Romanɛ 2:13 - ONUGBÙ NYƐNYÃ VUVƆ

¹³ Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

Romanɛ 2:13 ပူးပေါင်းရင်းမြစ်များ

Luka 18:14

‘Etsre nɔ se anyanɛ, anɛ Farisi anyɛ, avɛ bupa mɛ ɛku Kpaya awɔ̃. Alasɛ anɔnyanɔ gɛ efeke shu ba bɛ zhinɔ yɛ, agɛ ezhinɔ shu ba be feke yɛ owunɔ.”

Luka 8:21

Ebuilɛnu asɛ, “Meni nɛ mɛ adzyalɛ ba lɛ nu bagɛ benu Kpaya bui klɛ ba bhɛtɛ atrɔ kɛlɛabha.”

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

Axwɛwɛwa 13:39

Ganɔ yɛa bha nɛ anɔnyanɔ gɛ ayɛkɛ aŋa nɛɛ ba bhɛtɛ yɛ ana ganɔ kidzonyɛdzoa bha gɛ nɔ tɔ na nɛ Mose ɔshã nɛ nu flogo.

Romanɛ 10:5

Mosesɛ ashrɔ nɛ kidzoe nɛa bha kana gɛ tɛnɛnamɛzɛza lɛ plɛnɔ ɔshã: “Anɔɔ nɛ gɛ aabhɛtɛ ebuia nɛɛ aba za plɛnɔ alɛ.”

Romanɛ 2:25

Kɛdzyɔgo lɛ bunyɛnyɛ bhubhui shu onu gɛ ɔnyɛna ɔshã nɛm ovunɔ, pɔ onu gɛ ɔdɛ bhɛtɛ ɔshã nɛa bha, odzi anasɛ anɔ nɛ gɛ edi bhui bunyɛnyɛ.

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.

Romanɛ 3:23

alasɛ banɔ nɛ petee ba tɛ bhɛtɛ buzizi klɛ Kpaya ishubhubhui nɛ lɛla nɛ balɛ shu,

Romanɛ 3:30

nɛ kiwili gɛ Kpaya terikpo ko yɛalɛ, gɛ yɛ aba danɛ bagɛ be bhui bunyɛnyɛ nɛ shu ganɔ tɛyɛyɛkɛŋɛa bha anɛ bagɛ edi bhui bunyɛnyɛ ganɔ tɛyɛyɛkɛŋa tirikpoe lɛlɛ nɛa bha.

1 Kɔrintioanɛ 4:4

Mɛ ebui mɛ ebhui, pɔ kɛdɛ kasɛ sɛ ɛma lɛ mɛ. Apalete yɛ klu kebhui nɛ mɛ.

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

Galatianɛ 5:4

Wɔnɔ bagɛ nɔ wlãkɛ sɛ tɛ nɔ dzi badzyɔgo nɛ ɔshã nɛ mɛ nɔ bhui shu obu nɛ Kristo shu, nɔ wɔlɛ okoeyi nɛ kɛdɔkukɔ shu.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

1 Yohanɛsɛ 2:29

Onugɛ nɔ nyi sɛ enu anɔ dzyɔgo, nɔ nyi sɛ anɔnyanɔ gɛ abhɛtɛ kɛgɛ nu kɛdzyɔgo yɛ mɛ la mɔ yɛ.

1 Yohanɛsɛ 3:7

Banɛvɔ mumɔa, nɔ tɛ kɔ anɔnyanɔ awɔɛ nɔ. Anɔ gɛ abhɛtɛ kɛdɔ dzyɔgo enu anɔ dzyɔgo, anasɛ gɛ Kristo enu adzyɔgo.