Romanɛ 2:10 - ONUGBÙ NYƐNYÃ VUVƆ

¹⁰ pɔ ishubhubhui, kabhakpɛkpɛ anɛ ishuyuyɔ kɔ anɔnyanɔ gɛ aabhɛtɛ kɛdzyɔgo: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ.

Romanɛ 2:10 ပူးပေါင်းရင်းမြစ်များ

Mateo 10:13

Bupa nɔɔ nɛ gɛ bɔɔ yɛkɛ nɔ, nɔ kɔ wɔnɔ ishuyuyɔ nɛ za plɛnɔ bulɛ, kɛɛ ma ana, nɔ kɔ wɔnɔ ishuyuyɔ nɛ tsodzi ba nɔ kɔ.

Luka 1:79

tɛ kɛtã kɔ bagɛ ba kpasɛ otumui mɛ nɛ bagɛ ba kpasɛ butsi tɔwui mɛ, tɛ agbanɛ bulɔ butsrukpɔ akpɛ ishuyɛyɔ kidzoɛ mɛ.”

Luka 12:37

Kɛ ba dzi kibui dzyɔgo kɔ baxwɛdɛ nɛ gɛ ba lɛ apalete aba mɔalɛ sɛ belinawɔ̃ epo yɛ gɛ aba. Itsre nɔ kɛgbɛagba, aba nyumu dɔ yɛnahwɛ tɛ adɛ kɛxwɔɛ, ebe tsrea lɛ sɛ bada za kesi nɛ kɛdɔŋa kɔ klɛ aba ba klɛ aba ba dɛ axwɛ kɔa lɛ.

Luka 19:42

klɛ aɖɔ sɛ, “Ɔtɔ sɛ nonyi tsyɛ sɛ, kɛ gɛ ba mɛna nɔ ishuyuyɔ ba mɛna nɔ obowui nɛa bha. Pɔ ɔtsɔnɛ kikpu kɔ nɔ awɔ̃hu.

Luka 22:14

Gɛ ɔɖɔ nɛ mɛ ɔna, Yesu nɛ yɛ bakpɛkpɛ ba da za kɛwɔɛ̃ nɛ kɛ dɔ nɛ ɔŋakɔ.

Luka 9:48

Kɛlɛ aɖɔ etsre alɛ sɛ, “Anɔ nɛ gɛ ayɛkɛ anuvɔ bhliyia nɛ mɛ nyi mɛ ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ anɔ nɛ gɛ akpɛ mɛ. Alasɛ agɛ enu ebhliyidɛ nɛ wunɔ petee shi—ye nu agbɛgbladɛ.”

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Axwɛwɛwa 10:35

so ayɛkɛ banɔ edenɔ kɛmadi kanyakam gɛ esi yɛ kifu klɛ ba bhɛtɛ kɛgɛ nu kɛdzyɔgo.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 2:9

Butɔ nɛ ebui tutrɔ anɔabha alɛ aba za kɔ anɔdzyrame kanyaka gɛ abhɛtɛ kibui tsutsɔmɔ: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ;

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Romanɛ 8:6

Anɔ gɛ abhɛtɛ buzizi nɛ tɔkpu mɛ nu butsi, pɔ kɛtɔkpu nɔɔ nɛm gɛ Ɔfufɔɛ ɔlɛ ɔŋa kɛlɛa bha nɛ nu ɛkpã nɛ ishuyuyɔ,

Romanɛ 9:21

Kɛlɛ adɔbhɔ nɛ ataa mɔɛ dzo ayɛkɔ tisi tirikpoe lɛ nɛ abhɔɛ dɔ gɛ kɛlɛ shuixwɛ wɛwa gbla ba za pɛ ataa yɛkɔ tisi lɛ nɛ ke abhɔ kɛdɔ tite ko nɔ?

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Filipianɛ 4:7

Klɛ Kpaya ishuyuyɔ, gɛ kɛdɔfla ebuiesinunu petee, kɛ ba po wɔnɔ idzyi anɛ wɔnɔ atɔkpu mɛ nɛ́ Kristo Yesu mɛ.

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

Hebriuanɛ 2:7

Ɔbhɛtɛ yɛ alɛ kesi kɛbɔɛ dɛ kpaya baxwɛdɛ, ɔyɛkɔ kabhakpɛkpɛ anɛ ɔzakɔkukɔanɔ okumu kikutu ɔkɔ yɛ

Yakobo 2:22

Sɛ ɔmɔ sɛ yɛ tɛyɛyɛkɛŋa anɛ kɛxwɛwɛwa nɛ ga ketsu, klɛ yɛ tɛyɛyɛkɛŋa nɛ na ganɔ kɛgɛ abhɛtɛ nɛm.

Yakobo 3:13

Ane gɛ enyibui pɛ enu kibuiesi nɛ wɔnɔɛ shi? Kɔ ebui lɛ akasɛ ganɔ yɛ ɛkpã dzyɔgo nɛm, ganɔ ebui bhɛbhɛtɛ anɛ ishu zhizhinɔesi nɛ gɛ de kibuinyinyi mɛ.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.