Romanɛ 14:1 - ONUGBÙ NYƐNYÃ VUVƆ

¹ Yɛkɛ agɛ yɛ tɛyɛyɛkɛŋa nɛ ma kemi, kebhui maklumaklu nɛ yɛ nɛ ebui nɛ gɛ ba ba wlãnkɛ nɛ shu.

Romanɛ 14:1 ပူးပေါင်းရင်းမြစ်များ

Mateo 12:20

Tɛwa yɛyɛkɛ kɛpɔ kanyaka eti be dzyini, klɛ kanɛgbɛ keputakpa tɛtã kanyaka eti be wulu kalɛ atɛ̃, ɔdɔ nanɔ kibe lɛ gɛ agbanɔ kɛdzyudzyɔ avɛnɔ kabhaŋɛŋam.

Mateo 14:31

Ɔkɛlɛ nɛ ko, Yesu ebu ɔhwɛ klɛ anyɛna yɛ. Aɖɔ asɛ, “Wɔ tɛyɛyɛkɛŋa bhli anɔ, kide so pɛ ɔdɛ yɛkɛ ɔŋa!”

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Marko 7:19

Alasɛ kɛ tɛɛ tsoku yɛ idzyi nɛ mɛ, eya nɛ mɛ lɛɛ vɛ, flogo pɛ kɛ ba tɛ koeyi nɛ yɛ ishu mɛ.” (Nɛ kibui lɛ nɛ tɛ ɖuɖɔ mɛ nɛ, Yesu atrɔ ahwɛ kɛlɛa bha sɛ kɛdɔŋɛŋa kanyaka di ko kɛlɛ shu bhui.)

Luka 17:2

Kɛ ba pɛ̃ kɔ yɛ dɛ sɛ tɛ batsa buhɔ akpɛ yɛ oli tɛ ba yɛkɔ atɛ̃ akpɛ aƒu mɛ sɛ tɛ akɔ banuvɔ bhli anɛ teli ada bhɛtɛ buzizi.

Yohanɛsɛ 13:20

Itsre nɔ gbɛagba sɛ, anɔ nɛ gɛ ayɛkɛ anɔnyanɔ gɛ ɛkpɛ, ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ agɛ akpɛ mɛ.”

Axwɛwɛwa 28:2

Banɔ nɛ ɔkɛlɛ nɛ ba yɛkɛ lɔ nɛ eyamyuyɔ tili di. Ba tɔɛfu klɛ ba yɛkɔ yɛkɛ lɔ nɔ alasɛ zubha aadɔ klɛ ɔklɛ ɔyɔ bubɔɛbɔɛ.

Romanɛ 11:15

Alasɛ onu gɛ balɛ shu tɛshɛshɛ̃nahwɛ nɛ kɛlɛ nu kanɔ nɛ ɛhwɛ kpɛkpɛetsu, kidee gɛ ba dzi tɛdɛdɛmɛ gɛ odinu ɛkpã gɛ de bekpum?

Romanɛ 14:2

Anɔ teli tɛyɛyɛkɛŋa kɔ yɛ dzo sɛ aŋa kɛdɔnyɛdɔ, pɔ anɔ bhlatɔ, gɛ yɛ tɛyɛyɛkɛŋa nɛ dɛ gɛganɛ, aŋa tɛga ko.

Romanɛ 14:21

Kɛ bɔ dɛ sɛ tɛ ɔtɛ ŋa kɛdzya ɔdɔgɔsɛ ɔwɛ̃ bulu ɔdɔgɔsɛ ɔbhɛtɛ kɛdɔnyɛdɔɛ di gɛ ba kɔ sɛ wɔadzya aba wɔlɛ.

Romanɛ 14:3

Anɔ nɛ gɛ aŋa kɛdɔnyɛdɔɛdi ama sɛ ebu agɛ ataa ŋa ana nɛa bha agɔ, klɛ anɔ nɛ gɛ ataa ŋa kɛdɔnyɛdɔɛdi, ama sɛ tɛ ebu agɛ aaŋa nɛa bha agɔ, alasɛ Kpaya atɛ yɛkɛ yɛ.

Romanɛ 15:1

Bulɔagɛ gɛganɛ alasɛ tɛ bu di bagɛ ba dɛ gɛganɛ nɛ ɛwɔlɛkɔ nɛ eshutukubui tɛ bu ti ku ishuawɔ̃.

Romanɛ 15:7

Nɔ yɛkɛ aglɔ, ka, ansɛ gɛ Kristo ayɛkɛ nɔ, sɛ tɛ nɔ mɛna kabha kpɛkpɛ kɔ Kpaya.

Romanɛ 4:19

Nɛ kesi mazhimazhi anɛ yɛ tɛyɛyɛkɛŋa mɛ, edzu amɛ nɛ kɛgba nɛ asɛ yɛ ishuidzya nɛ ɛti she kɔ tɛtsitsi— nɛ kibe lɛm gɛ atɛ ŋa ansɛ agɔ kɛfɔɛfɔ— klɛ Sara ɔmumɔhui nɛ tsyɛ oti tsi.

1 Kɔrintioanɛ 9:22

Kɔ bagɛ ba gblɔdzɔ ɛba gblɔdzɔ́, sɛ tɛ ibu bagɛ ba gblɔdzɔ. Ɛba dzi kɛdɔ nɛ petee kɔ banɔ nɛ petee sɛ tɛ ganɔ kidzonyɛdzo abha tɛ ɛyɛkɛkɔ be teli.

Filipianɛ 2:29

Nɔ yɛkɛ yɛ nɛ Apalete nɛ mɛ anɛ̀ samɛ gbɛgbla, klɛ nɔ yɛkɔ ɔzakɔ kɔ banɔ anasɛ yɛ,

1 Tɛsolonianɛ 5:14

Klɛ bu tsre nɔ, badzya mɔ, bagɛ baa kpɛ aye be dii mɔ, nɔ kpɛ bagɛ be sifu nɛ kemi, nɔ plɛnɔ bagɛ ba dɛ gɛganɛ, nɔ dɔfɔɔ̃ nɛ anɔnyanɔ.

Hebriuanɛ 5:14

Pɔ kɛŋɛŋa gɛganɛ lɛ kɔ beshishe, nɛ kɛlɛ tɛyɛŋa mɛ babhɛtɛ shu asɛ tɛ be ti ɔtɔgɛga nɛ kɛdyɔgo nɛ kizizi.

2 Yohanɛsɛ 1:10

Onugɛ anɔ teli aba wɔ kɔ klɛ adɛ mɛna nɔ kɛdɔkɛkasɛ nɛ, nɔ tɛ yɛkɛ yɛ akpɛ wɔnɔ bupa mɛ ɔdɔgɔsɛ nɔ kɔ yɛ wola.