Romanɛ 2:5 - ONUGBÙ NYƐNYÃ VUVƆ

⁵ Pɔ akpɛ wɔ batɔ matamata nɛ wɔ kitem matsyina matsyina idzyi nɛ so, oxogo batɔtɛtɛta kɔ ishu kɔ Kpaya batɔtɛtɛta wi, nɛ gɛ be be bu yɛ kebhui kuklu dzyɔgo nɛ akasɛ.

Romanɛ 2:5 ပူးပေါင်းရင်းမြစ်များ

Romanɛ 1:18

Be bu Kpaya obulo nɛ akasɛ denɔ owũsise gɛ ɔlɔ kititi nɛ banɔ nɛ gɛ ba ma nɛ kpaya klɛ ba lɛ nɛ kɛtɔkpum gɛganɛ pɛ be tii kɛgba nɛ akpɛesi ganɔ balɛ atɔkpum gɛganɛ nɛm,

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

Romanɛ 9:22

Kɛlɛ kide, onu gɛ Kpaya, aba pɛa sɛ tɛ akasɛ yɛ obulo tɛ be ti yɛ kemi, gɛ tɛdɛdɔfɔ̃ɔ gelee lɛ yɛahwɛ nɛ bagɛ balɛ amɔ obulo nɛ nɔ—ba tɛ bala elu kɔ tɛzizi?

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

2 Tɛsolonianɛ 1:5

Ebuianɛ petee enu tɛmumɔɖɔ sɛ Kpaya kebhuikuklu nɛ kana, klɛ nɛ kɛlɛ shu so ba ba kla nɔ sɛ nɔ na kɔ Kpaya bukusiɔŋakɔ, gɛ bulɛ shu nɔɔ tɔ.

Hebriuanɛ 3:13

Pɔ nɔ kpɛ ɛhaglɔ kemi kibenyɛbe, anasɛ gɛ be klu alɛ Obonɛ, so tɛ kizizi tɛ wɔɛ nɔ wɔnɔmɛayɛ kanyaka.

Hebriuanɛ 3:15

Anasɛ gɛ ba ɖɔ lu: “Obo nɛ, onugɛ nɔ nu yɛ olimɛ, nɔ tɛ gɛganɛ idzyi anasɛ gɛ wɔnɔ akalɛ lɔɛtiti nɛ Kpaya shu.”

Hebriuanɛ 4:7

Kɛlɛso Kpaya aza yɛkɔ kiwui tili, gɛ eklu lɛ asɛ Obo, nɛ kibe dzidze bafla aɖɔaɖɔ ganɔ Daviti abha anasɛ gɛ ba tɛ ɖɔ tsã: “Obo nɛ, onugɛ no nu yɛ olimɛ, nɔ tɛ gɛganɛ wɔnɔ idzyi.”

Yakobo 5:3

Wɔnɔ sɛkadzɛdzã anɛ efufu nɛ eti dzyewule. Balɛ budzyewule nɛ ba bhui nɔ nu klɛ bu ba tã wɔnɔɛ dzya ansɛ kifu. No kpu kɛnɔmɛdɔ nɛ ewi gɔgɔɛ nɛm.

2 Petro 2:9

onugɛ kana lɛ lɛ, kɛlɛalɛ Apalete enyi kana gɛ ebe bhui Kpaya banɔ denɔ tɛfifekedi mɛ klɛ tɛ anyɛna ebuikpã lete kɔ kebhui kuklu wui, kibelɛlɛ gɛ be tsiri balɛ batɔ tɛtɛta nɛabha.

2 Petro 3:7

Nɛ kibui lɛlɛ nɛ ke ɔtsɔ̀nɛ owũsise anɛ kesukpa ba gɔ alɛ lu kɔ kifu, be lui lɛ kɔ kebhuikuklu kiwui nɛ̀ kɛlɛ tɛzizi kɔ banɔ nɛ gɛ ba dɛ yɛkɛ kpayabhaŋa.

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Tɛbubukasɛ 2:21

Ɛtɛ kɔ yɛ kibe sɛ tɛ etsyina kitem nɛ yɛ azhuzhɔlɛbui nɛ mɛ, pɔ ataa pɛ asɛ.

Tɛbubukasɛ 6:17

Alasɛ bɔtɔhihe kiwigbla nɛ tɛ ba, klɛ anee gɛ aba na kɛlɛ nu za?”