Romanɛ 15:8 - ONUGBÙ NYƐNYÃ VUVƆ

⁸ Alasɛ itsre nɔ sɛ Kristo eti dzi Yuɖanɛ axwɛdɛ nɛ Kpaya kɛgba nɛ nyi mɛ nu, sɛ tɛ ayɛkɔ atrɔ kɛklãgbu nɛ tɛtutrɔ nɛ gɛ abhɛtɛ kɔ bakashishe

Romanɛ 15:8 ပူးပေါင်းရင်းမြစ်များ

Mateo 15:24

Yesu ebui lɛ nu etsre alɛ asɛ, “Izraɛl ibhoshi nɛ gɛ lɛla nɛ tite ɔkɔ la kpɛ mɛ.”

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Yohanɛsɛ 1:11

Aba ɔkɛlɛ gɛ lɔ dzi yɛ nahwɛ ɔkɔ, pɔ yɛ nahwɛ ayɛ ba dɛ yɛkɛ yɛ.

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Romanɛ 11:22

Klɛso luawɔ̃ nɛ Kpaya ɛyamyuyɔ nɛ yɛ amɛgɛganɛ: amɛgɛganɛ anɛ bagɛ ba wɔlɛ, pɔ ɛyamyuyɔ kɔ wɔ, onu gɛ ɔbɔ vɛ kɛlɛa bha nɛ yɛ yamyuyɔ nɛ na. Odinuana, wɔ tsyɛ be be bhui wɔ atɛɛ̃.

Romanɛ 11:30

Ansɛ gɛ wɔnɔ nɛ kibe tilim gɛ nɔ dɛ ta Kpaya batɔ pɛ ɔtsɔ̃ nɔ bɔ mɔ eshutuku didi denɔ balɛ batɔ matamata shu,

Romanɛ 15:16

sɛ idzi Kristo Yesu kibui nɛ aɖuɖɔ kɔ bagɛ ba dɛ yɛkɛaŋa plɛnɔ kpayanɔ axwɛwa kɔ Kpaya kibui dzyɔgo nɛ tɛɖuɖɔ, sɛ tɛ bagɛ ba dɛ yɛkɛaŋa ne be dzi beyi gɛ Kpaya aba yɛkɛ, gɛ Ɔfufɔɛ Dzyɔgo nɛ ɔtrɔahwɛ.

Romanɛ 3:26

abhɛtɛ kɛlɛ asɛ tɛ ayɛkɔ ebu yɛ tɛnɛna nɛ akasɛ nɛ kibe nɛm, sɛ tɛ ana tɛ edzi anɔ nɛ gɛ adanɛ banɔ nɛ gɛ tɛyɛyɛkɛŋa lɛ balɛ ahwɛ nɛ shu nɛ Yesu mɛ.

Romanɛ 3:3

Kɛlɛ onu gɛ tɛyɛyɛkɛŋa ma beteli ahwɛ nɛ xɔ? Tɛyɛyɛkɛŋa nɛ gɛ ma balɛ ahwɛ kɛ ba tsa odi kpɛ Kpaya tɛyɛyɛkɛŋa nɛm dza?

Romanɛ 4:16

Kɛlɛso, tɛtutrɔ kɛɛ ba denɔ tɛyɛyɛkɛŋam, sɛ tɛ kɛ ba dzi ganɔ eshutukubui didi nɛ ganɔ kidekpɛkpɛ kɔ Abraham yɛeyialɛ nɛ petee— ganɛ sɛ bagɛ ba lɛ nɛ ɔshã nɛ ko, pɔ kɔ bagɛ ba lɛ nɛ Abraham tɛyɛyɛkɛŋa nɛ mɛ tsyɛ. Yɛ enu aka kɔ bulɔ petee.

1 Kɔrintioanɛ 1:12

Kibui nɛ gɛ ɛɖɔ klɛ nu sɛ: wunɔ mayɛ teli aɖɔ sɛ, “Ɛlɛ Paolo ede”, anɔbhlatɔ, “Ɛlɛ Apolo ede”, abhlatɔ, “Ɛlɛ Kefas ede”; abhlatɔ tsyɛ asɛ “Ɛlɛ Kristo ede.”

1 Kɔrintioanɛ 10:19

Bu ɖɔ mɛ ɖɔ ɔtsɔ̃nɛ sɛ bugu kɛdɔtutɔ gɛ ba kɔ anɔbhubhɔ kɛ nu kɛdɔ tili pɛnɔ anɔbhubhɔ yɛ enu kɛdɔtili?

1 Kɔrintioanɛ 10:29

anɔ bhlatɔ ayɛ mɛ, ɛɖɔ, ganɛ wɔa yɛ mɛ. Pɔ kideso gɛ mɛ ishuahwɛzɛza ba dzi kebhui gɛ anɔ bhlatɔ ebe klu kebhui nɛ mɛ nɛ yɛ kibuimumɔ nu?

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

2 Kɔrintioanɛ 1:20

Alasɛ kɛbuinyɛbui dɛ ba dzi ebui tɛtrɔ gelee gɛ Kpaya abhɛtɛ, lɛ nu “Ee” nɛ Kristo mɛ. Kɛlɛ so ganɔ yɛa bha “Tɛkɛbɛlɛm” bu ɖɔ yɛ kɔ Kpaya nɛ tɛkpɛkpɛ nɛa bha.

Efesoanɛ 2:12

bakasɛ kibelɛlɛ nɔza ɔtɔ nɛ Kristo shu, ba dɛ kla nɔ kpɛ Izraɛlanɛ nɛ shi anɛ befu kɔ onugbu nyɛnya kibuiɖɔlu, nɛ kidzoenudidi mazamaza, anɛ Kpaya kanɔa nɛ mɛ mazamaza.