Romanɛ 2:14 - ONUGBÙ NYƐNYÃ VUVƆ

¹⁴ (Kɛlɛɛ lɛm sɛ, kibelɛ gɛ bagɛ edi nu Yuɖanɛ, pɛ ɔshã nɛ ɔma balɛ ahwɛ, nɛ kanɔmɛ nu balɛ abhɛtɛ ebui nɛ gɛ ɔshã nɛ obisi, balɛ nahwɛ nɛ be nu ɔshã kɔ shu, ɔshã nɛ ɔnyɔ ma balɛ ahwɛ pɔ,

Romanɛ 2:14 ပူးပေါင်းရင်းမြစ်များ

Axwɛwɛwa 10:35

so ayɛkɛ banɔ edenɔ kɛmadi kanyakam gɛ esi yɛ kifu klɛ ba bhɛtɛ kɛgɛ nu kɛdzyɔgo.

Axwɛwɛwa 14:16

Nɛ kibe nɛ gɛ ba fla nɛ mɛ, Kpaya akɔ sɛ amadigbla nɛ petee ayɛkɔ alɛ edzo.

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Romanɛ 1:32

Kɛnya lɛ kɛlɛm sɛ be nyi Kpaya tɛzɛzam dzyɔgo ɔshã na sɛ, bagɛ balɛ abhɛtɛ ebuia lɛlɛ nɛɛ di na lɛ kɔ butsi, ganɛ sɛ be tsri alɛa bha bhɛbhɛtɛ ko, pɔ ba trɔahwɛ banɔ nɛ gɛ ba bhɛtɛ alɛ nɛ tsyɛa bha.

Romanɛ 2:12

Banɔ nɛ petee gɛ ba bhɛtɛ kɛgɛ ma ɔshã nɛ mɛ, ba ba lɛla nɛ ɔshã nɛm maza maza, klɛ banɔ petee gɛ ba bhɛtɛ buzizi nɛ ɔshã nɛesi, ɔshã nɛ obo kuluebhui nɛ balɛ.

Romanɛ 2:15

denɔ kibe lɛm gɛ be bu kasɛ asɛ ebui nɛ gɛ ɔshã nɛ obisi nɛ aŋlɔmɛ etsri balɛ idzyia bha ko, balɛ idzyi nɛm tsyɛ amɔ plɛnɔa lɛ, klɛ balɛ atɔkpum bhɛbhɛtɛ ɔtsɔ̃ ebualɛ pɔ, ɔtsɔ̃ le bualɛ nu tsyɛ.)

Romanɛ 2:27

Anɔ nɛ gɛ edi bhui bunyɛnyɛ nɛ ishuidzya nɛ mɛ klɛ tsyɛ pɛ anyɛna ɔshã nɛm evunɔ, ebe bu wɔabha agɔ, onu gɛ ɛshãeplukpa nɛ bunyɛnyɛ bhubhui lɛ wɔahwɛ tsyɛ, onu anɔ gɛ ɔda ɔshã.

1 Kɔrintioanɛ 11:14

Anɛ sɛ kanɔɛ mɛ bui kasɛ sɛ onugɛ anyɛ elu kɛtɔkputɛka dzidze ke nu kɛwɔɛ̃ kɔɛ yɛ,

1 Kɔrintioanɛ 9:21

Kɔ bagɛ ɔshã nɛ ɔma balɛ ahwɛ ɛba dzi anasɛ anɔ teli gɛ ɔshã nɛ ɔma yɛ ahwɛ (kɛlɛlɛmɛ sɛ ɛma ishuahwɛ nɛ Kpaya ɔshã nɛesi pɔ ɛlɛ Kristo ɛlɛ Kristo ɔshã nɛesi), sɛ tɛ ɛbu bagɛ ɔshã nɛ ɔma balɛ ahwɛ.

Efesoanɛ 2:12

bakasɛ kibelɛlɛ nɔza ɔtɔ nɛ Kristo shu, ba dɛ kla nɔ kpɛ Izraɛlanɛ nɛ shi anɛ befu kɔ onugbu nyɛnya kibuiɖɔlu, nɛ kidzoenudidi mazamaza, anɛ Kpaya kanɔa nɛ mɛ mazamaza.

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Filipianɛ 4:8

Gɔgɔɛ, badzya mɔ, kɛgɛ nu kɛgbɛagba, kɛgɛ gbɛgbla, kɛgɛ kɛlɛ nu kɛdzyɔgo, kɛgɛ kɛlɛ shu bhui, kɛgɛ kɛlɛ nu anɔɛ bui dɛdɛmɛnɔ, kɛgɛ kɛɛ pudi--onugɛ kɛdɔ tili pɛɛ̃ ɔdɔgɔsɛ kɛlɛ gɛ ba ba kpɛ nɛa bha--bhɛtɛ alɛlɛ nɛɛ di kɛtɔkpu mɛ.