Romanɛ 13:12 - ONUGBÙ NYƐNYÃ VUVƆ

¹² Otumu nɛ ɔɔfla beke; keli nɛ kaza beke. So nɔ kɔ lɔ shɛ̃nahwɛ otumum ebui nɛ shu tɛ bu yɛkɔ kelizɛza keyuawi nɛ kpɛ.

Romanɛ 13:12 ပူးပေါင်းရင်းမြစ်များ

Romanɛ 13:14

Nɛ kɛlɛ mɛ, nɔ yɛkɔ Apalete Yesu Kristo nɛ onyumu, klɛ no tɛ bhɛtɛ kɛtɔkpum nɛ kana gɛ nɔ bɔ kpɛ buzizi mɛ tɛzɛza tɛpɛpɛɛ nɛ kabha.

1 Kɔrintioanɛ 10:11

Ebuia nɛ aba bɛlɛ abha sɛ tɛ kidzi kɛdɔkɛkasɛ klɛ ba ŋlɔmɛ elu anasɛ tɛtsitsrenɔ kɔ lɔ nɛ agɛ aba za nɛ kanɔ nɛ obeke kɔ gɛ ɔbɔ ba.

1 Kɔrintioanɛ 7:29

Kibui nɔ nɛ gɛ ɛɖɔ, badzya mɔ, kɛ nu sɛ kibe dɛ dze. Denɔ ɔtsɔnɛ bagɛ bagbanɔ adzɛ ba za anasɛ sɛ adzɛ ama balɛ ahwɛ,

2 Kɔrintioanɛ 10:4

Buyutɛdɔ gɛ bɔ yɛkɔ ta buyu nɔ bu dɛ nu kanɔɛmɛ buyutɛdɔ. Nɛ kɛlɛmaza, Kpaya bupu lɛ balɛ ahwɛ gɛ ba bayɛkɔ ayɛɛ ɛgɛganɛ kɔ.

2 Kɔrintioanɛ 6:7

nɛ́ kɛgba kaɖɔɖuɖɔ anɛ̀ Kpaya kemi; nɛ̀ tɛzɛzamnɛna keyutɛtadɔ nɛ́ kɛŋa ɔhwɛ mɛ anɛ̀ nɛ kɛbhɛtɛkpɛ mɛ,

Efesoanɛ 4:22

Bakasɛ ɛkpã kuku gɛ nɔ za bafla tɛ nɔshɛnahwɛ ɛkuku nɛ shu, gɛ butsutsɔmɔ wɔɛ nɔ kpɛ buzizi mɛ,

Efesoanɛ 5:11

Nɔ tɛ bhɛtɛ kɛdɔnyɛdɔ nɛ̀ otumu mɛ mayumayu ebui bhɛbhɛtɛ, pɔ nɔ bu alɛ ɔdzyɛra.

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

Hebriuanɛ 10:25

Nɔ tɛ kɔ lɔ zukɔlɔ kɛtɔkputsyɛtsya kɔ dɛ, anasɛ gɛ banɔ teli ba yɛkɔ trɔ shu gɛ ba bhɛtɛ, pɔ nɔ kɔlɔ kpɛ agulɔ kemi—klɛ petee ɔyɛkɔ dɛana anasɛ gɛ nɔ mɔ Kelizɛza nɛ gɛ aba.

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Yakobo 1:21

Klɛso, nɔ shɛnahwɛ ɛkpã dudɔɛbo nɛ petee shu anɛ butsutsɔmɔ nɛ gɛ gbla yuku nɛ kanɔ mɛ tɛ nɛ ishuzhizhinɔesi mɛ ɔyɛkɛ kibui nɛ gɛ ba ɖa kpɛ wɔ mɛ, gɛ kɛ ba bu wɔ.

Yakobo 5:8

Wɔnɔ tsyɛ, nɔ dɔ fɔ̃ɔ tɛ nɔ za gɛganɛ, alasɛ Apalete nɛ tɛbɛba tsuu ba.

1 Petro 2:1

Kɛlɛso, nɔ bu wɔnɔshu denɔ ebuikpã petee mɛ, anɔwuwɔɛ, otro petee, awɔ̃dzɛdzã anɛ anɔshuzizi kanyakaɛ di.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

2 Petro 3:11

Nɛ kibelɛlɛ gɛ kɛdɔnyɛdɔ bazi nɛ kɛ dzoe nɛabha, banɔ ɖuweɖu di nɔ bɔ dzi? Kɛlɛsɛ tɛ nɔ za nɛ ɛkpã tɛ ɛlɛ shu ibhui klɛ tɛ nɔ za kpayamɛ

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

Tɛbubukasɛ 1:3

Bayula anɔ nɛ gɛ aakla ebui nɛ gɛ ede kibuiɖuɖɔlui nɛ mɛ, klɛ bayula bagɛ balɛ enui lɛ klɛ ba yɛkɔ kɛgɛ ba ŋlɔmɛ nɛ akpɛ balɛ idzyi mɛ, alasɛ kibe nɛ tsobunɔ.

Tɛbubukasɛ 22:10

Ɔkɛlɛ etsrem asɛ, “Tɛ da ebui nɛ dɔ nɛ ebuiɖuɖɔlu keplukpɛa nɛm, alasɛ kibe nɛ tsuu ba.