛ nɛ agɛ akpɛ ɔlɛ ni kibui tirikpo kɛlɛ lɛ balɛ ahwɛ, klɛ ba ba buya kɛbhɛ kɔ akanyaka nɛ yɛ xwɛ wuwa nɛ nu.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 11:15

Kɛdɛ bhui temohui, nɛlɛmɛ, onugɛ yɛ baxwɛdɛ betsyina shu anasɛ baxwɛdɛ nɛna dzyɔgo. Balɛ obekekɔ ba dzi kɛgɛ balɛ kɛdɔbhɛbhɛtɛ ba kɔ alɛ.

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

2 Timotio 4:14

Alɛksanda ɔɖaxwɛawɛwa nɛ ezi kɛdɔ gelee nɛ mɛ shu. Apalete nɛ aba buya kɛbhɛ akɔɛ nɛ kɛgɛ abhɛtɛ nɛ tɔkpu.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

Tɛbubukasɛ 20:12

Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.

Tɛbubukasɛ 22:12

“Di, ɛba kpataa! Mɛ kɛbhɛbubuya nɛ lɛ mɛahwɛ, klɛ ɛba kɔ anɔnyanɔ nɛ kɛbhɛtɛ nɛ gɛ abhɛtɛ nɛ nu.